買玩具真係訂又死唔訂又死

guyxyz

話說我之前喺孤仔訂過幾次玩具都好順利收到貨，但今次就好似出事了。
喺孤仔度訂咗個女figure，佢有日版同行版之分，喺孤仔度只有行版所以就訂行版了。
最近隻figure喺4月27日出貨了，我上網check過台灣果邊嘅代理版4月28日已經到貨，而香港有人自己上日本官網訂嘅日版都已經喺5月頭收貨了，但我訂嘅行貨版就等咗2星期都無消息，所以我喺孤仔嘅facebook專頁度問一問，問之前我估個答案多數係未到(疫情關係)，點知得到嘅回覆竟然係查唔到我張單嘅number…
之後我影埋張訂貨單send比佢睇，結果就等咗2日都係已讀不回…
而家買玩具唔預訂的話好大機會要食炒價甚至買唔到，但訂咗有問題又係煩…
純粹發洩一下內心不滿同擔憂。

lagann

goodsmile嘅?如果係嘅話聽聞係轉咗代理，新代理唔跟官方派貨日派，積埋一堆先派，有機會遲一個月先有行版

mushroom

都無計了，但我印象孤注服務都好正路，你有單不如拎去問

guyxyz

lagann 發表於 14-5-2022 02:49 PM
goodsmile嘅?如果係嘅話聽聞係轉咗代理，新代理唔跟官方派貨日派，積埋一堆先派，有機會遲一個月先有行版 ...

原來轉咗代理？
其實遲都無乜所謂，只係佢比個咁意外嘅答覆我之後2日都已讀不回就真係…

今日我再追問之後總算回覆了，但經過今次真係對呢間舖有點失望。

TKCanthony

孤仔算係最有信心保証個間來了
讀書幫襯到宜家
我幫襯過既鋪頭入面唯一一間冇貨畀會主動賠雙訂仲送優惠卷既鋪頭

其他鋪頭出事冇貨畀都淨係會退訂
試過有間仲夠膽死同我講「哈哈唔好意思呀我地訂唔切 如果再開會再幫你訂返」
唔追問佢佢真係唔諗住退訂

Lucifer

孤 比起其他已經很有保証了.
有時候他們可能比較忙吧？一，二天沒有回覆就再call 佢地 或 直接取單去問吧.
間中網上訂購也有這情況.

沒有貨俾就幸好暫時未試過，但是曾經試過figma 訂了特典版而沒有特典俾，賠訂之餘 還送上沒有連特典的該款figma .

GSC 近期確實有點遲，對上取figma 長門改二 也遲了差不多半個月.

曾經試過另一家訂figure , 當時見該貨週街有貨了，問該店近一個月也只回覆未到貨，幸好那次遇到一位強勁網友，那網友直接自己問生產商，問完數天就突然有貨了…

CAR9889

我在孤仔買東西，每次都收到貨。最差一次是1set扭蛋內有2隻相同， 之後孤仔都幫我跟好。未到貨都應該是時間問題啫。

guyxyz

其實只係因為佢頭一次覆我時話查唔到張單，之後又已讀不回所以先令我擔心，因為果張係電腦單，理應輸入個單號就查到。
但若果連孤仔訂都出事的話就只能認命了