係小弟犯賤，佔用左TD資源出post，但係調post可唔可以尊重返少少？

原罪

:64:
即係咁，
始終呢度唔係小弟開，
如果覺得規格唔正確要調post…
可唔可以調得有情理少少？

之前買完野貼戰利品post掉左去市場區…
小弟會覺得可能有影射或者其他原因要去果區…
我無出聲。笑下算:38:

今次出個食玩post…就掉去模型區…
我真係唔知講咩…

算，係度出post係小弟犯賤…
（整完個post就好似垃圾咁…鍾意掉邊就掉邊…:oh:）
對唔住小弟係唔應該出post既。
真係唔好意思~小弟覺得自己好錯~

Squall

小弟好明白大大o既心情... 不過果set都算係模型呀

Garycharm

上o黎 TD 出 post ，都係想得到同好應同、與心態相近o既網友分享。
唔好同我講，「要砌就係模型」、「唔駛理人o地點諗」o既膠論。

套禽獸食玩，玩樂性高、角色熱血，本來o係主版討論得開開心心，忽然俾人掉去模型區。

問題係，模型區o既模型友會唔會歡迎你先？
果度好多朋友，連 Gundam 素組都想唔理你。食玩 post ？你預o左收埋啦！

唔係話人o地錯，而係，模型區多年o黎都係一班真心模型發燒友聚腳地，
如果要問砌模型，仲有好多高手肯幫人添。
不過你擺件熱血食玩入去，格格不入，
搞到大家都唔開心，為乜？


真心懷疑，
某位版主...........

唉，算~~~~~~~

Squall

上o黎 TD 出 post ，都係想得到同好應同、與心態相近o既網友分享。
唔好同我講，「要砌就係模型」、「唔駛 ...
Garycharm 發表於 23-9-2011 09:58 AM

試過俾人丟左個post去熱血創作區, 仲死..........:o

模型區至少有版主個個post都回吖

Garycharm

我已經當o左「熱血創作區」係另類「精華」喇，
果度D post，推得仲慢過「精華區」。



補充一句，
熱血區o既太歲兄、模型區o既白狼兄，
都係有心有人情味o既好版主。
小弟今次就事論事，
如冒犯、莫怪。

warxv

回復 1# 原罪
算吧啦.
呢D事唔好放心上.

不過我有時真係懷疑香港人是否先天就分類有問題的...我本身都係有分類障礙的.
單睇大分類ACTION FIGURE討論區是只有12吋的,咁12吋以下的難度唔係ACTION FIGURE??
又GIRL FIGURE點分呢?12吋的女角就叫ACTION FIGURE,其他的叫GIRL FIGURE??
按字面SHF出女角色應該放在ACTION FIGURE?GIRL FIGURE?都講得通,不過實際卻多放在主版...
要砌的就放模型區,咁...按理,隻皇級星矢應該也要放模型區才對...反正砌佢的時間唔見得比砌食玩少...

其實不如討論下點分類會好D,比D有建設性的建議版主,看看有無改好D的空間啦.

Squall

有時有D POST出一陣就即被人調, 有D就放好耐都唔使調

真係唔知有咩準則

無明:

即係咁，
始終呢度唔係小弟開，
如果覺得規格唔正確要調post…
可唔可以調得有情理少少？

之前 ...
原罪 發表於 22-9-2011 11:50 PM

幾位大大呀:31:


無言............................




大家前前後後說過多少次TD問題呢?

有冇一次有人解決呢?


大家仲未死心?




我最怕是原罪兄你的處境............叫天不應,..........苦處自已知:42:

Ban Acc重返後，現我不出post了。

不是對抗，而是無哂心機，動力了。提不起勁呢!!!

最後，用進念----百年的孤寂場刋內容回應................:64:


有這樣的文化，才會有這樣的群衆。
有這樣的群衆，才會有這樣的領導。
有這樣的領導，才會有這樣的體制。
有這樣的體制，才會有這樣的時代。
有這樣的時代，才會有這樣的文化。


有這樣的領導，才會有這樣的不快。

CD-ROM

我都覺得依家睇post非常"無離頭"
有d post 都唔知點解會去咗果區???
好懷念以前最初TD成立網頁嗰時, 會追post追幾頁
依家入主版望兩望可以即走 (都好, 可以多d時間做其他事)
其實, 如果想分流, 可以好簡單咁將新品新消息一區, 分享討論一區
同埋有d人同一個post在多區發表, 呢種做法應該要禁止
其實咁多人唔鍾意d post被人亂搬, 多一事不如少一事
同埋好多網友都好醒目, 只有少數post錯區
重有, 同一新品消息幾個人出post, 將呢d post合併, 會減少好多不便
如有版主睇到此post, 請考慮考慮~~!! ^_^

takeshi

同樣係Bandai 出ge DX rider 腰帶(比小孩戴)同complete selection腰帶(大size，比大人戴)

點解DX就放係主版，CS就放去ACG版?cosplay??

吾通玩具只係suit for小孩..比大人玩ge玩具就吾係玩具乎?

係屬cosplay ge，DX版都可以放上身cosplay la(其實好多cosplay都係用DX潻la)...
吾係 cosply問題ge，甘同係figma出ge figure係比小孩定大人玩?甘架7萬yen 舊JR火車又係主區wo?

點冧都吾明..

太陽之牙

通常討論TD版主處事手法的帖都會被鎖、刪除或移動，開帖者就會被封鎖account，禁止再發言… :69:

趁本帖未被處理掉，小弟都要冒死發表下意見…

好多大大都係因為「移POST」呢個問題攪到心灰意冷，出少了帖甚至唔再出帖，但版主一向少理會員流失，繼續移呀移…

尊重？在呢樹係冇呢樣東東的，你滿懷誠意花心思時間寫的帖，轉眼就被粗暴地扔去堆填區，欲哭無淚…

移帖的基準？對不起...係冇嘅！全憑版主一己喜惡，鍾意移就移，唔移就唔移！無需同你講理由！永無移「錯」！

看著主版一整個不是性依神話或合金商品的單調話題，就是充斥著大量轉貼的新品洗版帖，真令人意興闌珊了…:42:

Duraxyll

我都明白可能因為多咗人流同埋一個主版逼晒會容量唔夠附何, website down嘅問題.......



但我記得好多年前TD嘅信念....."我地唔分區喺想玩唔同玩具嘅朋友接觸到其他唔同嘅玩具"
可惜係呢個理念......已經可能被人忘記啦........

手榴蛋包飯

現在的帖子調遷確實有點混亂...
男角的figure會被丟到girl figure區(雖說來自萌向動畫), 同時有燃物有萌物的又曾有同樣安排; 但同一位囡囡的figma, 普通分享的一個帖放到girl figure區合理不過, 但擺些熱血格鬥動作竟可以留在主版...另外還有放上勇者王特典當頭髮的鴨子又可以在主版生存還跑出6頁(雖然我也有留名...), 例子太多不能盡錄.

如上面有ching所言, 乾脆把主版拆開新品消息和玩物分享就好了嘛, 至於girl figure就不要以角色是否來自萌向動畫劃分了, 乾脆以角色性別劃分吧, 偽娘和機娘也分配過去就好.
模型的帖子或許也可以留在主版吧, 模型討論區就改為供討論模型技術交流如何?

無明:

通常討論TD版主處事手法的帖都會被鎖、刪除或移動，開帖者就會被封鎖account，禁止再發言…  

趁本帖 ...
太陽之牙 發表於 23-9-2011 05:35 PM

如果版主咁做，是要累積眾人怨氣的，他做到了!


原罪兄你像我之前一樣，以死相諫TD，我敬你是一條漢子!!乾了!:78:

小櫻

話說小櫻當年的「財散人安樂」... 雖然相爛又無文筆... 但都叫做投入過唔少心力...

亦得各方好友支持... 叫做有點口碑... 版主們亦很給面子將小櫻的帖搬到「精華區」...

但... 好聽叫「精華」... 但借問聲這裡有幾多人會去精華區？... 難聽點真是會令人覺得將帖子移走... 不要擋著那些「熱門話題」(即是星矢拉打死炒家黑面神)...

所以... 小櫻都係慳翻啖氣... 得閒睇下膠就算...

呵呵呵...

小櫻上