Metal Structure Sazabi Optional Part

clpcmt

個個掛住玩死神，咁我開隻Metal Structure Sazabi嘅Optional Parts，盒size細GN Arms少少，打開之後會發現有雪梨紙包住彩盒，開盒會有兩大吸塑一高一扁，玩慣咗MB突然間玩M S覺得所有parts超級巨大

今次主打係試作型fin funnel containers同long rifle，支long rifle可以拆散放喺新嘅支架上面，我覺得造型幾纖長同型仔。仲有多支槍管，可以同原本嗰支槍結合。另外仲有一個可以放逃生倉嘅座。今次有兩個電源補充器連接八條輸電管，可以接駁Sazabi機身後面裙甲上面，但我唔係好摸到嗰個安裝位置，所以就咁放咗喺度

最後就係嗰個可以發光嘅升降架，同埋新加4個人仔，應該以馬沙着戰鬥服，同埋姬絲最為吸引。

講完今次嘅配件，講吓我玩後嘅感受，始終Metal Structure唔同Metal Build，MS主要擺喺度做展示居多，而MB我會扭幾扭，然後都係擺喺度做展示居多。因為每次玩MS都幾要用體力，加上已經放咗入盒，要調整角度更加困難。今次加咗新配件之後，原本安裝個盒60 cm W×60 cm L×60 cm H已經開始唔足夠，如果你要買嘅話建議買個80 cm W ×80 cm L ×60 cm H嘅，預埋之後仲有唔知乜嘢嘅擴充。呢隻實在太大，真係苦惱點樣安置好佢，有冇其他師兄都開咗呢盒裝埋上去？求支援問題解決方案

熱狗OO

你個玻璃箱係訂造?