|
本帖最後由 iorik 於 22-8-2010 01:38 PM 編輯
VINCENT(文森) - 如冇記錯的話應該係CODE GEASS R2第一部出現嘅新機體，金色襯紅色嘅配搭非常搶眼，其外型跟初代LANCELOT(蘭斯洛特)好相似。
VINCENT嘅駕駛員叫羅洛，一個擁有GEASS能力，能將自身一定範圍嘅時間作有限度嘅停止。
自魯魯修被佢生父(不列顛國皇查爾斯)洗腦之後，查爾斯為防有一日魯魯修會恢復記憶，於是安排羅洛留響魯魯修身邊假扮其細佬作監視之用。
可是諷刺嘅係羅洛身份被魯魯修識穿，唔單只冇完成任務，最後更係為咗幫魯魯修逃走而過度使用GEASS致死。
講返件玩具，我覺得玩具出得比動畫更靚更型，不過定價好似貴咗d，同LANCELOT CLUB相比，VINCENT嘅配件唔係話多好多，
價格嘅分別可能係有翼同冇翼嘅關係啦!!!!!!
內容都算齊全，機倉可以打開，動畫中有出現過嘅設備都包括到。
手肘灰色部份可以拉出，不過我完全記唔起喱個部份有咩用。
兩側肩膀部份有parts替換，一個類似電眼嘅物體，同樣地，我又唔記得咗有咩用，相信係作偵測用掛。
雖然ROBOT魂CODE GEASS系列都做到好接近原著，但唔知點解d關節位比起GUNDAM系列係鬆好多，以致擺pose有d困難。
最嚴重可算係LANCELOT ALBION(蘭斯洛特 - 亞比安)，最實嘅就係紅蓮聖天八極式，今次隻VINCENT算係中規中舉啦。
羅洛響動畫中唔算重要，難聽d可以叫小角色一名，因而連累到VINCENT嘅出場機會都唔多。我幾鍾意VINCENT喱個機體，真係可惜。
神虎同文森嘅對決響動畫中好似冇出現過，咁就等我自製一下啦。
GEASS發動!!!!!!!!!!!!!!!!
題外話: 其實單單以實用性嚟衡量，我覺得羅洛嘅GEASS係無敵，若以動畫裡所描述嘅科技而言，KMF嘅對決於1-2秒間足以定勝負。
而羅洛嘅GEASS就正正可以將喱重要嘅1-2秒停止，我諗唔到有咩理由會輸。
畢竟動畫嘅重點唔係放響羅洛身上，但如此閒角竟擁有咁強嘅GEASS又有d矛盾，可能作者都有考慮到喱點，索性將羅洛停止嘅時間同佢停止心跳嘅時間掛鉤。
即係停幾耐時間就停幾耐心跳，咁就大大限制咗羅洛其GEASS嘅能力，亦正因為咁，羅洛為咗要拉長魯魯修同敵機之間嘅距離助佢逃走，雖然成功，
但因過度使用GEASS以致心跳停得太耐，最後含笑而終。以上都係我個人揣測!!!!!!!!!! | 
發表於 22-8-2010 13:35:08
發表於 22-8-2010 16:33:12
樓主
