奸o既成年人 ● EB RM-5 Body

MAX

有人話我奸, 其實我邊算奸~~


不過係奸人都鍾意食嘅糖, 我都好鍾意食...
咁我又好奸咩~?  嘿嘿~


計我話, 奸人不露相~ 露相非奸人~~嘿嘿嘿嘿嘿~~~~


以上對白來自兩個堅叔參演嘅經典舊廣告~~

今次EB哩個RM 5頭雕真係堅正~!
同堅叔有8,9成似樣...捕捉到堅叔本尊個神態...
頭部上色同雕功,我相信擁有RM 5嘅人兄都會認同係高水準之作...

一提到堅叔...除左會諗到黃飛鴻入面佢演反派奸角之外...
玩開12"嘅朋友,一定會聯想到龍爭虎鬥嘅韓先生...
李小龍12"就已經出過好多款...但有代表性嘅對手...之前一個都冇...
而家總算有廠家推出一個暫時最似堅叔嘅figure...
李小龍終於可以有一個對等嘅對手同佢玩喇~~

一面老謀深算表情~~


奸雄霸氣






堅叔又係度諗緊奸計喇~~


將頭雕換落scaeface度...
哩種80年代西裝~同堅叔好夾~


RM 5 Body素體~基本上即係同ScarFace同款body黎...
附有一對額外嘅拳頭


有玩家覺得個Body有A字膊情況...其實係可以修正嘅...
只要將膊頭向上推就OK~右手係修正後...不過已經係向上推到最盡...
所以唔可以擺個聳肩姿勢...如果EB之後嘅Body可以改良返向上推嘅可動幅度...效果會更加好~
左手係膊頭向下拉嘅狀態...


我購買當日...大師Y.J. Park在場提供簽名服務~
當然比大師佢幫我響Body上面簽返個名留念啦~~


仲叫佢幫我寫埋to MAX 添~~:35:


body可動性都幾好架~轎埋雙手冇問題~


跪低又得~
上身包軟膠...頸位可動...手腳關節夠扎實...
不過我自己唔太鍾意齒輪式關節...可動角度始終會受到限制...
另外...腰部有個別性鬆軟嘅情況...我買左兩隻...一隻腰緊...一隻腰鬆...


腳板著地性都幾滿意~擘大雙腳企~腳板都可以配合返個角度...


唯獨對手腕joint最唔滿意...手腕同舊款Body一樣...個joint都係好易鬆...
玩多兩野就會KO左...此乃齒輪式關節嘅弊處...強烈要求EB改良~

身高比較...同EB G.O.D.小龍差唔多高...


仲有一樣野要提一吓...就係個body嘅上色問題....
全隻body都有噴上擬似膚色嘅效果....
但係...EB你可唔可以上晒色先組合呀...
組合晒先上色...一D遮住嘅位...一轉動...就會出現上左色同未上色嘅陰陽色情況....
其實隻T800都已經係咁架啦...一隻咁精美嘅FIGURE...就係比哩D位破壞左個觀感喇....
另外...頸位基本上都會有甩色情況...
因為軟膠上色...通常都會容易甩色....
建議EB參考一下DID嘅頭雕,同CMTOYS嘅包膠Body隻膠料...
皮膚上面嘅紅點色斑..唔係上色效果..而係隻膠料本色溝左淡紅色嘅細點....
效果都幾擬真膚色...最重要係點摸點玩都唔會甩色丫嘛~~

哩套就係當日買兩個body就送一套嘅長衫喇~~


因為我有會員coupon...可以減兩舊....
兩隻堅叔加一件衫都係一張大牛找數~
堅抵玩~~~

哩個頭雕有幾個角度,會特別比較似堅叔...
我覺得哩個角度係其中一個...


輕功水上飄~~




同小龍過兩招先~~




不如唔好打...一齊練吓功仲好喇~~


實行人人有功練~!


換件唐裝衫..一樣咁正~~




又圓寂.....
多謝收睇.....

powpow100

相睇得好好:35:好正隻堅叔,我都想計隻玩下

ckc882000

版主：爭盒利口樂:DD

新手mm

e隻堅叔,,真係好正!!!!!:71:

kafai1978

堅叔~堅正...!!!
呢隻係我第一隻EB。

a_c_e06

scarface套衫都好襯堅叔:71::71:

figure128

樓主D相好正，神氣活現，一流，尢其同龍哥D POST擺得好正，多謝分享，期待多D相。

ycjack88

正相 + 靚 pose + 有心思, 好like!

joo200456789

:71:

呢隻真係堅正, 性價比高到無倫,
可玩性亦十分高, 趁假期整緊Part2兵器篇,
真係十分好玩! 嘻

Gretzky99

奸o既成年人....

經典人物，經典廣告 :DD

Shit! 暴露年齡 :@

darknight

very good cross over!!!!! :$

tallken

回復 9# joo200456789

以前國貨公司見過有 小形 柳葉刀 賣( size應該合figure用 ), 現在唔知去那裡找........

O暈

同小龍對戰個張,動感十足

joo200456789

回復  joo200456789

以前國貨公司見過有 小形 柳葉刀 賣( size應該合figure用 ), 現在唔知去那裡找.... ...
tallken 發表於 22-1-2012 09:03 AM

逃補都有好多奇門兵器, 不過間順風順水唔送到香港, 真衰!!

catcat

呢個pose堅有型！



而家有些後悔點解唔買兩隻rm-5，小弟揀左堅叔加華拉.....