路過.........
有一次去見一個客,個客都成40張野有多,
佢係一間製藥廠既老細,子承父業果隻.
我同佢好岩傾,佢未接手藥廠生意時,係響美國玩開藝術既,
成面鬍鬚,一路隊住草一路整住一堆大家認為係垃圾既野.
由客變成朋友,我成日走上佢藥廠到搞一堆垃圾 xd
有次響公司做得唔開心,同佢呻話唔開心,覺得自己打既工同興趣唔同好辛苦,
跟住佢講左番我哩世都記得既說話......
佢話你打工只係為左賺錢,而你賺到既錢係為左養活你既興趣.
好似好簡單既說話,但真係令我茅塞頓開.
冇錯,點解人要食要玩,因為自己既興趣可以令自己開心,
但要支援興趣就需要金錢,要有金錢就需要工作.
打工唔係主要,賺錢唔係主要,最主要係點樣將辛苦賺返尼既錢去養活自己既開心.
玩具又好,打機又好,拍拖又好,結婚生仔又好,北上搵阿二陪訓都好,
佢地先係一個「主要」.
好多人將打工,賺錢混為一談,所以我成日都話依家既香港真係變得好勁,
以前既人辛辛苦苦打工賺錢返到屋企,見到堆仔女已經好開心好滿足,
係,時代係會變,人既需求會變,
但千變萬變,點變個「基本」都唔會變,基本就係用辛苦賺返尼既錢去換自己既開心.
之前有人討論禮貌問題,又話咩為左自己既方便,又話咩講左唔該人地都唔會借開俾你行,
響我眼中哩d全部都係歪理,方咩便借咩開姐,禮貌就係禮貌,就係個人品德既問題,
亦係依家d人成日講既,你有冇品呀.........?!
萬變不離其宗,希望樓主知我講乜啦~ |
樓主: fairytales109
樓主
發表於 3-9-2009 19:25:43
