HT : 造 狗 難 過 造 人 !!

Gretzky99

雖然《鐵血戰士》續作一蟹不如一蟹，不過相關玩具就依然勁好賣，擁躉一路呻窮一路入貨，點解咁傻先？咪因為啲Figure愈出愈正囉！以Hot Toys最新炮製嘅Tracker Predator為例，Body雕工上乘，就連隻血獸獵狗都按比例做埋出嚟，實行落閘放狗，咬住大家嘅荷包唔放！

造狗難過造人
如果話李小龍係Enterbay嘅台柱，咁Predator就喺HT擁有相同地位，唔計半胸像、全身像，單係1/6 Figure已經10隻手指數唔晒。當《Predators》上映之初，HT亦明言會將戲內血獸全部做晒出嚟，頭炮Berserker叫好叫座，其後Falconer亦Keep到銷量；作為埋齋之作嘅Tracker，就多隻獵狗做賣點，令粉絲欲罷不能。

HT造型師Joseph Tsang亦都講明，獵狗係今次嘅製作重點︰「吸收過上兩次經驗，今次做Tracker嘅難度已經唔高，最花時間反而係隻獵狗，因為好難掌握質感，似恐龍又似蜥蝪，為免出錯，落刀前要先預想塗裝效果，搞到製作時間拖長一倍有多。」所謂慢工出細貨，首辦所見，獵狗無論比例、皮膚都好逼真，尤其是背上嘅尖刺，成條骨咁款，用料一啲唔似PVC。或者有玩家彈隻狗唔識郁，不過Joseph話考慮到Ball Joint會影響造型美感，最後取消咗，絕非將貨就價所致。

冇面見人確遺憾
講番血獸，相比起Berserker到Falconer嘅小轉變，Tracker變化就大得多。雖然採用咗同款14吋Body，但面層嘅蜥蜴皮重新上色，手臂、大腿位置都有新盔甲，配合腹部追加嘅皮革繃帶，筆者覺得擔當追蹤者嘅Tracker，係三者中最有型。然而有讚有彈，今次嘅配件實在少得可憐，既冇人類骸骨又冇長矛，數埋竟然只得三對手掌及三把手刀替換，而且鑑於電影中Tracker一直都「冇臉見人」，HT喺冇參考資料下，唔敢亂作面部造型，所以面具冇得除，有啲遺憾囉！

搪膠蜥蜴王
美國西部，有仙人掌、有槍戰，仲有蜥蜴王！由《魔盜王》尊尼特普聲演嘅《Rango》動畫即將上演，HT特別將主角馬拉高化成8吋搪膠公仔。「青咇咇」蜥蜴穿上一身牛仔裝，跟埋皮帶、手槍等配件，爆笑造型跟足電影，將於第二季推出，Depp迷不容錯過。

零售價︰$380
推出日期︰今年第二季



H
T MMS147 《Predator》：1/6 Tracker Predator with Hound零售價︰$1,530　預訂價︰$1,500推出日期︰今年第二季尾至第三季初＊圖中為試辦款式，與正式推出的版本或有少許分別。



右手臂甲掛到手刀，但係唔似電影可以伸縮，長短要自己校。



盔甲係重新設計，腹部繃帶亦係新Parts，造工仔細又Fit位。



血獸例牌紮到成個辮仔頭，呢部分用軟膠製成，分件夠晒清楚。



左邊膊頭有加農炮，並可作有限度左右轉動，都算OK收貨啦！



有別於一般1/6 Figure，血獸Body有成14吋高，不過關節只得22個，活動能力只係一般。



獵狗身上長滿尖刺，呢部分用PVC製成，塗裝勁似真骨頭，佩服！



獵狗跟足比例，皮膚細紋極度逼真，張開血盆大口仲勁有氣勢。



配件實在削咗啲，三對手掌、三把手刀、一個台座，加條狗繩咁多。



HT 《Rango》Vinyl Collectible Figure

Gretzky99

Hot Toys又出新血獸？冇錯，擁躉們怪就只好怪《Predators》有成4隻新血獸那麼多！繼Berserker及Falconer後，第3炮Tracker Predator亦終於面世，雖然外觀變化不大，配件還要大縮水，但亮點在於惡犬一同出場，血盆大口及蜥蜴皮極為逼真，未吠已叫玩家乖乖畀錢。





惡狗難揣摩
《Predators》可謂顛覆了《鐵血戰士》電影的固有傳統，不但把血獸形容為空有蠻力的低智生物，還將其武器變得原始化，追蹤不再靠高科技電子零件，改為使用飛鷹、獵狗代替。然而，擁躉們那邊廂一路罵，玩具迷卻一於少理，皆因這隻惡犬實在太吸引，造型師Joseph亦坦言它才是今次重點：「老實講，Tracker Predator素體已很難再有大變化，所以今次着力點放在獵狗身上；當中最花時間係蜥蜴皮，單係揣摩其紋理、塗色已用了我一個多月時間。幸好有電影公司幫助才能順利完成。」



招牌辮子頭用軟膠製成。









配件大縮水
雖然花時間，但所謂慢工出細貨，首辦所見比例適中，其皮膚、骨刺亦極其逼真，近望甚至叫人毛骨悚然，一點也不像PVC所製。Joseph還補充：「原設計關節都藏有Ball Joint，但考慮到此舉會減低美感，最後才將活動能力取消。」說回血獸本身，相比起Falconer，整體上它只是把Body重新上色，並改裝過盔甲及加入腹部繃帶；而配件亦大幅減少，以往附送的人類及血獸頭骨已不復見，只餘下3對可換手掌及3把手刀，實在有欠誠意。幸好廠商已表示《Predators》「埋齋」之作原祖血獸會補送大量配件，擁躉們惟有暫時忍耐。

售價︰$1,530

預訂價︰$1,500

推出日期︰今年第2季尾至第3季初


14吋Body威猛過一般12吋Figure，惟關節只有22個。

背上尖刺原為PVC，但外觀卻極似真骨頭。

附送的配件不多，有欠誠意。


Joseph指多得電影公司幫忙，才能將獵狗「衰樣」雕出來。

獵狗皮膚紋理相當逼真，可惜活動關節被抽走。

盔甲為重新設計，腹部繃帶亦屬新加入。


Tracker面具有兩隻象牙角，氣勢攝人。

左邊膊頭設有加農炮，可左右擺動。

手刀不如電影般可隨意伸縮，長短要玩家自行組裝。



同場加映 《Rango》搪膠蜥蜴王
Hot Toys為動畫製作搪膠早有前科，之前有《小飛俠》及《沖天救兵》，最近再注入新成員——《Rango》。《Rango》主角馬拉高由《魔盜王》尊尼特普聲演，未上映已叫人期待；今次將這隻「青咇咇」的蜥蜴化身8吋搪膠公仔，外觀非常爆笑。隨盒還有其老鼠拍檔Priscilla，身高4吋，造型同樣叫人發笑。

售價︰$580

預訂價︰$550

pathk

幸好廠商已表示《Predators》
「埋齋」之作原祖血獸會補送大量配件，擁躉們惟有暫時忍耐。


classic~正!  ...
補送大量配件 ..點補送?..到時咪又$$$

cybster

classic predator:shiny:

毓民MKII

「埋齋」之作 :?
Last 1 隻 :?

goodies

great news as we can buy classic predator and let go the fired mms90

guitarjimmy6666

「埋齋」之作
Last 1 隻
毓民MKII 發表於 28-2-2011 10:56 AM

《Predators》系列「埋齋」之作~~classic 再出過就真系太good 了:77:

andrewtam

正wor classic ,但我訂唔訂Tracker Predator 好??

小卡

希望HT唔好食言，我专登卖咗我只P1，就係为咗等呢只:D

harowai

classic:46:

pathk

classic 係Ps 中有乜大量補品 ?..大家諗下...
可能可以綁佢係枝木上面... .有戰損頭...? ...有特別地台?...
其實點計Ps出現的classic都好小道具出現...

toysbear

回復 13# pathk


      我都覺得你說對, 唔知什麼配件,套戲都無咩.
但如果真送木架#起Classic ,那真太精彩.

Gretzky99

配件:

人類及異獸骸骨，長矛，地台.......