動漫HT安排..不吐不快

麟

首先..必須聲明..個人極少參與批評HT任何POST..更加唔係經常留言..近年都冇點開TOPIC..要訂都訂左喇

但今日響動漫HT有段經歷..實在令我非常不快同不解..

本人今早算係第一批進場..10:2X..已經響場內..之前排幾耐或進場安排..冇問題,願打願捱唧..一開始就排左HT派籌區..前面只約有20-30位CHING..當時身後人龍都一直增加中..籌未開始派發..呢個時候..有條帶帽留鬚身型矮小HT員工走黎人龍..同各位CHING講..(冇籌派架喇..D籌已經派晒比禽晚排通宵嘅人..唔駛排喇..*其實只係最早嘅紅籌*)跟住有CHING問..邊派得曬?仲有果D呢..*當時只係剛開場冇耐...*果位鼠目員工竟然話:要派嘅派曬..之後果D冇話要派喎..態度惡劣...前面CHING冇理佢照排..佢就一路向後繼續叫人走..話派曬籌冇籌派!..期間有部份CHING真係走左去排第D攤位..然後約十一點多..就開始派(綠籌12:30-3:00)..當綠籌派完其實仲有橙籌(3:30-5:00大約)..但竟然仲見果位員工不停響人龍度話派曬叫人走...

好喇..本人真係想知係果位員工自己有利益關係咁做..定上頭指示???有部份CHING真係之前會場外排左好耐入黎比佢叫走左..咁係咪好無辜??點解要做D咁折墮嘅行為?有就有冇就冇..有咩理由前面員工一路派籌..後面就走條鬼祟友不停話派曬趕人走???

我已經從來唔討論安排點差..點奴役D玩家..點混亂問題..但唔明點解有員工做出咁嘅行為..

個人大大話話有數百隻HT FIGURES..VIP號碼100上落..從來唔願意加入批判王行列..但HT員工真係江山代有劣人出...呢之事件..令人非常意興闌珊..我之後會大幅減少購入HT產品..盡量收手..當然我清楚知道對於HT大公司黎講...我個人意願絕對不值一提及重視啦..甚至覺得只係可笑的一少撮..

PS.排隊就拎籌時,前面有位CHING竟然跌左入場証..排到埋去HT員工唔比籌佢..剛好小弟朋友十一時多就離場..入場証響我度..於是就成人之美..比左張証位藍衫CHING..唔係要認咩..只係想講小弟確在人龍中唧..

monchii

Support you!小弟今年都冇排了。
亦開始減小買HT，由得HT同理D職業炒家賺大錢，都不關我事！

小志強

師兄既行為值得一讚，HT 員工質數已經公認冇得救，所以無言了...

FUMEBB

絕對認同ching 對ht 批評, 感覺是買東西要價值千千聲, 仲要受氣..
當然有人會向你說無人要你死去排又要死去買, 但都希望尊重一下我們
這些真正玩家...

hawker

首日亂
估５到次日更亂
幸好只被HT玩弄左1次
次日５再同佢din

lili

年年都係咁
所以我前年死蠢排過一次就無下次
為左果幾隻野 果舊乜春限定膠  好似輪米一樣
使成幾千銀 又要勞氣 重要排到成個乞兒一樣
我都問過自己...我為乜
我唔會擺玩HT d野~  不過如果又話要排乜排乜
算Q數啦 我一定唔會死蠢再走去排成日! 之後排完又要嘈
只要我俾$俾得開開心心舒舒服服
你賺錢我又買得happy 有咩所謂

hoho10120998

今日比條友叫走左既ching 真係慘....
我見意之後幾日去排隊既Ching見HT員工有咩特殊舉動/有問題既發言....一於都拍埋片佢,記得對錶....事後有問題都有証據同佢地嘈....

bigtomm

禽日我問個死妹釘響邊處排, 佢指右, 我係咁走, 兜了個圈, 佢見到我, 今回舉左手: "龍尾".
佢X味:what:如果我肯定佢成年, 1定小佢上天{:1_232:}

qiy

其實，上年佢哋嘅安排好好多囉！
第二日就print定晒啲單！現金同易辦事分開兩行！
真唔明白，人哋啲公司係不斷進步，而呢間就時好時壞！:42:

大丈夫

{:1_225:}  ht 不仁

kingofhero

麟兄~ 我係比你向R33比你d 靚相毒親~~  我都係27/7入場未夠12點就話派晒~~ 灰晒....

出年那三寶都唔入了, 以為可以入場去拎貨+訂野~ ~~ 結果真係好失望, 都叫做支持佢地幾年...年年玩法唔同~~

不如一齊去FB 鬧爆佢~~

步京暈

我星期六入去，有成幾個龍頭，幾個龍尾，問HT員工，連佢地都答唔到，邊道係頭，邊道係尾，最終開閘，由得D炒家打佔，亂入。

whitedol

我未排過，除左上年齋拎貨，見上年搞成咁，我今年都唔會排啦{:1_222:}