玩左近30年玩具 整個靚櫃 post下d玩具 PART 3 (30'mething感想分享))

我很快

就係等埋爆龍先開呢個post...










隊長機無位著重甲 :die: ....

總結.....毫無疑問
玩具不再是小朋友玩意, 已經是一種藝術品, 玩具店已經係西裝友/中年漢的蒲點.......以上玩具好多都唔算係咩珍藏品, 我諗好多人都有, 不過覺得近年大家對舊玩具都好似唯忘左
可能TD呢度大多係年紀輕既朋友(不過我都比d新玩具毒得幾深...舊既玩具都佔得比較少)....又或者大家時代唔同, 又要要求可動性, 又要靚仔, 又要平......試想下...玩具啫...我就仲感情多, 細個一場大火
燒曬d玩具, 10年前開始搵番佢地, 而且好珍惜, 好多都keep左10幾年, 唔捨得賣, 不過人開始大, 要結婚.....買樓...雖然未有以上打算(而家女都冇 ...之前拍親都係散拖:unhappy: .....
)但都有諗過以後應該點照顧佢地(到底應該點做???)......好多舊合金都未能盡錄....唔係話曬命
只不過點都比個紀錄自己, 有時間就懷念下啦.....希望有機會專開一個舊合金post啦, 不過都幾大工程
黎緊如果過年有時間就post啦.....唔知點講好 玩具陪左我咁多年, 一直都放唔底...小時候的大火令我印象深刻.....當我返去火場, 見到自己D玩具殘骸既時候.........心裡真的很難過:79: ....當年8歲的我第一次食唔落飯....真係好好笑.........行玩具店是快樂的事, 不過好懷念小時候舊式玩具店, 間間都有超合金賣, 果D 2蚊既扭蛋機(有冇師兄有相??)極之懷念呢:42: ....~~.......有時心諗玩具呢樣野對我感情生活點都有D影響.....不過.........唔知...唔想諗啦.......最後....想講一句 "日本仔
你地好野" 你地成功地控制左我上半生.....

nea

我都好明白師兄嘅感受....
想當年我細細個已經開始攞晒d$$嚟買玩具... 我好記得小學嗰時每日都攞晒d$$嚟拎$2扭旦機... 掌心雷, 宇宙大帝, 六神合体, 光速電神...
之後到中學又留返d飯$$每2,3日就走去買模型玩具... 到同d friend出街就知出事... d人著晒當年d明牌, 我就著d cheap嘢... d女仔仲嫌我著得out... 由嗰時開始我先知呢個世界原來唔係我諗咁樣...
到今日結咗婚, 老婆又唔鍾意我玩玩具模型, 話我嘥$$...
唉... 真係好懷念細個嗰時唔駛理人哋點諗, 無拘無束出買自己鍾意嘅模型玩具嗰種感覺....:die:

Assassin

回復 2# nea

"到同d friend出街就知出事... d人著晒當年d明牌, 我就著d cheap嘢"
情況e家都冇改變過, 多數人著名牌係著比人睇, 都唔會係因為自己話見邊款靚所以買, 係睇左名牌, 再睇邊款"靚"
反而玩玩具真係冇視價錢牌價值, 靚同好玩就買
d人鐘意標籤玩玩具打機睇漫畫係毒撚, 因為我地係小數姐
講真, 毒撚有taste過潮童多多聲la, 起碼做緊自己鐘意既野, 唔係做比人睇咁陰公

reita

睇到各位大大的話,小弟心中不其然地:$ 我諗好多大大都會有呢個同感

天下士

樓主, 我都好明你的感受
我只是一個20頭的學生哥, 我都成日比人話我低B, 毒男, 戇居............. 尤其是屋企人,
佢地成日話" 你太多LA, 唔好買LA, 比心機讀書LA ", 次次聽到, 都心有不甘,
佢地根本唔明我地對玩具的堅持和愛, 個個人都有自己的情意結,
聖誕日同朋友出街, 去旺角皆x行玩具店, 佢地只是望了幾眼, 就露出一個想快點走的樣,
大大的玩具因一場大火, 所有玩具都沒有了,
之後你又開始買番之前失去的, 我真的好欣賞你, 你一定要堅持自己的信念,
人地點睇根本不重要 !!!

happy_prince_07

:( 大大仲有冇位放 隻金毛獅王同宇宙大帝 :$

gazza1211

每個男人也有不同的興趣，我也不明白為什麼只有玩玩具才被負面標籤。起碼，玩玩具，是一個不會傷害別人，一個純真的興趣。

很多男人女人更有別的興趣：
•        玩影音：這個也不傷天害理，但比玩具可能還敗家很多。但社會上，會覺得這類人有高檔品味。
•        玩相機：這個也可以是很貴的玩意。有人只拿來拍風景生活人物藝術，但也有少部分“龍友”拿來拍女。社會上，也是覺得這一堆人高檔有品味。
•        玩電子產品：一頭幾個月就換手機電腦，外間的人，就覺得他們很潮很型。
•        玩車：很多男人也把車視為玩具。一兩年就換一換。外間的人，就覺得他們富貴有型。
•        玩女人：不管是交易類型還是追回來玩玩的，很多男人也做，這個道德上不對。但有些玩女人的男人卻笑玩玩具的男人是傻仔。
•        玩化妝品護膚美容品：女人的最愛，用錢去延長或掩飾，歲月的痕跡。
•        玩名牌衣服手袋：女人的最愛，也是敗家的玩意。
•        玩自己的兒女: 有父母投入大量銀彈去培養兒女，多少是為了孩子未來，但亦不排除用孩子來作面子的比拼和炫耀

相對以上興趣，我不覺得玩玩具有什麼問題，只是各人喜好不同而已。

kwong7654

Ching咁有心機的分享，一定要頂一個:71: 不過我想問問那些玩具盒收了在那裡? :58:

威哥仔

就算有老婆, 生埋仔都一於要玩, 不過就會玩得po d囉, 真係好鐘意先會買!!!

我很快

回復 6# happy_prince_07

哈哈....我就一直煩緊呢個問題......~

我很快

回復 8# kwong7654

已經盡量用盡屋企空間之餘又唔會覺得好迫......不過已經快到極限...

redfish

玩具仍然是小朋友的玩意, 只是小朋友少左, 市場細左, 所以要推出畀大人玩的玩具.

BANDAI的TAMASHII部出的玩具就是針對大人市場.

至於BANDAI玩具部仍然有推出小朋友市場的玩具

nea

回復 3# Assassin


    你講嘅我好讚同!

講真, 辛辛苦苦賺d$$返嚟, 最緊要係自己開心, 對得住自己. 如果係為咗人哋嘅眼光同睇法而放棄自己鍾意嘅嘢, 買人哋鍾意睇嘅嘢, 咁樣同為咗人哋而活又有乜分別? 如果為自己而活係毒, 咁佢哋嗰d唔係腦殘就係智障!!!

兄弟們, 請繼續為自己所愛而努力堅持吓去吧~ :71:

我很快

回復 13# nea

GOOD...~~不過玩之餘都要唔好過火...唔好係唔係都買....結果會好嚴重....

neojett

:! 有感触。。。