|
|
|
本帖最後由 catcat 於 14-5-2011 06:53 PM 編輯
Toyscity 美軍水鬼隊 Navy Seal Recon Diver + 畢仔頭
Toyscity 嘅兵小弟一年前玩過, 部份地方有驚喜, 但論質素, 始終差Soldier Story一班.
今年年頭宣佈出呢隻NAVY SEAL嘅RECON蛙人, 小弟好期待.
一來近年少出呢類兵人, 二來頭雕疑似JEAN RENO, 有吸引力.
個頭質素已經比HEADPLAY高, 頸係長左D, 但有得搞. 不過小弟覺得JEAN RENO個長面做兵唔多襯, 都係換番個畢仔頭.
個JEAN RENO頭備用, 總會遇到合適嘅題材啱用嘅, 唔好浪費.
換番個畢仔頭, 從新上路~
個夜視鏡都唔差, 叫做有透明件.
素體可動性不過不失, 但上行裝備後就唔太方便擺POSE.
手套手仍然是TC嘅弱項, 有明顯分模線, 上色出界, 拿持槍械時覺得唔多就手.
背面, 可以見到TOYSCITY嘅強項: 大件夾抵食.:$
配件多, 用料亦唔差, 六魚幾想散執一隻咁專門嘅大兵, 相信無咩可能.
隻蛙鞋腳蹼真係唔錯.:71:
支MK12MOD1造工幾好, 無話好似VH咁, D膠有收縮位咁礙眼.
個彈弓一拉就可以好穩陣咁拉個槍架出嚟, 好好玩.
但竟然無細字同標誌, 爭咁D野. 好在手上有水貼合用.:43:
潛水導航羅盤好少見, 盤面刻度做得幾DETAIL.
BOOT竟然膠造, 乜呢期興咩? SS隻RANGER又係...
小弟加番D舊化, 而家無咁膠. 但太過硬膠, 影響可動, 敗筆.:42:
小弟最鍾意擺嘅POSE, 但係只是就角度, 著上潛水裝備後根本無可能靚仔地雙手持槍.
不過相信唔關BODY事嘅, 著任咁多野, 比著邊款BODY都應該做唔得好.
總結: 75分, 配件都有SS八九成, 玩完無後悔, 但唔執下改下唔安樂.
最唔滿意係個素體, 十年如一日, 手腕唔夠實, 玩玩下就甩甩落落.
雙腳唔夠壯, 關節實淨度, 可動性等等, 相比SS嘅超班BODY, TC輸成個身位.
D布件唔夠SS厚實, 玩落就覺爭D野.
最特別係全部配件都無做舊化(肚腩個件潛水裝備例外), 比人好唔真實嘅感覺.
小弟最後都係忍唔住要執執佢, 不過小弟忘記左係做舊化前影番張相.
O.T.擺得個棚出嚟順便影多兩張:
多謝收睇, 請請~
:43:
:43:
:43:
|
|
發表於 14-5-2011 18:37:56
樓主
