|
|
|
本來前日已經出 Post, 奈何 TD 呢度死左, 唯有今日補出, 不喜勿插~
(麻帆良市時報記者 / 桜高輕音部記者平沢 唯報導)
九巴於 1980 年代開始引入12m 三軸雙層巴士,
以應付日益增加o既巴士服務需求, 其中由 Dennis 車廠生產o既巨龍 Dragon 12m,
o係 80 年代至 90 年代曾經叱咤一時, 最高峰時期有多達 191 架同款巴士服役,
係九巴當時車隊中, 數目最多o既 12 米非空調三軸雙層巴士車款,
當中包括編號 3N1-3, 配 Alexander RX 車身o既樣辧車,
其他o既 188 架, 包括本文o既主角o既 3N4-191, 都係選配 Duple Metsec 車身,
佢地獨特設計o既底盤, 尾跨比頭跨長, 係特別為 "香港式" 設計,
令乘客可以盡量行入車廂尾部, 當中一批較後期出廠o既 3N,
更配備車廂抽風系統, 停車時會由車外抽風進入車廂內部,
令車廂內空氣流通, 由於載客量高, 佢地亦主要行走乘客較多o既路線,
例如 1A, 2, 6, 6C, 27K, 38, 42 等, 亦常見於過海隧道巴士線服務,
隨著車齡增長, 加上九巴車隊空調化, 九巴 3N 亦於 2000 年代開始陸續退役,
最後服役於九巴車隊o既 3N, 0係 2003 年退役
今日, 麻帆良市亦接收本市第二架丹尼士 12 米巨龍,
呢架配有風機o既 12 米巨龍對市長 Super Bus 最特別之處,
因為佢行 6C, 原來 Super Bus 以前住紅磡果陣, 6C 係最常接觸o既路線之一,
每逢出旺角, 深水埗, 荔枝角呢D地方, 好多時都會坐 6C,
而 12 米巨龍亦曾經係當時 6C o既主要使用車款,
Super Bus 仲話, 以前佢同亞嫲一齊住果陣,
每到假日, 都會帶佢去荔園玩o既, 記得果陣 6C 仲係用 Daimler 同 AEC 做主力,
每次都係先坐 6C 去荔枝角再轉 14 座小巴入去o既,
最有印象就係每次入到去動物園都一定會去睇隻大象 "天奴",
仲會買香蕉餵佢添, 亞嫲都話呢隻大象好懂人性,
不過可惜呢隻受大小朋友愛戴o既大象後來因為急性肺炎而去世,
而荔園呢個地方依家亦只可以作為童年回憶咯...
聽完 Super Bus o既一段故事, 我地就來帶大家欣賞呢架巨龍o既風釆啦~!
証書編號 0033, 全球限量 500 架, 另有 1A 同 43X 路線選擇
正式落地!!
下層車窗頂部o既入風口, 正係配有風機o既巨龍 12m 特色之一
雙龍出海
荔園同九巴 12 米巨龍, 兩者都已經成為歷史, 只有 6C 路線依然存在
小劇場 XDD
一把有麻帆良市鎮山之寶之稱, 號稱號令天下, 唯我獨尊o既屠龍刀被人偷走!!
另一方面, 初音返到車廠, 準備開始佢o既工作
(初音) 啦啦啦, 啦啦啦, 鬆一鬆, 甩下葱 (唱緊佢最拿手o既甩葱歌)
(初音) 呀哈! 呢架就係傳說中o既九巴o既 12m 巨龍嗱?
個尾咁咁咁咁咁咁長, 果然係名副其實o既龍尾呀~
初音低頭睇睇, 見到地下有把大刀...
咦, 睇真D, 點解把大刀睇落咁熟口面o既? 唔通...
初音呢排迷上左金庸o既倚天屠龍記, 見到把大刀, 一時興起拎起把刀...
(初音) 哈哈哈哈!!!! 武林至尊, 寶刀屠龍, 號令天下，莫敢不從! 倚天不出, 誰與爭鋒?
呢個時候一把神秘之聲突然出現
(神秘之聲) 斗膽丫頭!! 竟敢拎住屠龍刀o係度扮大亞姐亞支亞佐, 看我o既依天劍啦!!
言訖, 神秘之手手持大大大大大大刀出現, 一劍劈落初音個頭度
劈完, 神秘之手隨即消失...
幾分鐘後, 警察到場...
(警察甲) 咦? 呢個咪係初音? 做乜有把刀o係身邊o既...?
(警察乙) 等陣! 呢把咪就係市長拍哂鑼打哂鼓話要揾番o既屠龍刀? 點解會o係呢度o架!??
(警察甲) 唔...唔通初音佢......
(警察乙) 唔好理咁多住, 即刻向上鋒通報, 將初音送院兼拘留調查,
仲有通知市長同各單位, 揾到把屠龍刀
(警察甲) 了解!!
Thanks for reading~ |
|
發表於 6-12-2010 16:27:10
樓主