愛國者 關節問題

liuwaihung

回復 13# fruitswai9

師兄堅做到野！好野！我自問冇咁好心力同佢玩，我果次係攞隻野去換，佢攞三隻比我簡，但三隻股關節同樣有問題，佢仲搞笑到話個設計係咁喎，我就問佢咁後面個制要離仲咩？然後佢唔答我係咁扭隻腳同我講冇事架，我就話：哥仔，你用隻手拓實個股緊唔會跌落黎啦，跟手叫佢比我試下，我輕輕一扭隻腳即時就跌，我同佢講咁咪跌囉，然後佢立時改口風話隻隻都係咁喎...如果唔係趕時間我真係慢慢同佢玩！

希望多啲師兄做企硬客，咪等佢地班福街以為收咗錢就可以比sad貨人咁易搵！仲有換貨時最好預平日得閒同佢玩，唔係錢就比足，貨就收次貨！蝕底嘅係自己！

我擺埋最後一張單就可以同依間爛仔公司講再見！

fruitswai9

回復 16# liuwaihung

沒錯,我地比足錢,山長水遠咁去幫趁,要求有件"完好無缺"既貨係應份,呢個係我地既權利,佢D職員,返得份工,又唔係叫佢賣笑,只不過要有最基本既禮貌同真心幫客人換好件貨,唔好當客人係傻仔,呢個係佢地既義務, 大大,多謝讚賞,我唔係咩野人物咁巴閉,但性格上遇到不平時,我絕不妥協,我深知咩野係我權利,當然,這次HT真係好卜街,如果唔係有好多人出手幫我,都沒咁快搞掂,佢HT依家似住做大左,唔使憂,真係當D客唔係野,所以,我都同你一樣,跟它SAY GOOD BYE了~沒左一個我呢種唔易話為既客,佢也開心,我亦高興