少女，少年漫畫都傾。日漫討論區。（新作推介：進擊的巨人）

CIIA

原帖由 原罪 於 15-12-2009 12:42 AM 發表


:ar: 大劍只是女性版烙印…
相比起來，烙印戰士才血腥。

烙印係自己最愛三甲漫畫:71: 正到爆！

其實好大分別的:71:
可能大家已經忘記左男主角:71:

CIIA

原帖由 原罪 於 15-12-2009 12:43 AM 發表

:77: 丙叔，我開始講少年、青年漫畫啦。多d入黎睇下啦。

到開始講成人漫畫,丙叔至會入黎睇下:71:

原罪

最愛既「烙印戰士」終於出左34期單行本啦。:43:
今期劇情唔講住啦，費事劇透被人鬧！:77:

講下對呢套作品既感想應該無野掛:58:
喜歡！喜歡到有粒金屬既貝克萊特，仲有膠既貝克萊特，仲有啟動版。
臨終個日都諗住帶埋去…:34: 睇下做唔做得成使徒…:he: （唔係被初號機暴走食左個d呀！:DD ）

好！發完癲，:78: 正經咁講下。
呢個作者三浦建太郎老師，可算不斷進步（好幾喜歡睇到作者既明顯進步，例如井上雄彥老師），如果各位家中有一套，
留意初期格斯把劍，係無咁明顯既重量感，到黃金時代篇完左，黑劍士再現，你會見到好明顯既進步。
使用咁大把劍，都會覺得合理好多，當然睇完黃金時代就更加明白點解主角無得掂把咁誇既劍。

佢寫故事亦有一手，當日覺得，只係一另一套北斗，一個無敵主角點樣殺妖魔…
點知…我錯啦！:sad: 中計啦！主角唔無敵架，有血有淚:$
故事突然轉向主角的少年時代，另一主角登場「格里弗斯」:!
主角點樣攪到開場咁？又脾氣暴燥，但又不失良知？
獨眼加獨臂？卻全身滿佈武器呢？

「黃金時代」就解釋哂:74:
而當然好想佢講返現代啦…但佢由第四期…一寫過去就寫到13定14期先去返黑劍士篇。
而「蝕」那一集，我睇左好多次。
太震撼啦:time:

好書:$
現在發展被小弟批中，格斯正享受「蔡欄嘆世界」既妖精國之旅…真係唔知主角幾時返。
返到黎…我覺得係一般人心中（書中人）…佢已經係一個大奸角:oh:
總之強烈推介！:71: （p.s.請年滿18歲先睇。及呢套作品唔止灰，係要用黑暗去形容。請作好心理準備）
（補充一點，故事中既巴克，可算係平衡格斯既人格黑暗，同故事黑暗既重要角色，當得知動畫版cut左巴克…雖然配樂同畫工都好得…不過我覺得佢掌握錯左個神緒…:42: ）
烙印中有幾個疑問，同朋友都無共識。各有睇法，唔知各位又點睇？
1.格斯其實係格里弗斯心中，係咪格里弗斯口中咁，只係跟隨佢夢想既人？唔係「朋友」？
2.個獨眼bb怪物，係格斯既仔？還是格里弗斯既仔？還是格斯既仔受左魔氣變左怪物？
3.蛋形使徒發動的模擬蝕，點解會令格里弗斯「受肉」，得回肉體？而點解又會用左個獨眼bb做材料？

:44: 你地對以上三個問題有咩睇法呢？

原罪

而仲想講下關於烙印戰士，我覺得有d作品同佢有d相似。
有d係畫風，有d係風格。
先講作品名，其他遲d再寫。
1.多羅羅
2.拳鬥暗黑傳
3.大劍
4.魔域英雄傳說

:36: 遲d再傾。

[ 本帖最後由 原罪 於 2-1-2010 04:48 PM 編輯 ]

原罪

原帖由 原罪 於 29-12-2009 01:20 AM 發表
而仲想講下關於烙印戰士，我覺得有d作品同佢有d相似。
有d係畫風，有d係風格。
先講作品名，其他遲d再寫。
1.多羅羅
2.拳鬥暗黑傳
3.大劍
4.魔域英雄傳說

:36: 遲d再傾。

先講手塚大師既「多羅羅」先。
當然多羅羅出現得比烙印更早…如無意外，烙印係有「參考」過。
（當然係小弟自己推測，無跟據既:38: 或者你地問下三浦建太郎老師啦。）

主角：一樣寡言，同樣係唔健全人仕。身體各部份裝上武器。
主題：一樣係同非人生物戰鬥，係關於復仇既故事。
配角：一樣係一個多嘴的小不點。

當睇多羅羅時，真係好難唔覺得有d相似。
當然兩套書出黎效果差好遠。
始終對像唔同，烙印比較成人化。

katoributa

好不滿！今期烙印真係好多跨頁，一段無乜內容既故事（雖然重要）又變成一期書，真係同強殖裝甲有得揮。劇情進展真係太慢，差D唔記得D劇情。下期開始睇來都有點進展了。

原罪

原帖由 katoributa 於 30-12-2009 09:27 AM 發表
好不滿！今期烙印真係好多跨頁，一段無乜內容既故事（雖然重要）又變成一期書，真係同強殖裝甲有得揮。劇情進展真係太慢，差D唔記得D劇情。下期開始睇來都有點進展了。

如果要睇格斯…我諗分分鐘要等多一集:oh:
今集點算無內容？
意境同畫面既精細，真係嚇死人。
劇情今集好似無咩推進，但真係好重要。
剩係人同使徒既關系，係格里弗斯既手中點樣轉變已經精彩。

katoributa

原帖由 原罪 於 31-12-2009 01:35 AM 發表 如果要睇格斯…我諗分分鐘要等多一集:oh: 今集點算無內容？意境同畫面既精細，真係嚇死人。劇情今集好似無咩推進，但真係好重要。剩係人同使徒既關系，係格里弗斯既手中點樣轉變已經精彩。

無疑係畫面真係好精細好精彩，但當十頁有九頁係咁既時候，個種震撼絕對被自己打折扣。:77:

吉野凜花

見到有post上來support一下~

講開少女漫畫,小學時代曾經睇過Clamp的魔法騎士,
呢個都係我對於Clamp的第一個認識~

不過,近年來因為我的‘興趣'需要而多睇少女漫畫
最注目的是Peach-Pit這組合,她們的作品(Zombie-Loans,薔薇少女,守護甜心)都未令我失望過:71:
單看守護甜心的畫集及扭蛋都被抄高+斷貨就可知一二了^^

不知各大大有甚麼意見?

原罪

原帖由 吉野凜花 於 1-1-2010 01:49 PM 發表
見到有post上來support一下~

講開少女漫畫,小學時代曾經睇過Clamp的魔法騎士,
呢個都係我對於Clamp的第一個認識~

不過,近年來因為我的‘興趣'需要而多睇少女漫畫
最注目的是Peach-Pit這組合,她們的作品(Zomb ...

多謝介紹。
peach-pit這作者一直想睇，但一直未睇…可能因為畫風太可愛，我有點受不了:35:

少女漫畫，近期比較喜歡的新作者，首選「蜂蜜與四葉草」「三月的獅子」那位。羽野田老師。

原罪

原帖由 katoributa 於 1-1-2010 08:55 AM 發表
無疑係畫面真係好精細好精彩，但當十頁有九頁係咁既時候，個種震撼絕對被自己打折扣。:77:

:44: 你咁講都有道理既…

吉野凜花

不妨看看吧^^保證有驚喜:61:

katoributa

原帖由 吉野凜花 於 1-1-2010 01:49 PM 發表 見到有post上來support一下~講開少女漫畫,小學時代曾經睇過Clamp的魔法騎士,呢個都係我對於Clamp的第一個認識~不過,近年來因為我的‘興趣'需要而多睇少女漫畫最注目的是Peach-Pit這組合,她們的作品(Zomb ...

魔法騎士擺明係因動畫而催生既漫畫，與真正既clamp是有一點點距離。clamp既作品，個人就鍾意東京巴比倫，很有日本既淒美。

katoributa

原帖由 原罪 於 29-12-2009 01:18 AM 發表
烙印中有幾個疑問，同朋友都無共識。各有睇法，唔知各位又點睇？
1.格斯其實係格里弗斯心中，係咪格里弗斯口中咁，只係跟隨佢夢想既人？唔係「朋友」？
2.個獨眼bb怪物，係格斯既仔？還是格里弗斯既仔？還是格斯既仔受左魔氣變左怪物？
3.蛋形使徒發動的模擬蝕，點解會令格里弗斯「受肉」，得回肉體？而點解又會用左個獨眼bb做材料？

原大大提出問題其實好值得討論，不過因為忘了很多情節，於是想了又想，如果用咁既角度來睇，又會係點呢：
格里弗斯可以話係舊鷹之團各人心中既一個理型，當然，領袖都係有呢種魅力先會有人追隨，但我相信格里弗斯既理型係非人化的，他實在太過「完美」了。
就算係作為讀者，亦會被感染，他亦是讀者心中的理型。所以當他受刑時，我想連讀者都會感到痛心。（所以在pulp fiction中，肥尊既死真係幾入骨架。）
作者將一個接近神既人物，狠心地一下子從人生最高峰打入地獄，可以話係前期故仔既一個重點。後來佢變成使徒，到目前為止佢既目的雖然仍然係謎，但個種震憾就無以前咁強烈，或者係因為佢真係走入了魔道，不再是人了吧。
我想，在舊鷹之團時，佢會當各人係兄弟。但現在既然變成神了，層次不同了，夢也不同，就連佢對以往既自己，亦看作只不過係一場夢而已。

原罪

原帖由 katoributa 於 1-1-2010 09:37 PM 發表
原大大提出問題其實好值得討論，不過因為忘了很多情節，於是想了又想，如果用咁既角度來睇，又會係點呢：
格里弗斯可以話係舊鷹之團各人心中既一個理型，當然，領袖都係有呢種魅力先會有人追隨，但我相信格里弗斯既 ...

多謝你有誠意既回覆。
:64:
你既角度都好值得討論下。
首先佢唔係普通使徒，佢係用紅色貝克萊特變既神之手「費蒙特」。
級數唔同，係魔。

而仲有好多唔同之處，佢成為費蒙特後，係唔同使徒，要特定環境先出現。
要現實同幽界好接近先會出現。例如「蝕」。
而且應該無肉身，但又影響到現實世界，接近無敵。

但佢現在「受肉」了。用左個bb而變得有肉體。

而一切既起因，係蛋形使徒。
蛋形使徒既願望係「改變世界」，
而格里弗斯係一個應該改變到世界既人，如果無因格斯而令其不冷靜。

所以令格里弗斯重現人間，我覺得可以等同「改變世界」。
而格里弗斯一直既願望，係作品中都有講過，係建立自己既國家。
要成為「城堡」既主人。

佢「受肉」後，講過，佢既目標無變。

唔知你覺得我理解得有無討論下既地方呢？:77: