合金模型車貼圖討論區(1:12, 1:18, 1:43, 1:64)pg.65 add 1/12 Enzo & F40

影武者

回復 2501# louisgw

玩 1/18 啦....
出品我推介AA 及 KYOSHO，但現在的AA 售價不低.....:78:
不用想太多先入喜愛車款感受一下:^

影武者

Volvo 850 T5-R Estate - 1:18 by Autoart

當我尋日 post 呢架 T5-R Estate 既模型相上 Facebook 既時候 ...
i-Kizuna 發表於 27-12-2010 20:07

我有黑色....可惜車門懷了...現收起不看，免觸景傷情:cool:

影武者

回復 2504# i-Kizuna

    我們來個黑白雙殺.........:angry:

wilson3a10

灣仔 aa 有無找過?
影武者 發表於 1-1-2011 11:26 AM

有呀
但請問AA個電話縛多號?

影武者

回復 2509# wilson3a10

電話?

試下這個  TEL : 28348100

開店時間 (如無變) 星期1-6 11:00-19:00 , 星期日 13:00-19:00

wilson3a10

回復  wilson3a10

電話?

試下這個  TEL : 28348100

開店時間 (如無變) 星期1-6 11:00-19:00 , 星 ...

thx!
今天已入手了^^

影武者

thx!
今天已入手了^^
wilson3a10 發表於 2-1-2011 21:49

恭喜...

i-Kizuna

新年快樂 :77:

Ferrari F430 Spider - 1:18 by BBR + Kyosho

BBR + Kyosho 出品既 1:18 出品唔多.. 除左最近岩岩出既 512BB 賽車之外, 就只有 Enzo Ferrari 同 F430 Coupe / Spider.  呢架 Spider 係二手既, 所以價錢相宜.  有時覺得買模型車同買真嘅車差唔多, 買二手 “化” 算好多.  







































先要讚既係油漆質量, BBR 不論在 Enzo 或者這部 F430 身上都達滿分, 加上車身係銀色, 令模型看起來更加完美.  另外, 內籠造工亦非常出色, 看起來沒有半點塑膠 Feel, 用手觸摸座椅更有一種柔軟嘅感覺.  兩個反 U 字形防滾杆下面, 見到帶有格仔間嘅膠片, 非常細緻.  可以打開嘅 Glove Box 令人感到驚喜, 而向前傾嘅椅背後面可以放兩個公事包, 如果真係要雞蛋裡面挑骨頭嘅話.. 我會話椅背角度太傾向前方.  至於引擎部份, 由於 F430 不像 Enzo 般可以將成個車尾揭起, 所以可以睇到嘅地方並唔多, 引擎細緻度屬中上級水平.  Ferrari 字樣亦用上較厚嘅貼紙, 多一份像真感.

雖然呢架模型係好多部份都非常出色, 但依然有需要改善嘅地方.  如果細心留意便會發現前軸離車身嘅距離好大, 呢個相信係底盆設計問題, 或者係要遷就車入面某一 D 野而造成嘅後果.  另一樣就係軟篷蓋, 雖然蓋上篷之後沒有任何罅隙, 但從正面望過去覺得真係太厚喇.. 所以我入櫃 Display 嘅時侯都係 “除” 左頂帽算.  :53:

GTR

個軟篷係收埋係邊架?

i-Kizuna

係獨立分開包裝..

AS-GTR

部F430個籠真係好靚! 果然係BBR...

i-Kizuna

M.Benz 600 SWB - 1:18 by Autoart

眼看模型生產商如 BBR + Kyosho 或 CMC 般以其模型精細度換來無數玩家嘅認同, 雖然每架身價達 HKD2,000 以上, 但支持者仍大有人在.  身為大廠之一嘅 Autoart 就係大慨兩年前加入一條走 Hi End 模型路線嘅 Signature Class, 主要嘅賣點係比 Millennium 系列採用更多零件製作, 強調更精細, 更具質感.  圖中嘅 1:18 M.Benz 600 可以話係 Autoart 走 Hi-End 路線 “Signature” Class 嘅試金石之一.  模型分別有長 / 短陣兩個版本, 但由於長陣已經售罄多時, 所以只好買 SWB.













將車從盒中取出, 再次感受到 Autoart 久違了的質感.  根據 Autoart 網頁所描述, 長陣嘅 Pullman 模型材用 429 件零件製成, 重量約 1.45kg.  SWB 雖然冇 Pullman 咁長, 但相信所用嘅零件數量都相差不遠.  銀灰色係 SWB 獨有嘅顏色, 噴漆質素與一般 Autoart 沒有太大差距, 只是電鍍泵把旁邊有點小瑕疵.  先打開引擎蓋, 採用接合式門跤沒有破壞 Engine Bay 氣氛.  引擎大致上可以做到引擎原來的面貌, 造工只屬合格水平… 除膠感較強之外, 水箱蓋旁邊的膠喉亦不見了.  另外, 引擎倉裡面一 D 常見嘅小貼紙都冇, 原因可能係模型廠借來參考嘅實物 D 貼紙已經甩晒.





















車門內壁的皮紋, 木裝飾同電掣都做得非常精細, 貼近前玻璃嘅木裝飾亦值得一讚, 中控台部份只係用貼紙裝飾, 尚算簡潔好看, 唯獨缺乏了像 Toyota 2000GT 的細膩感.  後座嘅窗簾由布製成, 相當搶眼.  座椅的上半部份可以見到模型廠嘗試做到看起來像皮的效果, 理應加分… 但座椅架, 椅背, 中控台下方則膠感十足.  如果係 Pullman 版用黑色內籠可能會冇咁明顯, 但配落 SWB 嘅米黃色就…















原盒奉送的六個皮喼可以齊整地放在一起, 但建議都係放係車尾箱, 以免違失.  最後值得一提嘅係套軨, 我參考過好幾個網站嘅圖片, 同睇過一 D Youtube 嘅片段, 發現原裝嘅 600 係用一款類似 Mazda Cosmo 嘅八孔款式… 可能又係參考車曾更換過零件有關.

i-Kizuna

Range Rover Sport - 1:18 by Autoart









































首先, 第一個印象係模型車重同車型不太吻合, 咁大架車但重量似同架 R32 Skyline 差唔多, 不過算啦… 一來質感不會影響模型嘅可觀性, 二來我已經習慣輕飄飄嘅 Autoart 模型, 質感對佢哋黎講只係 Bonus.  係發泡膠盒度攞左架車出黎之後, 發現部份車身上面有 D 來歷不明嘅油漬, 類似嘅情況係 NSX 都有出現過, 後來用布抹下就冇事.  噴漆造工只屬一般, 皆因引擎蓋上的油漆並不算平滑, 有可能係上油嘅時候有灰塵所導致.  車尾 RANGE ROVER 字樣採用較厚嘅貼紙, 摸落去有凹凸感; 而 Range Rover 專用的黑色 Land Rover 徽章都用上微型徽章, 值得一讚.  

現今好多新車嘅引擎倉都採用密封式設計, 所以模型生產商自然可以慳返好多功夫. 正因為咁, 我對佢嘅要求就更高, 跟一些原車嘅照片相對之下, 模型的像真度已達九成半相似, 連開啟 Bonnet 嘅油壓跤位置都與原車一樣, 只欠缺機油檢查杆及位於水箱附近的幾張貼紙.

黑色嘅車身配米色內籠, 雖然依然有點塑膠嘅感覺, 但望落去已經比上次架 M.Benz 600 好好多.  膠邊切割口整齊, 門壁嘅木裝飾, 電窗掣, 門柄, 電動座椅調較按鈕, 錶板都十分順眼.  設透光天窗可以讓燈光照射到造型優美嘅座椅, 安全帶亦帶有凹凸紋, 拍照過後自己也覺得模型內籠散發著溫暖的感覺.  印象最深刻嘅一定係中控台部份, 除左波棍閘旁邊印有 “P R N D” 字樣, 類似 i-Drive 嘅圓形控制器之外, 冷氣及收音機都用膠件製作, 從相片可看到其模仿程度幾可亂真.  

尾門跤雖然不像原車般採用油壓式開關, 但一樣有兩種開啟模式, 而車門所用嘅細跤亦唔覺眼.  打開後車門能不能固定就各安天命, 我呢架玻璃不能固定, 但連門一齊開就反而冇事.

mark6

真係睇少陣都唔得... 炒粉位

基本上開盒之後唔難發覺, 之但係hotwheels個盒兩邊係俾圓形膠貼封住, 同埋d燈光照落個盒度反晒光就真係唔易睇到(不過又真係冇諗過係呢個邊位領野), 下次真係要揸住盒野係咁轉先得, 希望黑色599GTO同458challenge真係出既時候冇咁多問題啦

影武者

回復 2518# i-Kizuna

此車令我擔心車前的 RANGE ROVER 字樣何時甩:52:...