|
|
|
本帖最後由 insomniac 於 25-7-2011 09:16 PM 編輯
過了差不多一年的時間(唔理劉備), SDX 終於以限定既身份再次重現在大家眼前. 雖然無睇過SD高達 - 騎士物語既動畫或漫畫, 但係兒時依然從玩具店, BB戰士模型, 超任game, 或萬變卡接觸了不少經典騎士人物, 而呢隻Zeta 劍士, 也是其中印像較深刻既一位角色.
兒時無能力將模型切到好似盒中圖片咁靚, 只好星期日飲茶前去睇下模型店display. 但係以而家既技術, 能夠把這些經典造型以完全上色成品重現眼前 (或者學SOME大話劑, 重現係書抬上!)), 都幾感動! 幾年前我仲特登買返某D款色既舊BB戰士模型 (當中包括Knight, Versal, & Satan Gundam), 一路到而家都未切. 睇黎我可以閒返D時間, 坐定定等SDX 推出吧!
其實都無未可以用黎對比, 因為呢D BB戰士除左D舊模型同可能一D扭蛋外,都好似無咩product. 造型上同以往SDX 一樣咁靚仔. 盾牌同劍都有兩款, 上色一流, 仲有幾粒好似水晶既寶石, 非常精美.
大家都題過呢隻SDX 出現大量sad 貨, QC大不如前. 無錯, 上色的確不及以前. 個人認為心口同對腳都上油上得太厚, 有o個種怪怪地, 令令o地, 油油o地既感覺. 想信切過模型及上色失敗既都知我講咩... 都係之前既SDX個種啞色靚D.
合金部位主要係收係個身同對腳. 面罩無唔應該有既金點或甩色. 見過日本D report既sad圖, 再睇睇自己個隻, 覺得算係好好彩, 抽到隻唔錯架喇!
今次D眼唔洗自己剪, 除劍同盾外, 跟既主要係換騎馬mode既件.
劍可收入盾內.
眼部表情共4款.
拿劍的手都有兩款, 令某D pose擺得更自然.
頸部可動都唔錯, 有好多層關節
個人認為呢set劍同盾有型好多
睇真D原來隻馬仔係隻穿上裝甲既普通馬仔, 唔係機械馬. 唔好睇少佢, 原來都有唔少關節! 就咁分開擺都可以set到個幾有型既pose. 下面亦有個壟可插入之前SDX 跟既stand, 但係呢隻無stand跟.
騎馬的話要花D時間換一換件.
據我所知, 呢set應該係原有既盾同劍.
面罩可拉下, 訓下晏教
劍士Zeta 整睇黎講, 兩把劍, 兩個盾, 加哩隻馬仔, 簡單得黎都幾多變數. 算幾好玩. 同隻馬一齊display 真係好型仔.
睇黎SDX 已經唔會再以通版貨品推出, 但係希望下次質數, 上色, 同QC都能夠回復之前既水準. 就算限定, 對玩家黎講買返黎條氣都順D, 訂都訂得安心D. 希望黎緊會見到其他主要騎士啦. :handshake: |
|
發表於 25-7-2011 21:15:14
樓主
