三個願望!!!!—DX超合金 VF-25F NORMAL+SUPER+ARMOR 完全玩評報告(完成更新)

kkkiii0079

VF25，想當年，小弟無啦啦入了隻YF29之後就永不超生地入坑了，點知之後呢條LINE畀人炒到飛起了，無辦法，入了VF25同之後既VF171之後，就無能為力了。之後我有諗過開來玩，不過，諗兩諗，都係留番齊PACK先開來玩了~於是，一等就是大半年了。依家就由小弟一步一步剖析呢隻VF25，不過，由於評論需時，更新可能會慢了一點，請耐心等待。 以下，將會先討論本體~~
http://blog.yahoo.com/_PEAE5C7I2T4VVJ4LH35KWQQZEI/articles/670937/index


本體都係個D野，不用多說了~





本體隻色是十分十分靚的，真係好白，同之後既VF171既白中帶黃完全的兩回事。只係我個機仔影出來唔太好，大家有實物係手就知咩事~


近距影機頭，無得彈啦~








點解要影下個底？因為大家玩過變型都知，變完型之後再難搞就係要變番做完型。不過，到目前為止，笨大佢都係無意識整多幾頁說明書，講一講點樣變番做飛機


另一個問題，就係個台。呢一張相，查實係小弟隻手托住隻機，先可以做到向上飛翔既效果。真心想講，我很想要一個可以自由調較角度既台，咁樣影相應該可以正好多








正面影番張~~太完美了﹗舊機我無玩過，但作為一件玩具，VF25F已經在我心中拿了很高的分數。特別我專玩R魂，見到佢，心中份外感動





相較YF29既花巧，我覺得VF25F平實得多

隻機既腳既左右兩邊可以打開，然後收埋隻翼入去隻腳處~~感覺好DETAIL，好仔細~~


好，係時候去一去半機MODE先。呢張相，充分顯示我個影棚真的很小，平日用來影R魂非常寬敞，到影飛機，真的非常困難.....不過都夾硬來啦~


不用多講，半人MODE隻腳可以輕輕鬆鬆的打開個八字，關節鬆緊合度，你做咩動作都可以。而且隻機腳可以件拉出來，感覺上隻腳再長少少咁，頗有美態~~



TV版早乙女上機的第一幕.....~~



逆加速。由於個台玩起很不方便，很多動作都做唔到。其實唔好睇少佢大大隻咁，其實可動度相當唔錯，當然，前提你要小心D玩啦~~呢度，有一個位要提下大家，就係個膝蓋位個度，隻小腿兩邊都有一個尖左少少出來既角，如果你變做半人又想玩下隻腳個時，請你小心，個個位好易整爛。玩VF25，最緊要係小心同唔好夾硬來~~


如果說VF25F有咩好，我覺得佢真係夠簡單，線條簡潔，好適合用來DISPLAY欣賞~


我自己好LIKE半人再加持槍~不過，由於臂膀可動度不高的關係，只可以持槍而不能開槍呢





另一個大特點，由於隻野無甲既狀態下真係幾輕身，所以做到雙腳合起來向前行。(大家都知我有個喜好，就係TEST下D公仔既平行力，單腳企、倒立個D我成日做)


去人型。左睇右睇都一樣咁正，無得彈~


都係個句，線條簡潔~~


如果還差D咩，就係手掌既配搭可以再多少少~~

持槍完全無問題!!~~參考自TV版第七話闖入敵艦一幕~~


今次有一個位，好值得讚，就係個盾。大家玩過YF29，都應該受到「跌盾」之苦，今次個盾非常非常之穩陣，很好﹗

其實隻腳既可動度係OK架，不過左右兩邊伸展都係做得唔夠好


隻公仔真係好得~~








夾硬用少少技術，擺高少少可動度既POSE。不過，都係個句，個台既可動度不足，想靈活D都唔OK!!!~


拿刀仔玩就真係一定要做~~本來想影個向前衝既狀態，但奈何個台真係做唔到


來最後一幅起腳先。由於腳部既上下可動幅度很大，做這個動作應當不難。不過麻煩就在於我個隻既右腳大腿關節有點點問題，要搞個陣還是有點兒麻煩



總括而言，隻VF25F NORAML的確唔錯，初步點評下先

優：
1. 造型正，無得彈
2. 上色仔細，很正﹗
3. 在這樣的可變型系統下，仍在這樣的可動性，算是不錯吧
4. 武器方面尚可，支槍幾仔細

劣：
1. 手掌不夠多
2. 變型系統仍然頗複雜
3. 由半人到人個下，好多位都沒有給予足夠的提示(不過，如果要清楚就明變型系統，我估佢不如整隻光碟啦....)
4. 手部關節還是不太穩陣，多玩一兩次開始唔夠力，應作改善

總體而言，其實，優點個兩樣野已經夠殺，所謂「劣」都只不過是改善空間罷了，然而，接下來的兩個PACK所帶來的問題，則比本體多得多呢......
大家如果想看更多照片，或者其他ROBOT魂玩評，可以到小弟的BLOG： http://blog.yahoo.com/_PEAE5C7I2T4VVJ4LH35KWQQZEI/articles/page/1

kkkiii0079

SUPER PACK應該早幾個月前已經出左，不過當時我還是沒有打開它來玩，就是希望一野出哂三個REPORT，所以，SUPER PACK應該大家都頗感熟悉。然而，我覺得，有一些玩家，在這個玩具出的時候，未必對它很感興趣，過了一兩年，偶爾翻看FRONTIER或一些玩具照片，可以希望後追這個玩具，那我這些報告就可以為這一類朋友略作說明，還比官圖官話來得實際~~所以，我還是不厭其煩的說一說~~大家如果想看更多照片，或者其他ROBOT魂玩評，可以到小弟的BLOG：http://blog.yahoo.com/_PEAE5C7I2T4VVJ4LH35KWQQZEI/articles/page/1











內容都係個D野，不用多提~~

幾得意既一個位，就係SUPER真係有好多花紋，看下去，整體上感覺還不錯﹗




其實SUPER PACK的感覺是很瀟灑的~輕輕便便咁。不過提一提大家，如果大家上甲個陣，隻腳個位要微曲DD，如果唔係就上唔到架，成個變型就完成不了





從後都可以看下~


上架.....其實，我既變型做得唔算好好，所以都係唔可以完整咁上度架。的確，完整的變型是很難做得到~





隻隻機我都要向前影番幅先~~


低炒又一幅~~


全彈發射先。由於只是SUPER PACK，全彈都只係兩個彈匣再加左右翼個度個D飛彈，但感覺上個氣勢就不如ARMOR PACK


D飛彈的確是做得非常DETAIL﹗





半人MODE。今次D甲，整體上算係幾穩陣，不過胸甲好容易跌下來，大脾甲好難固定，腳甲都幾易鬆。唯獨係背部兩個推進器同埋兩個飛彈做得幾穩陣。看來，笨大是注意到一D高危位，就出多少少力進行研究，不過始終將其他部分忽略了，甚為可惜。


舉盾擋野呢D動作幾易搞~~


持槍一樣無問題~


呢一招參考自MACROSS ZERO大佬同福卡一戰中所用的一招，感覺上幾型幾正，以前總覺得半人唔知做咩，睇完MACROSS ZERO就明哂~~


我個人而言，其實半機半人真係好靚仔~~好有特色既一個設計~~


就係放飛彈呢下差少少氣勢~~


拿刀仔一樣有霸氣﹗~~


去機械人MODE先。由於素體本身好修長，但單簿了一點，SUPER PACK正好彌補這方面的問題，整體上感覺不錯﹗


單手有力，可能當時重未加個手甲下去，還可能挺手拿槍﹗~~













可動性方面不是問題，畢竟套甲都唔算好重，影響不算很大﹗加以我個隻個腰關節都幾實淨，所以頂得住﹗到左ARMOR PACK個時就麻煩D


拿下刀仔先~~

如果有角度既話，隻野既可動度都可以接受既~


係差隻手掌~





係時候去總評先，本體講過，所以唔講啦，呢次主要評下套甲既

優：

1. 造型正，上色很好﹗
2. 易搞，不用看說明書都幾乎搞得定，呢點好重要
3. 背包同飛彈匣做得唔錯

劣：

1. 飛機MODE個時，裝了腳甲之後，很難找到腿部彎曲的幅度，個度搞左我好耐
2. 胸甲、腳甲太易跌下來，扣分﹗
3. 上架個度未係做得很完美.
4. 說明書只說明了裝人型MODE的方法，假設玩家由飛機MODE玩起，又唔識上界，咁咪要轉番做人型MODE先上甲，不是吧？

kkkiii0079

ARMOR PACK，小弟為左佢，所以入了呢條LINE這麼多機。有時很搞笑，因為套甲而買隻機，好似好誇張咁，不過，ARMOR PACK的確非常吸引。儘管定價近牛，但唔會影響我對佢既愛~~好，唔講咁多，去報告﹗


盒野比我想像中大好多好多......








開盒見到，終於明個定價點解去到呢個地步....真係好多野，兼好大舊.......



玩過既都知，佢個輛子係藏係隻腳甲度。不過，由於太重既關係，D輪子有點點曲起來的感覺






不過落左ARMOR PACK，成隻野由單薄而變得沉實起來了



上架﹗呢度有個位要講下，查實個架真係好脆弱，上左去之後真係搖搖下。另外，由於裝腳甲個時，又係老問題，我地玩家好難做到佢一百分之一百既要求，結果上架個度，佢D位預到FIT哂，唔係個個孔都岩位整落去，就咁上架都真係好危險，不過我無得選擇~


向下低炒一張先，感覺真係唔錯，相對於NORMAL既平凡，佢有一種沉厚的感覺﹗


上埋反應彈，成隻野就真係好大隻。呢度想講，如果你個影棚不大，可能多D地用角度去就佢。千萬唔好又底紙又將其他地方攝入鏡中，這樣子就不行了。

影個時，隻野其實左搖右擺架.....


  



一飛沖天的感覺﹗








呢度我想講，如果純粹從影個個角度來說，大家不用執著支槍係唔係夾係大腿部置。要知你要將D野夾係個D位，牽一髮動全身，重唔係裝上去唔代表唔跌下來，所以非常麻煩。我建議，如果影公來的話，直接把你的槍LONG在支架上，咁你就唔駛為左支野而煩惱~~


順帶一提，我個人認為，飛機MODE個陣唔掛兩粒飛彈，感覺上好似差少少野咁~~


係時候去半人MODE。相對飛機MODE，半人MODE可以說是三個MODE入面最易搞既一個。事關飛機既重心向前，兩隻翼既重量向下，正好幫手穩住隻機，加上隻腳夠重夠力，不用擔心會跌低~~


得益於「大大舊」，成隻野睇落去當然有架勢好多啦~~





從後面睇，你會留意到兩個BOOSTER真係好大好大





上架個陣要小心D，因為隻野太重，變左上架個時，一定要佢穩住先好放手，畢竟佢個「筍位」都唔係真係好穩陣，總有點搖搖欲墜的感覺~


上埋反應彈，成隻野感覺大隻左，再加埋個全彈發射，感覺真的很不錯﹗








呢張相我影得好辛苦，事關我想擺POSE兼出少少動感，想前後腳一下，點知原來搞佢地前後腳係好高難度既一件事，因為個機頭好易會瞓低，所以要小心穩住佢.....


係時候去人型MODE，裝裝下個陣，忽發奇想，不如半隻上甲，半隻唔上，睇下個感覺係點，結果又OK，感覺唔錯~~大家會睇到，上甲同唔上甲，真係差好遠


上半邊甲，要企，都係好容易既~


呢張齋企，真係搞左我大半日.....事關佢後面兩個BOOSTER太大太重，重心自然向後，咁就好似反肚咁架啦。如果唔想反肚，就要個身向前傾先得。不過，能夠令身子固定向前既位等兩個，一個是腰關節，另一個係機頭個細細既「卡位」，大家如果想要自己隻機企得好，一定要係呢兩個位度拿到平衡先有計傾~~


咁難得企到，當然要影多幾張相啦~~




係地上面要擺POSE，玩過既大大應該都知道難度係邊度，唔多講，我呢張相，算係「郁左」架啦.......

個肩關節去到後期開始唔係好頂得住

來一個全彈發射先.....








唔同角度都影一下~









由於手既可動度麻麻，加埋個厚甲，無計.....



最後當然要來一個招牌敬禮啦~~

玩完重甲，算係完哂D心願，不過，當然都係有D不足之處，去總評

優：
1. 造型正，上色很好
2. 整體上大部分既PARTS都尚算穩陣
3. 上甲個度比想像中簡單

劣：
1. 胸甲基本上係極其咁令人討厭，經常跌下來，搞到我整胸甲既時間多過擺POSE
2. 機體個設計好似未有關注上哂全甲之後個站立問題，能支持套甲既支撐點不多，可以多加改善
3. 都係老問題，就係個台。畢業上左厚甲，成隻野重左好多，你無理由唔係個STAGE個度做番D野。搞到上左架之後，隻野感覺好危險咁

整體而言，我對呢甲都係滿意既，不過就係好多細節位做得唔好，變左玩個時好麻煩，唔太順手。

大家如果想看更多照片，或者其他ROBOT魂玩評，可以到小弟的BLOG： http://blog.yahoo.com/_PEAE5C7I2T4VVJ4LH35KWQQZEI/articles/page/1

kkkiii0079

順手都SHOW少少YF-29既圖。有大大說YF29比VF25好，其實又好難比較，畢竟兩者既設計都唔同。不過，如果你話邊個正D，咁我當然覺得，設計ADVANCE D既YF29會更有型。畢竟佢唔駛上甲已經超型，上埋甲只係錦上添花~VF25就幾需要套甲去將佢既優點發揮出來。




呢D相都係成年前個REPORT度已經有，大家可以追番D舊REPORT，或者去小弟個BLOG應該都搵得到~





加埋PARTS，YF-29既改變都唔算係好大~













大家如果想看更多照片，或者其他ROBOT魂玩評，可以到小弟的BLOG： http://blog.yahoo.com/_PEAE5C7I2T4VVJ4LH35KWQQZEI/articles/page/1

kkkiii0079

大家如果想看更多照片，或者其他ROBOT魂玩評，可以到小弟的BLOG： http://blog.yahoo.com/_PEAE5C7I2T4VVJ4LH35KWQQZEI/articles/page/1

kkkiii0079

wayneadd

好毒的一個帖呢~~~~~
thanks ching~ 靚圖靚post 靚機~

WalkerMachine

本來心如止水, 都俾大大嘅正相搞到流哂口水
影得好鬼型呀!!
請問D裝甲著得穩唔穩?會唔會邊玩邊甩?

Chandlermok

super ying, thanks ching

玩具魂

收的愉快.......
富貴金錢如浮雲
身心愉快最重要

hon4170

正到無朋友:71::71::71:

馬仔

無買MACROSS D 野, 不過都要支持樓主貼咁多相.:71:

Usteakum

超正~ 令相...!!!!!雖然自己並不LIKE 重甲, 看完你的.....好易比樓主毒到

stonekeung01

好圖:71: ，齋企都唔錯

dc911hk

越望越傷心~  當年一口氣入左2隻 vf25f + 重甲 舊版~入晒肉........見到v.2 正到咁...真係想炸左bxxdxx~ :59: