可否支持朋友，請投票

七國咁亂

小弟嘅朋友好唔開心，問佢發生乜野事，原來朋友因讀書關係，搬到舅父舅母家中暫住。朋友本身都喜愛玩玩具，最近買咗兩盒心愛嘅玩具回到舅父舅母家玩…




朋友越玩越鍾意，認為巨靈神黑魂係合金魂嘅代表，而蝙蝠車嘅構造細緻可稱得上藝術品，覺得玩完放番入盒好嘥，所以想將呢兩件玩具長期display喺廳嘅電視櫃上，但遭到舅父舅母家人反對太阻啶，但朋友話佢有玩玩具嘅自由，佢只係展示兩件玩具比自己或朋友欣賞，覺得舅父舅母家打壓朋友，要求小弟帶埋各方好友到佢舅父舅母家聲援支持，小弟覺得朋友好似好合理，但又好似有啲唔妥咁，一時間都唔知點決定好，所以想問問各位brother比啲意見比小弟…

P.S. 不喜勿覆，不要爭論:77::77:唔該唔該

sdmiracle

間屋又唔係佢既.... 真係唔係幾好
你帶成班人上去一下唔好彩佢地真係親戚都無得做

暗黑王風雷

如果我係佢舅父......會請佢擺返係自己屋企......如果唔喜歡, 請離開.

btw, 你朋友幾多歲?

beehive

任性的一代 ! :63:

roystoy

如此貴重, 珍貴, 心愛的玩具, 一個晤小心比舅父舅母整跌整爛, 我想你個friend發瘋都似; :angry:
所以, 都係返自己屋企至大玩特玩:67:

Toro貓

問題唔係佢有冇玩玩具嘅自由,而係寄人篱下始終要尊重下屋主,
人家給你暫住係因為方便你讀書,唔係為左俾你係度玩,帶埋大班朋友回家玩.
如果係我,我會覺得唔好意思,同埋唔會帶朋友回[家],始終唔係自己地方.要檢點些.
所以忍耐一下吧.再唔係買左既有時間就搬回家.
都係果句,唔係自己地頭,如果屋主唔中意都沒有辦法

Garycharm

因為讀書，
搬去人地屋企，
去到人地屋企，
想擺兩件玩具o係人地個廳，
呢兩件玩具，仲要 handle with care  o既，
人o地唔想，
你話要帶call 班 friend 去撐場..........


亂兄，唔知我係咪多心，
留意時事，
我忽然覺得你想玩「暗串」.....

bananaman

因為讀書，
搬去人地屋企，
去到人地屋企，
想擺兩件玩具o係人地個廳，
呢兩件玩具，仲要 handle with  ...
Garycharm 發表於 5-6-2010 00:28

x2
樓主個故事有啲政治意味:58:
不過睇件事，我都唔支持你個fd
第一，你係去讀書，唔係去玩；
第二，果兩件野打得爛嘅，如果打爛左，你賴邊個；
第三，間屋係舅父舅母嘅，佢唔歡迎你地一大班人上去，報警告你地嘅話，呢啲叫非法集會

magiam

真係唔明你朋友點諗:?
就算自己屋企，咁大件嘢放係『公用地方』，都要諗吓會唔會影响家人，做人唔可以咁自私。

323

梗係要放哂出黎啦（你朋友心諗！）在你朋友生活中玩具係第一，讀書可能係第二，舅父舅母唔知排第幾，所以使乜理佢地兩老點諗嗟，最緊要玩具！
其實真的唔使理送玩具比你朋友果個人有乜目的嗎？...........因為有D玩具唔係一出世就岩玩，要個人大過左成孰D先適合玩的....如果唔係都幾危險！我識得一家姓 「蘇」的北方大家族，八十年代有人送左一件玩具比佢地，結果頭「家」散哂！屋企人分哂D家產仲互相毆鬥.......最慘係D子子孫孫捱餓捱左好多年.......至於送玩具果位就襯佢地頭家散哂之際羅盡著數仲話哂事啦！咁其實七兄你朋友夠成孰懂得玩具未架？

七國咁亂

回復 10# 323
小弟以為我好高，原來brother 323仲高:71:

暗黑王風雷

而家d年青人真係唔可以得罪.....

開始好有紅兵味道.....

貨車仔

:57:將呢兩件玩具長期display喺我屋企啦..........
(:38:我都係覺得你「暗串」..... )

beehive

...........原來如此, 如果是真人真事, 那你朋友就有點 "唔識做" 了。
我有一朋友, 情況跟你這朋友類似。 在某個日子, 他想放置他表姐生前送給他的兩隻扭蛋於自己房間作為悼念, 但舅父母唔准任何人提及他表姐, 結果沒收了兩隻扭蛋。 舅父母認為這兩隻小小扭蛋非常 "un" 眼, 好像你朋友把巨形蝙蝠車display喺廳一樣, 還叫我朋友不准再提起他表姐。你話係唔係慘過你朋友!

手榴蛋包飯

如果屬實, 那位朋友還是把那件珍品收起來吧. 始終是寄人籬下...