場景地台製作失敗....求賜教！！

irontuba

見到derekdnm 師兄自製既場景真係好佩服...
所以跟住教學既方法又即刻自己整返個....
第一次試整....
結果當然失敗左.....



唔怕醜地放上黎.....
希望可以有高人指點下.....

1. 石膏是否上得太薄?? 因為發泡膠本看d紋都仲見到....
2. 無論上石膏又好上色都好...都好易留低筆紋...有無方法可以避免??
3. 我呢隻灰應該太深色了....right???

求各師兄賜教！！

derekdnm

我俾少少意見。其實都好近磅啦。
我覺得係石膏開得太稀，其實杰D都ok。最緊要唔好睇到D發泡膠紋，上厚D枌，乾左之後可以用幼沙紙磨返薄，同平滑。
上石膏方面只要後磨返平就ok。如果石膏面夠平，上色時應該唔會留痕。如果仲係有痕，可能係之畫筆太硬，試下搵水浸過夜，又或者買支軟毛既。不過其實真石都係會有紋，你可以google下D石既紋理，跟住做囉。
你隻灰我覺得ok窩，嫌太深色可以乾掃上小小白色。

預祝你成功!! {:1_208:}

borisasf

都幾似架喇，不過首先你想個figure喺個境上面做乜先？
同埋地下裂开係有跡可尋，有原因，所以整裂紋前，
可以諗吓边度整爛先，跟住裂開去，顏色俾我会用中灰，
加深同加highlight都得！

irontuba

多謝兩位Ching既意見~~!! 我聽日再試一次!!!!