海洋公園宣傳『海洋公園 x 高達之父「大河原邦男50周年展」』活動被多方指出安排不當，引起嘉賓不滿。活動邀請了香港知名漫畫家、動漫及模型KOL和媒體記者參加，但交流活動變成粉絲排隊索取簽名，導致公關災難。受邀嘉賓如漫畫家邱福龍、司徒劍僑，KOL「希治閣-遊戲情報科」等等，均在Facebook上發文抱怨活動安排不當，如嘉賓要在雨中等候入場，交流環節無法與大河原老師單獨合照等。另外，小編當然有向相熟的記者行家朋友，以及KOL及業界朋友查詢當日情況，亦都一面倒大罵當日安排不周的問題。當時小編也向海洋公園有關方面，以及向公關公司奧美，查問事件及有何回應。
亦有自稱記者行家在FB發表回應，指出現場工作人員態度惡劣，最後更被爆粗問候娘親對待。
相熟記者行家 + 其他 KOL 的遭遇及意見
另外小編亦向自己相熟的記者行家及其他KOL查詢「大河原邦男50周年展」Media Preview ，以及「大河原老師見面會」當日採訪時的遭遇或相關的實況，以不記實名方式提供資料，詳情如下：
記者A先生：情況同各大KOL，名人講既一樣喇，真係安排得幾差的，順行完一轉出口位就會收記者牌叫你走。
記者B先生：傳媒時段請咗大河源老師嚟，本身話係交流會，跟住最後變咗叫你地排隊問佢攞簽名。
記者C先生：傳媒入去順方向兜完圈，話想行返轉頭影相，佢話唔俾行返轉頭因為係規矩規定。而想出返去喺入口再入返去佢都話唔得，佢話出咗去唔俾再入，除非有入場券。(喂，傳媒喎。)
KOL D先生：之前有一間Agency有人聯絡我，收廣告費到場拍攝；但之後無左聲氣；之後由另一位公關公司既人再聯絡我，問我可否作為媒體記者身份出席，但拍攝時間改為Open to Public當日的前2個小時，由於安排的日子已是公眾人士入場日子，就算做好條片出街都已經太遲，所以我便決定不去了。
KOL E先生：我想講下我個人睇法，搞呢類動漫show見你哋嚟呢班人覺得你哋死毒L或者咩咩達人咁，就第一下已經睇唔起你哋，唔當你係野。即係幻想下如果佢今次唔係高達show，係搞個可能張國榮逝世20周年展覽之類，又係請傳媒請artist，就肯定唔會係呢種態度同做法。 (此乃 KOL B 先生的個人意見發表，不代表本網立場)
玩具界業內人士 F先生：PR活動前拜託我幫忙俾意見或者搵展品搵人之類，幫完手之後話送兩打入場券俾我當報答下咁，然之後臨開幕之前無端端要求話嗰兩打入場券淨係可以比業內有名有page嘅人。於是我就拒絕要呢啲入場券。
樓主: 熱狗OO
發表於 3-4-2023 19:02:30
樓主
