本帖最後由 Toro 於 3-11-2010 03:28 AM 編輯
我都認為罷食不是長遠之策，亦唔係希望靠呢D行為去解決成件事。 我認為，行出黎做呢個行動既人，都唔係短視或者圖一時三刻快感既。 佢地係希望再次高調反映畀市民大眾睇，底層生活慘況已去到──刻不容緩地步！
鋪租問題真係香港超煩腫瘤，比人工更可怕，香港做唔成生意，8成以上都因為畀唔起租。 以前屋村商場係唔少鋪仔既安樂之地，市民可以小本經營生意，最少唔使捱貴租，小市民可以享用較平價既服務。 但最終呢D好處係邊個放棄架？咪就係小市民LAW。
佢聽錯信D高官大粒，所謂資本主義、自由市場，買股票人人會發達，只係D有錢佬搞出黎壓縮小市民既玩意。 最終，領匯有冇肥到小市民？少少啦，但最肥一定係高官大商家；小市民？又因為小康小利中招了！ 而家，已經唔可以單靠政府去解決所有問題，放眼盡是死路一條，香港人，一定要行出黎做D野！
香港社會風氣向來唔主張正面抗爭，大家都抱住"唔好阻人搵食"既信念，係香港人勤奮同接受現實頂硬上既傳統信念，VERY GOOD！ 但正因為咁，香港係唔流行工會呢樣野，因為會畀人覺得”有破壞冇建設，阻人搵食”！ 去到而家出左事，勞工就冇保障了。以往大家有錢齊齊搵都仲OK，細心睇近十年，乜野風暴、海瀟，喂最終我見唔到D有錢佬身家少左，相反我地仲捱緊個幾年既扣人工（未加返）。 政府做乜？佢地帶頭同商家合作恐嚇中產，搞分化，中產VS窮人、本地舊人VS新來港同胞、舊本地人VS90後新香港社會人， 令佢地覺得，自己既利益畀”冇用既新一代90後”、”唔做野既新移民”吸走。其實佢地吸得幾多錢呢，我敢話香港9成資源都係畀有錢佬蒸發左，而唔係用左去救窮人。 其實，個批有錢個批人，人數只不過係香港100分1都唔夠，如果其他99%市民同心合力，跟本可以推翻好多不合理既事，好多野係搞得掂， 但佢出動到社會分化，話窮人連睇醫生都冇錢架，用晒你地D稅金呀！90後冇用呀，香港冇將來啦！就係想中間個批，全部傾向近政府。 呢D中產好多道理，但其實唔知自己畀人利用緊，其實你而家都見啦，大量需要用者自付既醫療、退休計畫，愈來愈少既市民福利，愈來愈買唔起既香港房地產， 好快香港人就會發現自己同領匯買家一樣，因個人眼前小利，以為有SO，其實最終會自食其果。
自問仲可以獨善其身，大條道理話為小市民長遠福利著想，叫人唔好行動既所謂好人，你地今時今日仲可以享受人生，當然可以客觀； 當你搵4千幾一個月，做又死唔做又死，坐屋企領救濟金又不甘心，仲點可以唔主觀？ 唔好信D有錢佬吹水，唔使理D背後大道理，已經去到死路一條，點解唔可以行出黎行動，去表達自己？爭取應有福利？ 有句說話係他朝君體也相同，咪以為今次未玩到你地，就可以永遠安穩。資本主義推崇既人性貪慾係無止盡架，終有一日燒埋你。唔好再咁自私，認為人地死好過自己死。
再多談就去到討論政治，呢度好似唔主張論政治，我就咁算了。罷唔罷食係個人取向，我就盡力啦，冇得揀時都要食，有得揀就一定唔食。 | 
樓主: MKLO
發表於 2-11-2010 12:40:34
