|
|
|
本帖最後由 dvddvdhk 於 19-2-2013 01:27 AM 編輯
新年放假無乜野做 , 突發奇想 , 不如就由第一隻入坑既 12" 開始影張相留下念 , 次序可能有誤 , 千其吾好介意 , 仲有吾好介意係我學習中既攝影技術 .
(1) IRONMAN MARK 3
第一隻入坑既就係買左呢隻 , 正如我之前提過 , 開始留意HT係由雜誌介紹ROBOCOP開始 , 當時梗係無ROBOCOP現貨 , 但就有得訂MARK 3 , 見佢又正又有燈 , 即刻訂都訂吾切啦 !! 就係咁樣開始我呢條 12" 既不歸路 !!!
2) IRONMAN MARK 2
買得 MARK 3 就梗係吾會放過 MARK 2 , 同當時得一隻 12" , 見有新野出就即訂吾使諗 !! 呢隻 MARK 2 雖然吾可以話完全似電影入面個隻 , 但係小弟已經覺得吾錯 , 同埋睇埋 IRONMAN 入面佢做試飛前測試既凌厲畫面 , 點忍得手吾買呢 !!
3) MARCUS WRIGHT
係 TERMINATOR 4 套戲入面咁多角色 , 唯一令我心動就只有 MARCUS , 一來我鍾意個角色 , 二來有雙頭雕 , 又有包膠露機械手 , 皮褸 , 大褸 , 當時覺得真係超值 !!
4) INDIANA JONES
JONES 既 FIGURE 好多廠都出過 , 但我覺得HT呢隻叫做吾錯既選擇 , 當然有D師兄話佢對眼出事 , 令像真度大打折扣 , 但對JONES有情意結 , 點都要買隻供奉下先得既 !!!
5) MICHAEL JACKSON - BAD VERSION
係勒 , 呢隻應該出先過JONES既喎 , 點解我會介紹後過JONES呢 ? 因為出個時無訂到 , 後尾又發覺出得好正 , 結果都係忍吾住要後追番 , 雖然要比多幾百蚊 , 但係就比左個教訓自己 , 就係有愛既就要訂 , 吾會再高追玩具 , 所以MICHAEL變左我唯一一隻高追既 12" 人偶 !!!
6) IRONMAN MARK 5
IRONMAN 系列小弟不嬲都無諗住要儲齊全套 , 不過又係受電影既影響 , 見到 MARK 5 變身型到呢 , 咁呢隻又點能夠放過呢 ? 呢隻無論上色及制作都好有水準 , 而比例亦吾太差呢 !!
7) MAN IN BLACK - J & K
呢對係我唯一一對EB既產品 , 亦都係暫時既EB收藏 , 因為對佢既素體真係有D保留 , 腳軟己經係公認既事實 , 套西裝亦都係麻麻地 , 頭雕上色又偏紅 , 以我呢個MIB迷黎講真係有D失望 , 希望EB之後出既 12" 會好似佢D 1/4制作咁認真就好勒 , 到時可能都會考慮再支持下EB既 .
8) CLASSIC PREDATOR
之前咁多隻 P 仔都無入 , 首要覺得之前既有頭大身細既感覺 , 比吾到藉口我去買 , 但當呢隻一出官圖我就知我要既就係呢隻經典既 P 仔 , 出大貨前都有段小插曲 , 話說台灣個面出貨先 , 點知出黎既效果好似白晒晒 , 病左咁既樣 , 即時比用家插到體無完膚啦 , 後尾香港係稍為遲D先出貨 , 大家估計HT知衰 , 即時補鑊重油過 , 當然香港派既大貨我就好滿意勒 , 絕對還原經典既 P 仔角色 !!
9) IRONMAN MARK 1 2.0
當時 1.0 出既時候無訂到 , 之後個價又升到得人驚 , 當然吾會後追啦 , 當知道會出 2.0 就梗係吾可以錯過啦 , 雖則呢隻吾算全新開模 , 但對我地呢D無 1.0 既人黎講就真係開心都黎吾切啦 , 對比 1.0 , 好明顯個頭雕已經進步好多 !!
10) BATMAN DX12
之前咁多隻BATMAN吾訂都係擔心佢個包膠BODY , 直至出呢隻混合質料先提起我既興趣 , 果然大貨絕對無令我失望 , 不枉2012年夏天係條街度排長龍咁辛苦 , 亦都因為早排隊 , 所以好快就派到小弟 , 早買早享受 , 係錯吾晒架 !!
11) TERMINATOR DX10
呢隻都極具爭議性 , 當初一出大貨圖真係比人插到體無完膚 , 被指明係垃圾都有 , 睇圖真係會嚇一跳 , 但實物到手 , 又吾係個回事 , 反而係吾錯既一隻 , 鏡頭可以將最好同最吾好既野放大咁表現出黎 , 相反肉眼有時未必會發現得到 , 所以好睇大家要影相出黎正 , 定係用黎DISPLAY勒 , 小弟愚昧 , 又有皮革衣服 , 全武器 , 我就收貨有餘 , 似吾似 ? 我話似咪得0羅 , 玩既係我自己又吾係你 .
12) CAPTAIN AMERICA
上一隻個唐唐頭雕就吾好提勒 , 今次呢個雙頭雕就真係做出水準勒 , 無論面具或露牙頭雕都做得好出色 , 衣服配搭亦合適 , 小弟發覺暫時出左咁多隻AVERAGERS系列都保持到水準 , 可能令次版權人對個成品要求好高 , 所以HT係QC上面都吾敢馬虎都未定 .
13) JOKER DX11
當年DX01 入坑未深 , 無乜興趣 , 之後既版本亦都引吾起我既購買慾 , 但呢隻DX11遷吾同 , 先有雙頭雕 , 再加KATO監督既衣服製作 , 大型既佈景道具 , 全新製作既素體 , 令我難逃佢既魔掌 . 當然好多師兄都話佢吾似真人 , 但我都係個句 , 我覺得似就得 , 玩得開心就得 !!
14) PREDATOR 2 CITY HUNTER
第一同第二集 PREDATOR 我覺得係經典 , 小弟兩套都番睇不下十次 , 對呢兩款 P 仔好有情意結 , 但正如之前講過 , 之前既版本感覺比例吾係好合適 , 不過新呢隻就吾同勒 , 無論上色做工都合格 , 不過有D師兄發現有頭鬆 , 腳軟 , 配件插吾實呢D情況 , 小弟個隻好彩無呢個情況 , 不過HT都要注重多D係QC方面先得 !!!
15) BLACK WIDOW 2.0
上一隻吾買係覺得佢似芭芘公仔 , 身形比例都麻麻 , 一味得個胸大 , 毫無性感可言 , 但呢隻 2.0 就比到我想要既感覺 , 當然各花入各眼 , 有人錐意有人討厭都係好正常既事 , 先吾論似吾似真人 , 但論做工及上色 , 我可以大膽講句暫時係HT出既女角中最好既一隻 !!!
手頭而家得番四張訂單 (BATMAN 1/4 , CATWOMAN , G.I.JOE - SNAKE 同 STORM) , 好多之前既訂單已經變成實物 , 希望今年都繼續有訂單進賬 , 即係代表有我心水既人偶會開訂 , 到時又可以有更多好玩具玩呢 !!!
16-feb-2013 - 我老婆都有玩人偶架 , 不過吾係我地呢d , 係下面呢d至真 :p 呢度只係佢少部份珍藏 , 仲有好多display係吾同位置 , 拿 , 我從來都吾會過問佢買幾多隻呢d人偶 , 咁順理成章佢都吾應該理我買幾多先係架 , 你話係咪 :34:
 |
|
發表於 16-2-2013 00:50:38
樓主
