文明之始~!! 鐵血之祖~!! Ancient Predator~~!!!!!

irontuba

AVP Ancient Predator~!!
2014年動漫限定三寶的其中一寶~~
雖然也打著"限定"的名號..但人氣始終不及其餘二寶..
所以被許多玩家炒家視為豬頭骨賤放之............:80:

咁岩小弟一隻P仔都無入過~
又見"動漫限定"名號響噹噹~~最重要的是賤價合理(但其實未算最賤....):58:
所以就從Y拍bid左返黎做唯一的P仔吧~~

對於P仔的劇情典故小弟一d都唔熟悉~~
只知道呢隻P仔係AVP第一集中係金字塔上舉高異形頭一幕出現過~~
至於更詳細既資料就留返比其他P仔死忠去介紹啦~~

好不容易終於等到28號入場拎貨~~(其實真係萬般不願入場.....)
返到屋企一開箱~~
嘩!!嘩!!嘩!!
未玩過P仔既小弟就如發現新大陸!!
感覺好震撼!!!!
Size比一般12"都要高大~~應該都有14"高~~
P仔大大隻~~雖然盔甲不多~~但身上掛住既骨頭裝飾真係好精緻~~
加上配件又多~~~仲有個大地台~~~
本身我以為個地台係同之前出過既Celtic係一模一樣~~
原來唔係!!! Ancient呢個地台上既異形係被踏爆頭的~~雕功上色都一流~~~:shy:
而唔少得既就係令人期待既果支插住異形頭的矛~~~真的太正了~~
講下講下講得太多了~~都係去相先~~多多指教~~!!!












  





黎到呢到真係要停一停講一講~~
面具有兩個~~勻是雕功精緻上色舊化一流~~
最令我喜出望外既係~~眼罩位竟然是透明件~~
透明件底下竟然亦有精細紋理~~~真係要比個叻叻HT~~!!!
而兩個面具之中我比較鐘意呢個有尖角既~~所以全程都帶住呢個黎影~~
另外除左因為懶惰~小弟其實都唔係好鐘意P仔既真樣.....所以呢輯相係無除到面具~~請各位見諒~~:64:









     











到最後.....有讚當然都要彈.....
第一係兩隻腳既腳踝關節完全無力....上身咁重擺pose好難擺得穩....
我影相時都真係擺左好耐好耐....
第二就係好多師兄都有講既手型問題.....
官圖明明左手係可以拎住支矛....但隻手形又痴實哂...完全放唔到支矛入去....
而右手果個就太闊....把短刀完全係拎唔實.....
我諗HT應該係左右手的設計調轉了......
第三...插住異形頭的矛實在太重了....
如果要舉高display的話應該好快就會有關節痛.....
不過就算係放低..都唔知個ball join究竟頂唔頂得順...

總括黎講~~~
對於無玩過P仔的我黎講真係有無限驚喜~~~
加上又係動漫限定~~都真係幾有價值~~~~~
不過P仔真係入一隻都夠~~
一黎大大件無位擺~~二黎同我一齊住的婆婆對佢都幾反感...........:(
除面具就更加唔洗講.............
haha~~點都好~~~正貨一件~~~~~
依家又周街賤價好值追~~~~(利申：小弟沒有存貨唔洗散貨...)
多謝大家欣賞~~~!!!

beebee

P仔係好物！儲開1/6既玩家總要有一兩隻看門口:71:

hulk123

師兄正相呀！我同你情況一樣，又係本身一隻P仔都冇的，但P仔始終係經典野點都要入番隻來守門囗,不過一直都睇吾啱,到呢隻三寶一見到個地台同支矛就已經決定要入呢隻，亦是唯一一隻。

ericcafe

師兄你隻P仔大比位有冇裂紋????

Lotus

恭禧ching入得人生第一隻P仔同心頭號。:77:

bennyling720

師兄D相好正,我都要學下師兄擺D靚POSE先,我亦都係第一隻入既P仔,之前出個D部MISS左,因老虎詐形話樣太恐怖唔比買,後來會場版出我講掂老虎可買回來,但條件係不可除面具,用左五張ID抽全落空,後來在Y拍一條四魚入手!!!!!!!!!!!!

irontuba

多謝大家支持~~你地嘅小小鼓勵就係小弟影相的動力~
始終能力有限~~都係想同大家真心分享~~

irontuba

師兄你隻P仔大比位有冇裂紋????
ericcafe 發表於 30-7-2014 01:43 AM

Ching係米講緊右大脾對上內則???
我初初都覺得有d奇怪~~
但睇真d應該係傷口雕功~~
上色都係一流~~~~!!!!

廿一月

大大, 其實有時玩落呢類仲大件d o既figure都幾震撼架
可惜o既係HOTTOYS整o既PREDATOR美觀就美觀, 但可動度真係幾差下
不過唔緊要啦, 我都係覺得靚靚仔仔擺係度就可以~
另外, 如果你喜歡唔除面罩o既PREDATOR, 真係要入返隻Tracker Predator
丫烏跳晒樓, 全新都只係七舊水, 佢係HT出PREDATORS果三隻最多甲o既一隻, 仲要有隻狗俾你拖狗散步, 抵到步驚暈:DD

ChiuJai

AVP Ancient Predator~!!
2014年動漫限定三寶的其中一寶~~
雖然也打著"限定"的名號..但人氣始終不及其餘二 ...
irontuba 發表於 30-7-2014 01:14 AM

師兄,我都係冇P仔! 講真,除人氣大熱嘅IM外,最值得收集嘅玩物就係一系列嘅P仔!
單睇雕功就已經值得欣賞,啲細緻位好正,HT嘅水準可想而知,令人愛不釋手!擺放喺SB大本營嗰啲P仔,隻隻栩栩如生,要幾型有幾型.....如果唔係我有太多IM,我相信我嘅玩物一定係P仔,冇得走雞!

irontuba

大大, 其實有時玩落呢類仲大件d o既figure都幾震撼架
可惜o既係HOTTOYS整o既PREDATOR美觀就美觀, 但可動度 ...
廿一月 發表於 30-7-2014 09:55 AM

無錯！下身係一大敗筆~~
不過我都係重美觀多d~~
隻tracker 我都有考慮過~~
雖然抵玩~~但設定點都唔夠AVP型仔~~
所以算了~~~~

irontuba

師兄,我都係冇P仔! 講真,除人氣大熱嘅IM外,最值得收集嘅玩物就係一系列嘅P仔!
單睇雕 ...
ChiuJai 發表於 30-7-2014 10:00 AM

Ching~我都係主要玩IM~~
不過見到P仔嘅雕功咁正~~~
點都一定要入一隻~~~~~!!!!

quincy

AVP Ancient Predator~!!
2014年動漫限定三寶的其中一寶~~
雖然也打著"限定"的名號..但人氣始終不及其餘二 ...
irontuba 發表於 30-7-2014 01:14 AM

    P仔入屋最大問題係，我屋企人覺得佢好肉酸{:1_198:}{:1_198:}

Macross長谷有洋

Looks good, support. :71:

pak1231

我雖然有睇PREDATOR同AVP但本身都無玩P仔
但見呢隻又多配件又跌價,所以都入左隻過手引