海洋堂現在的市場

illego

好似由2005年海洋堂開始每月都有1至2隻Figure出品,
當時可能便宜又真係幾可動吓,
連此處也有很多討論, 可是 Bandai 一出 SHF 之後, 現在都只餘很少人玩海洋堂的Figure了(包括我自己).

最記得當時我算後追, 在油麻地乜乜點有間店舖店主, 不停叫我買他的彈劾凰,
[img]http://toysdaily.com/discuz/[/img]

說很便宜好嘢嚟(一魚二),  不過我諗佢想散貨多, 但現在卻似是有價冇市, 現在見到佢賣(三魚二).

乜現在海洋堂的Figure還有市場?
見到2009年後很多只售 五草 的現在卻一至兩魚.

roundbun

c hing 彈劾凰 is considered a good one among revoltech robots {:1_220:}

cnomis

以前figure通常係唔郁得，郁得果啲通常又好核突。海洋堂有算係第一間將精緻度同可玩性完美融合於一隻山口式上，算係精品可動figure既鼻祖。

咁當然有賴佢獨家開發既球形關節，解決左好多造型與可動之間的矛盾。隨著佢既山口式漸受歡迎，近年開始發展出多條產品，其中「特撮」系列可謂山口式既升級版，咁自然又賣貴啲。有啲甚至炒到六、七百。

你話值唔值，真係見仁見智啦。畢竟佢出過既作品太多太廣，總有啲你唔鐘意。但係佢的的確確推動左可動figure既發展，亦俾左好多選擇大家。現時好多做緊可動figure既公司，都係有見山口式的成功才誘發他們推出同設計更好既可動figure。

yazoo1667

海洋堂最正係出旦非常精細色靚!

K_K

個人小小睇法, 初初出時真係好吸引, 咩高可動, 低價格, 每個月有兩三款出, 個時都係賣九十幾蚊左右, 我都入過舊,真三一, 皇帝萬能俠等等, 但越出越少又越來越貴, 而家隻隻二百幾三百, 仲要我覺得好多都出得好差, D樣完全唔似, 最大問題好多時隻野係企唔穩, OVERALL同FIGMA比差好遠......

roystoy

令小弟再次入坑玩番玩具，正正是山口式26 白色使徒，當時完全驚嘆 其可動 + 可玩性 + 低價格，繼而發力後追多隻 ……; 到而家， 小弟 都會入 EVA系列（覺得山口式 較 蘿白魂佳），不過 都係價啱至入 ……

HighLamb

我覺得最致命的係突然間D產品縮水，最初出的001[新Getter 1]  同074 [Getter Dragon] 比較的話，點解兩隻個身形會差咁遠，隻074 Getter Dragon 好似個細路仔咁。越來越貴之餘，重要越來越細隻。佢出D人物系列都有同樣問題，兩隻MGS 的 Snake 同 雷電 跟其他 SHF 或者 figma 的 figures 比較的話，都係細隻少少。

Garycharm

山口真係好物，就係佢開創平價高可動小 figure 先河。
如果冇o左佢，我o地都未必有蘿蔔魂同 SR 玩~~~

edmondphk

山口以前性價比高，而家質素唔見得別改進但愈賣愈貴
咁我做咩唔俾多些少入其他外型更好的選擇？

惡魔貓仔

我覺得, 宜家海洋堂佢自己嘅定位太唔清晰
的確佢近期推出嘅扭蛋係好高質素,
但係佢原本山口式系列, 並冇明顯嘅改進
黎緊仲要出山口式mini 系列, ( metal gear )
幾年前都已經出過, 而且好順利成為死貨
佢都仲可以出多次......真係唔太明佢地想點......

想當年山口式一出果陣, 以平價同冷門角色招徠,
例如 King Gainer, ( 我覺得King Gainer真係出得唔錯, 而且佢嘅玩具真係冷門到不得了 )
每月15號, 都會有2隻或以上產品推出, 而轉論科披係當年, 算係好高可動嘅玩具了
大部份售價都係一魚內有交易, 吸引好多人買
其後推出sony 貓系列同紙箱人, 更加出現炒風
果個時期嘅revoltech真係幾勁
不過自從佢嘅定價不斷升, 但係質素冇提升, 性價比大幅下跌
而機械人方面, 又比robot魂取代, 人型亦比figma, shf, play art 取代
作為玩家, 亦都玩厭左佢個轉論, 成個系列都死下死下咁
近期驚喜之作, 我剩係講得出淫賤胡迪,
所以如果佢再唔改進, 就會好似 當年兆萬16樓咁, 成為玩家心中嘅回憶

ZION

I like "Patlabor series", especially "Helldiver"!

TsChoi

以前真係平靚正，當年係肥趣有多款都係幾草，仲可以用廿蚊現金卷買，兩三草一隻係我買過最抵系列
問題係佢qc差，唔同造型師令品質波幅大，特撮line係幾好，但iron man Mk vii真係樣衰左d，蛇叔都未接受到

alvinchan2012

海洋糖就好似而家既TVB咁，以前開度個台無默竟爭對手個陣係威係勢，到而家人地既技術開發強左啦，咁佢仲係度自HI，
以為自己出品既野仲係好優良咁，IRONMAN真係一個強差人意既LINE黎，其實技術無默提升，用料問題仲係好嚴重，
出貨品質都仲係參差，佢地有冇檢驗一下先出街架!又賣得越黎越費，唉，造型師又咁重口味唔理比例咁出，唉，
做扭蛋可能有得發圍，起碼佢既轉輪配合扭蛋的先天不足(可動)，可算係無敵組合，
技術容易做到，係隻手度鑽個洞，插入轉輪就搞掂

ngkp19

EVA真系佢一條最強既LINE

mankind

海洋堂真係出名出蛋, 盒玩先~

轉輪一出時真係好玩, 可突出山口的熱血POSE, 但出多幾隻就開始厭,
最重要係果啲膠質過一斷時間(好短時間)就出油了, 好恐怖

同埋重申多一次, Revoltech可叫轉輪系列, 不是什麼 山口式 或 山口系列