|
|
|
七月中旬推出既SHF昭和第七人~~幪面超人Stronger.就個人觀點,我本身對昭和系既Stronger係冇太大興趣,因為我只係中意昭和既1號,2號同V3.不過睇完TD咁多師兄既post,就忍唔住買咗隻返屋企玩,咁唔到呢隻SHF確實令我有一種無名既興奮,全因那型爆既特效件.哈!呢個亦都係我冇後悔買佢返屋企既原因.但係亦都因為咁,我決定後追未入手既亞瑪遜同Sky Rider,以及入手未來推出既昭和幪面超人,相信又係一個頗難行既路.
幪面超人Stronger,變身者為城茂.城茂因好友沼田五郎被邪惡組織黑撒旦抓走改造卻失敗而死.為咗替好友報仇,城茂接受黑撒旦既電氣人改造手術,而改造成幪面超人Stronger.而城茂成功喺宣誓式之前逃脫,並展開挑戰邪惡既熱血故事.Stronger獨特既獨角蟲造型,體內殖有高性能發電裝置,可自由運用各種電氣攻擊,甚至可藉由雷電補充能源.
一直以來SHF昭和幪面超人既水準都係平均以上,往往帶嚟驚喜,今次亦唔例外.全身關節皆非常順暢,冇過緊或過鬆既問題.新既肩甲設計亦加強手既可動,但係兩塊肩甲好易跌落嚟.而且礙於胸甲既設計,影響咗頭部既可動,呢個可以話係唯一既不足之處.另外上色亦非常仔細,冇太大既油出界問題,只係我覺得太膠.雷電既特效件亦都非常吸引,不過小心會玩到斷.整體上,Stronger亦係出得非常好既SHF.
外盒設計
配件一覽
裝上雷電既特效件
Electro Fire!!
Stronger電Kick!!
我現有既SHF昭和幪面超人
未來既路,再難行都要行落去!
後記: 暑假開始,每日補課既生活真係頗難捱,過咗七月就會好好多喇.嚟緊七月仲有幾隻SHF推出,宜家要決定點樣取捨,喺金錢短缺下選擇買邊隻喇;)
題外話: 幪面超人W終於喺嚟緊既星期六開始喺三色台播,又可以重溫一次呢套咁正既劇喇!來細數你既罪孽吧!送上一張劣圖吧;)
 |
|
發表於 19-7-2012 01:57:42
樓主
發表於 19-7-2012 16:17:02
