本帖最後由 超級玩具迷 於 1-2-2011 02:57 PM 編輯
我哋針對嘅係炒家, 一啲非正常價.
呢到亦有一班人知道早買早享受嘅道理。比好舖 ...
kris 發表於 1-2-2011 08:16 AM 
師兄,依家其實已冇乜好舖,就連孤X精X呢d大舖都係賣炒價,呢d係市場催勢,
唔通隻野升咁多唔跟住升咩,咁細舖就一定全部跟住升,難得一隻可以賺咁多,
對d細舖黎講真係可遇不可求,普通貨賣太貴又俾人插,賣太平又話做爛市,
批價又貴,跟本冇得做,難得呢隻當頭起,唔賺返筆咩,呢d都係正常,
你話人地係炒家咩,佢都可能只係跟住市場價錢浮動標價,
真正炒家係部份週圍講話少貨又乜果d,自己又抬價,咁咪造起個勢,
跟住咪等人黎跟風囉....
最搞笑係依家炒家個定義已經係貴幾蚊都變炒家,跟住就俾人鬧,
好似呢度成日話去瑞記開倉掃貨跟住放上網賣就話人炒家,
但人地賣既價仲低過市場正常價,咁可能佢之前入左批貴價貨溝平,
又或者係其他玩具冇錢賺,咁搵返d賺下,人地去花時間車錢排隊賺你果少少,
我覺得可以接受,你乜都唔駛做俾多比市場正常價平既價錢就有,仲唔好咩,
當然佢地掃到人地買唔到就唔係咁好,不過都無可口非;
掉轉,如果佢地掃完呢d平貨,跟住抬到好高,比市價仲要高,咁就真係炒家啦,
造到個個跟住佢地價做,咁呢d先係真正炒家...
所以話依家炒家個定義已經扭曲哂,"總之我自己睇你貴過隔離舖幾蚊,
你就係炒家,你去XXXXXX啦,死炒家"
我寫咁大段野,並唔係話我支持炒家,只不過希望各位睇清楚邊d先係真正炒家,唔好係咪都鬧一餐,
就講隻人馬,炒得咁快咁勁,好多平時唔係炒家既人都跟住炒埋一份,咁呢d又叫咩呢?
如果有人只買2盒,放一盒出去,溝平自己玩果盒,咁呢個人又算唔算炒家呢? |
樓主: 最新港聞
[複製鏈接]
發表於 1-2-2011 12:04:07
