信報--玩具集團Hot Toys 創辦人訪問

darker26

可以睇下......知道下點解會今, 又點解X-MAN...今...

港產人偶玩具全球熱捧
陳浩斌：成功只因夠癲

十個男人，九個愛玩具，然而能夠把玩具當作事業的，可謂萬中無一，我正是那一萬零一個幸運兒。我是陳浩斌，41歲，玩具集團Hot Toys創辦人。

我們出品的人偶玩具（figure），大多來自美國電影和動畫角色，但由我們自己設計，再交內地廠房生產，最後在全球銷售。除了每次在香港發售都惹來排隊搶購，遠在美國及日本亦有大批擁躉。有人問，為何我們賣玩具可以賣到全球出位，我會答，因為香港人都是癲的，就算玩具都要玩到最狂熱。

無論異形（Alien）、蝙蝠俠（Batman）或鋼鐵俠（Ironman），在我們店內看到的美國電影角色人偶，都是獲官方正式授權的出品，絕非「山寨貨」。很多人問，為何美國電影公司願意授權給我們一家香港公司，其實對方一開始也並非那麼「順攤」，而是憑着我們的瘋狂去打動對方，才取得授權，現時我們已是多套美國電影「御用」的人偶製造商。

我告訴你，一隻普通12吋高的人偶，看似簡單，所須的開發期往往長達1年。首先選定角色，然後構思姿勢和表情，交予南韓雕刻師雕版上色，再設計多款服飾。若是機械人，更要設計關節及武器機關，例如在手臂收藏槍械、在胸口設LED燈發光。最後，還要加上金屬、油漆、配色、染噴，以至各種塑膠和布料併合。一個12吋人偶，全身從頭到腳皆是絞盡腦汁之作。

專注做高檔收藏品

記得第一次向工廠提出產品要求，對方劈頭一句「哪會有人做到如此精細」，找了很久才找到第一間工廠肯接我們訂單。2003年首次向外國電影公司爭取角色版權，對方的代表大潑冷水：「你騙人，香港人做得到嗎？」我們費盡唇舌，解釋我們不是做代工塑膠玩具，而是希望生產價值逾千元的高檔收藏品。

如今，我們在國際電影界及玩具界都有名氣，電影公司大多樂意跟我們合作，但亦不代表過程一帆風順，因為我們有自己的堅持，不會為了賺錢就妥協。例如跟荷里活巨星尊尼特普（Johnny Depp）合作製造他的《魔盜王》角色，我們堅持「照足原著」，希望人偶開口笑時要露出金牙齒，但尊尼特普不想，我們跟他為此拉鋸了5、6個月，最後雙方各讓一步，人偶緊閉嘴巴，不露牙齒。

一般公司構思新產品時，通常會先考慮成本，但我和同事們都是「癲」的，全部都是玩具狂熱分子，我們會先想怎樣做出最靚、最刁鑽、最令人哇一聲的作品，之後才考慮成本。正因我們夠「癲」，為每一款人偶灌注了瘋狂的熱情，我們的作品才會受到全球玩家追捧。

玩具狂熱化為事業

繞了好大一個圈，其實故事應該從我的童年時代講起。我出身中產家庭，自小經常收到玩具做禮物，玩具癮就此煉成。我最愛在尖沙咀逛玩具店，遇到心頭好更會買兩隻，一隻「開盒」、一隻儲起；玩到厭就轉賣給同學，套現買新玩具。但買的速度始終快過賣，房間裏的玩具盒就快把我淹沒。

直到1998年，我在銅鑼灣銀座商場開舖創業，一半是為了自己清倉散貨。當時親戚朋友都質疑「你幾大呀，仲玩玩具？」為證明玩具不只是「細路仔嘢」，我夥拍設計師製作軍事模型配飾，細緻到戰鬥機飛機師的衣服有小口袋和拉鏈，12吋精細人偶之路從此展開。

到了今天，我們的12吋人偶讓荷里活電影公司及國際玩具迷驚艷。公司每年約有數十款新作，囊括Marvel與DC Comics兩大美國漫畫巨擘的電影角色，以至《星球大戰》、《異形》及《未來戰士》等科幻經典。但多年來最受追捧的，始終是鋼鐵俠和蝙蝠俠系列，前者自2008年以來累計銷量近5萬個，後者一款按照已故演員Heath Ledger設計的小丑角色人偶，是我們公司的成名作之一。

不少男士表示衷心感激我，因為精細人偶收藏已升華為一種大男孩的生活品味，女伴和家人不會再簡單視為「幼稚」及「浪費金錢」。除了美國角色，我近年也推出「哥哥」張國榮、Beyond黃家駒及《風雲》步驚雲等港產角色人偶；但作為狂熱玩具迷，我還有很多夢想尚待完成。能夠把喜愛的人物「實體化」成為珍藏，正是每一個大男孩的浪漫。

kenso23

當初就係Johnny Depp攪到我地冇金牙玩.....

hang

Iron man累計得5萬甘少？

indiana

可以睇下......知道下點解會今, 又點解X-MAN...今...

港產人偶玩具全球熱捧
陳浩斌：成功只因夠癲

...
darker26 發表於 16-6-2014 02:56 PM

darker26師兄,
請問您可以分享"香港炒風盛 一個籌值4000元"的詳細文章嗎? 多謝先!

chankb

回復 3# hang

50,000 X $1700 都差不多近一億港元...由設計生產到銷售一條龍, 我估毛利者有致少三成到一半...幾好鳥

其實上報紙通常無料既被訪者會作大少少, 有料既就會作細d, 話曬稅局會睇到...
HT的確係嗰港商成功故事

quincy

以前的確feel到你所謂「狂熱」
最初幫你襯你d軍事figure，的確幾有心！
但自從不斷推出Iron Man軍隊，已經感覺唔到你既「狂熱」
而且你話Iron Man係最賺錢，問心點解先？
咪因為同一模，你噴第二d顏色，加少量既變化
就已經可以又出一隻，再搵一筆。
你自已出過咩，唔係唔記得掛？陳浩斌

taifat

老細嘅訪問我無興趣，一隻公仔出幾多貨我無興趣，只係想知未來有乜公仔會出，品質會唔會造好d

KKWai

Thx share the news.{:1_203:}

mansit

啲人成日話HT淨係識出Ironman賺錢，但到HT出冷門野，例如電人丶烏鴉丶夏羅古等等時，唔知佢地有無幫襯？

hk小文

因為同一模，你噴第二d顏色，加少量既變化
quincy 發表於 16-6-2014 05:04 PM

無知一問，除了那兩隻灰版，一隻milk 版，一隻金版，還有那些 ironman 是"因為同一模，你噴第二d顏色，加少量既變化"的呢？當然，根據二元化，我自然是打手了。

milkgaryjeff

HT越來越似Nike, Reebok....只靠出Iron Man = AJ, Pump Fury 來食老本

改咩名好?

以前的確feel到你所謂「狂熱」
最初幫你襯你d軍事figure，的確幾有心！
但自從不斷推出Iron Man軍隊，已經 ...
quincy 發表於 16-6-2014 05:04 PM

    除左灰色版...MILK版...戲真係冇之外....

IRON MAN 3入面的確係換頭或換身或換腳或換色就一部....

實有人肯買...幾大都出啦....

wing1123

老細嘅訪問我無興趣，一隻公仔出幾多貨我無興趣，只係想知未來有乜公仔會出，品質會唔會造好d
taifat 發表於 16-6-2014 05:04 PM

    同意，佢成功關我蛋治咩！呢篇野咪又係同之前幾篇報道佢既野差唔多，講黎講去三篤屁……成篇野齋講佢點心口碎大石逐粒石仔揼出黎點起家……都無點講我地呢d玩家，我唔敢講全靠玩家令你發大達…hottoys都有付出努力既，但可唔可以有篇報道講下ht不久將來對玩家回饋好過啦…例如，推出多d優惠好似訂隻公仔憑單可以去戲院半價買飛，我唔駛你送埋d側頸位戲飛同埋黃豆咁既海報…出貨時間盡量縮短，等派貨好似鬥長命咁

jeffloh

同意HT絕對係香港創業一個好成功的例子. 見到HT依家是全世界都有名氣都開心嫁~

講真, 在做生意立場上, 當然係做一d比較易有大d利潤/ 搵多d的生意來做, 所以見HT不停咁出ironman/ batman, 雖然悶就悶d, 不過又無咩問題. 當然我唔會每一隻都照買啦~

個人感覺HT近年來多o左"金錢掛帥", 少o左一份"熱誠" (少少"交行貨"咁啦) , 而且自己覺得始終由訂貨到派貨時間太長了, 有時訂o左ironman MK6, 都未派貨就已經有MK-7. 到訂MK-7, 派貨時已經有MK-42, 呢d superhero造型都更新得幾快, 可能一年已經有新版, 所以如果可以加快派貨時間, 唔洗等咁耐就好了.

依家我自己都好少訂HT野了, 不過我覺得HT始終是市場上最好的選擇, 只不過人大了, 心態唔同o左, 會選擇唔玩HT而將金錢放落自己更加著緊的地方上~