本帖最後由 銀月 於 19-7-2012 10:42 PM 編輯
楪祈以近期人氣去計係一定比較搶,未出之前大家都會比較留意佢,
但出了之後成品不太行,大家都抱觀望態度,當然真要減價走貨,都是看市場吧?
同我從來沒有說大家一定要聽我信我所說的,我希望在這裡輕鬆討論黏土人,
所以我有點感覺被閣下斷章取義,
報價哪面因為之前有人說冇咩人留言,所以開始參與下,我沒有說是炒價,我只是報哪天見到的價錢,
其實這裡還是不是很多人願意發言討論,我覺得真是有點沒有方向,
可能大家是不太喜歡我在這裡發表自己的感想和感受,所以沒有怎樣有人出聲,
樓主好像說過都不太想留言,不知是否因為我,
有時想努力令大家可以熱情點發言,但真是不知怎樣去做,
可能我過去的言論令閣下不快,在此說聲十分抱歉,
所以最後我決定都是暫時不再留言和開貼,冷靜想一下要怎去做:64:
粘土 發表於 19-7-2012 08:57 PM 
講真,我又唔識你
亦同你無交流過幾次
更何況我都唔記得之前有同你講過野
簡單d講,你覺得楪祈會比較搶只係你個人觀點
你根本lor唔出真憑實據黎說服人支持你ge觀點
我信唔信你係一回事,但你講出黎ge野,如果唔係想叫人相信或認同你講ge係真或0岩ge,咁你點解講?
係咪即係話,你知一樣野係假或錯ge,你都要講出黎?咁同講大話有咩分別?
你係無叫人信你,但你叫人快d去買呢,咁同叫人相信講一定炒有咩分別?
係你講出「一定炒」ge時候,已經係指100%會炒
而之後又話「唔一定會炒」,即係又推翻你自己之前ge言論
凡係推翻自己ge言論做行為都係講過唔算數,好不負責任的
既然你自己都認為會有其他因素會影響炒唔炒
咁仲係咪應該講「一定炒」呢?
再唔係就係你ge分析能力根本不夠班,因為你無辦法為一個情況作出應有的結論
不論係邊個情況,我都唔認為你可以隨隨便便去評估一個情況
而我lor報價帖ge內容,係話俾你聽,你之前實牙實齒講會「一定炒」ge言論有出入
至於話成品不太行,呢d都只係事後講ge說話,有邊個講股佬唔係在個市跌之後先走出黎講一堆分析?
至於你話「在這裡發表自己的感想和感受」
唔好意思,我感受唔到
我感受到ge係
你用專業ge口吻講述一個睇法,完全唔涉及你個人感想或感受
因為我從來無見到你講「我覺得」,「我認為」等字眼
而我見到ge係,係你好似好肯定,信心十足咁出事實ge態度
就好似講緊太陽由東邊升起呢種鐵一般ge事實一樣 (你幾時有見過有人話「我覺得太陽係由東邊升起」?)
我唔會對你有d咩不快
而你消唔消失都唔關我事
不過我俾你少少意見
好唔隨便將d你唔肯定ge野,講到好肯定咁 |
樓主: alan121
[複製鏈接]
發表於 18-7-2012 02:58:11
