蒼穹之雪!!!!—ROBOT魂 098 FAFNER MARK SEIN 完全玩評報告

kkkiii0079

MARK SEIN，點解我要改佢個名叫「雪」，因為佢隻白色真係好憂雅~~:71: 蒼穹之法芙娜入面主角中後使用既新機，佢既特殊能力係同化，即係乜野係佢手入面，都可以同化，例如同化件武器，支野會勁左~~FFN系列出咩，我基本上都入哂了，哈哈~無他，因為有愛，同埋佢既設計真係幾特別，今次第四次玩，應該熟手好多。今次我對呢隻MARK SEIN，好滿意，要俾好高分佢。點解，請睇報告﹗:71:



今次個盒都以往既設計都差唔多，不過好似薄左少少，唔緊要，最重要係好玩啦~~:43:




呢次官圖擺得好靚，好少有，幾個POSE都好值得擺下，因間大家會見到~~
:64:


配件幾豐富﹗兩把劍，一支槍，五舊鑽石，不過係劍柄真係多左少少，有點點兒煩......不過，好多師兄都話，呢隻野係同上次D模係一樣既。呢個看法，只係部分正確，點解，睇評論﹗



先講本體先，珍珠白，令令地，有D COMPOSITE既上色FEEL，正﹗不過，你可以留意到，成隻野既外型同之前個三隻都係唔同既。首先，背部少左D孔，而且手臂又少左D孔，於是，成隻野既感覺即時變得簡潔清新。:61:

呢次已經係第四次玩FFN公仔，關節掌握、擺POSE各方面都已經熟左手。同埋，有一樣野好值得讚，就係MARK SEIN個模同之前個D好似差別唔大，但係玩落手既大大就會知道，之前既FFN，關節怪之外，重係唔太好扭，今次既SEIN完全無左呢個問題，個個關節實淨好扭，唔易爛，而且比起之前粗碌既線條，佢依家SILM左，成隻野醒神哂。:34:


跪地POSE係其他R魂公仔唔難整，但係係FFN系列入面就係難點動作。我見過好多師師整得唔太自然，好多時都係後腳放得唔好同埋無用盡前腳既關節，結果隻腳伸得太直，條腰自然向後翻啦~~:73:

又有一個要讚既位，就係隻手。好記得第一次玩FFN，印象最深刻就係佢隻手度，真係好唔開心，搞一隻手，分分鐘要十分鐘時間，所以個時玩FFN都唔係太想換手。依家，SEIN解決呢個問題，所有既手腕易上易脫，而且好實淨。此外，呢隻手既手指要係尖尖地，好有亦正亦邪既感覺﹗:35: 笨大，你想做得到的，還真是可以做得到，多D出用心既產品來吧﹗





用黑底本身係想突顯隻機，點知打燈個D好難協調，張張相都白哂，好麻煩，我終於明白白色機好難影得好既原因啦，加上小弟既攝影能力都係麻麻地......唯有轉番用白底，之後易影好多了~~:35:


先整張什麼都沒有既POSE先，由於依家佢既關節同手腕都COM玩左，變左個人都輕鬆左，唔會到同隻公仔鬥氣=.=~~


第一件武裝，步槍，無可否認，係幾靚仔﹗:58:




點解會有兩支槍？一支就係MARK ACHT，一支就係佢自己既，就係簡單﹗:x




再來武裝CROSS COVER，橙機的飛標﹗


以下就入到「鑽石」部分了，根據套卡通片既設定，綠色部位是連接位，MARK SEIN可以同化D武裝，好似會勁D~


五舊鑽石，各司各職﹗舊野好靚，而且好穩陣，手腕連接位做得好好，無得彈﹗同埋佢整到舊鑽石中間黑黑地，真係好似有隻手係度拿住D野咁樣~~之前我有想過，呢個鑽石位會唔會係以套入既形式，即係係原有既手腕外套上鑽石層就算數。依家佢個處理可算是最好了﹗:handshake:



玩埋個雙槍先﹗


原來SEIN個支槍係可以分體，ACHT個支就唔可以分體架=.=~哈哈~支槍可以有兩個形態去玩，第一個形態就係分左體咁玩，另一個形態就係拿住成支野係手咁玩。




由這些角度可以看到鑽石既SIZE，真係幾大下，同時又幾靚同幾穩陣﹗:$


去到玩劍部分。歷來，成也劍長，敗也劍長，成是因為把野咁長好有氣勢，但係要玩同影相，無可否認成日整到D野(因為把野太長了)。:(




呢隻SEIN身體輕盈，變左好多動作看起來都好有型啦，同之前既FFN機不同。


舉高手呢個位搞左好耐，終於知道點整。其實我覺得FFN系列既公仔，應該需要一個教學圖，教下人點用唔同既關節位去擺POSE啦。事關佢既關節真係可以做到好多動作，不過，個D動作係平常既機度，可以好容易做得到，但係係FFN機度，就要同時郁幾個關節，感覺有點似係扭計骰﹗~



一劍指天，當然要整下啦~~~今次官圖POSE出奇擺得好，搞到我都係咁抄佢地~~:71: :!


去番去EFFECT PART先，整得算係幾靚仔，不過裝上去個陣都係有點麻煩。



向上開炮，我個隻右手出過一點事，不過最後都算係可以抬起一點的，不過右手就幾明顯有點「不舉」現象，左手就無事~:DD



總評：
ROBOT魂既FFN系列算係成個系列入面最獨特既一條LINE，最明顯就係我地成日提及既關節位，佢的確係整到同REVOLTECH有D相似。
不過，係呢個系列既初始階段，佢既表現唔太理想，以MARK ELF和DREI為例，可以概括以下既問題：
1. 更換手腕非常困難
2. 個別關節非常脆弱，甩手甩腳時時發生
3. 個別關節很難轉動，特別是腳部的問題尤為嚴重
4. 肩膀關節過鬆，時有不舉現象
5. 機身太多無用的孔，雖有助不同機體的武裝CROSS COVER，但不美觀(這是為了節省成本，一模多用而成的，不過成隻機千瘡百孔咁，無左原著入面既美型)
6. ELF的武裝上機身個陣不太穩陣
7. 手臂部太大，和機身的比例不太吻合，看起來怪怪的

之後，MARK ACHT採用了新模，不過仍然有以下問題：
1. 腳腕可動性大減，而且經常鬆脫(不知道這是小弟機體的個別問題，還是其他大大都有相同的問題了)
2. 武裝太重，單薄的機體難以負荷
3. 更換手掌方面有所改善，但是仍有改進空間
4. 個別QC出現問題(DREI和ACHT是魂限，卻出現不可接受的QC問題，笨大真係要檢討一下)

不過，到了MARK SEIN，我是看得到笨大是有誠意的，上述的問題，都有所改善，包括：
1. 更換手腕很快很舒服，主要是連接手腕的BALL JOINT唔會係插入個陣郁來郁去
2. 所有關節比以前實淨，唔會好似MARK ELF的甩下甩下的感覺
3. 整個模都係FFN系列所用的，但身上的「千瘡百孔」不見了」，換來一身輕盈的雪白身驅
4. 腳腕可動性問題解決了

此外，以下是SEIN一點的嘗試：
1. 武器EFFECT弄得不錯﹗
2. 手指尖尖地的設計很不錯﹗
3. 鑽石部分很麻煩少少，不過弄上去之後非常美觀，而且很穩妥，令人喜出望外
4. 全身噴上珍珠白，非常華麗，和R魂系列其他的白色機有天淵之別(SORRY，我的ARX-7和石弓，你們都輸了)

一般而言，白機係R魂入面都係被睇低一線，今次SEIN算係爭一口氣，整體無甚可以挑剔的地方。特別是關節位弄好了一點之後，做動作都容易了很多~
有朋友覺得呢條LINE太多限定，所以對它不感興趣。其實純以玩具的質量而言，FFN系列和AS系列係R魂入面，都係相當出色，加上FFN都不見於其他玩具，所以對FFN有愛的你，R魂暫時是你最好的選擇，謝謝﹗

如果想睇多點圖片或小弟其他R魂REPORT，請到：http://hk.myblog.yahoo.com/kkkiii0079/index?l=f&id=51

waven

:71:
support
我今日都入左
d pose好靚
第一次入ffn要參考先下得

stonekeung01

<之前既FFN，關節怪之外，重係唔太好扭，今次既SEIN完全無左呢個問題，個個關節實淨好扭，唔易爛，而且比起之前粗碌既線條>agree!:71:

我都今日買左，但未得閒玩:63:

下個就等佢

36韜

好帖十卜
樓主, 既然齊晒...等緊你將佢地一家人拎晒出來影全家福 :77:

kyo353

呢條LINE大部份都係限定
樓主真係好有愛:71:

kkkiii0079

我對FFN真係有D愛，全家幅真係要遲少少先影，因為我個影棚好細啦，要搞搞佢先得~~

deepz

真係分析得好詳細:71:
至衰lee條line好多都係出限定....:31:

kkkiii0079

回復 7# deepz

呢條LINE真係好值得玩，因為隻公仔既設計真係幾特別架~~

MENG2

好貼~留名支持.睇得出大大好用心寫呢個report~support

cavalry01

我想要mark sein 第一次出現個backpack:79:

deepz

回復 8# kkkiii0079
我都有買，但只是沒有錢買限定個&#21874;...:70:

kkkiii0079

回復 10# cavalry01

但係BACKPACK又好似唔夠出限定啦，太少野了~~

Douglas.M.Saint

What a great report must add marks for support! :71:

cavalry01

回復 12# kkkiii0079


    SHF TAjator都出到effect parts, robot 魂ARX-7出到 weapons set, 佢都得:63:
..............要信bandai食到盡的心態:38:

黑色三連敗

綠色手晶~~~~我仲係唔識分邊果打邊個~~~~:oh: