|
|
|
(麻帆良市時報記者鹿目まどか報導)
因應 1980 年代港英政府時期嘅運輸司對日後香港公共交通發展所發出嘅指引,
同埋當時對巴士長度限制嘅放寬, 香港首度出現車身更長, 載客量更高嘅 12m 三軸雙層巴士,
以應付日後新市镇發展所帶來嘅巴士服務需求, 其中九巴喺 1982 年引入第一架 Leyland Olympian 12m,
配有由 Eastern Coach Works (ECW) 提供嘅三門車身 (車隊編號 3BL1), 包括上車前門同兩扇落車車門,
以提高巴士乘客嘅上落效率, 呢架 3BL1 使用 Leyland 原廠提供嘅 TL11 Turbo 引擎,
連接同廠提供嘅 Hydracyclic 5前速自動波箱, 而且兼附有中軸嘅 "八爪魚式" 轉向功能,
以減低巴士喺轉向時底盤所承受嘅壓力而變形嘅機會。因為佢地嘅高載量同運作表現令九巴感到滿意,
九巴喺 1983 至 1986 年間一共購入 162 架輛12米三軸巴士 (3BL2 - 163),
呢批巴士下層設計有較多嘅企位空間, 再加上上層使用 3+2 座位格局,
令佢地擁有高達 160 多人嘅載客量! 三門設計亦成為呢批巴士嘅標準,
但係引擎就改配以 Gardner 6LXCT 引擎, 連接 Voith DIWA D851 三前速自動波箱,
以方便日常保養同維修。因為佢地嘅高載量, 因而成為海隧線全空調化前嘅主力,
亦可見於市區同新市鎮, 例如沙田一D客量需求較高嘅巴士路線擔當吃重角色。
隨著車齡增長, 加上新式嘅空調雙層巴士投入服務,
呢批巴士亦喺 2000 年代初開始陸續退役,
最後喺九巴車隊服役嘅 Leyland Olympian 12m 巴士, 亦喺 2003 年退役,
部份巴士退役後被運往外地繼續行走, 亦有被編入九巴訓練巴士車隊,
訓練新進車長熟習 12m 三軸巴士嘅操控性。九巴喺 1986 年開始,
大量購買長度減少一米嘅 11m 三軸巴士, 強調佢地嘅操控性能比 12m 三軸巴士更加靈活,
同時又擁有不下於 12 米車嘅高載量, 令 12m 三軸巴士嘅數量比當時簇新嘅 11m 車大幅拋離,
直至 1994 年九巴引入 Volvo Olympian 12m 空調巴士 (3AV),
令九巴再度有 12m 新車加入九巴車隊, 但係已經改用雙門規格。
今日, 麻帆良市隆重歡迎 Leyland Olympian 12m 巴士登場!
今次登場嘅呢架車隊編號 3BL126 嘅三門 Olympian, 市長 Super Bus 話,
呢部巴士嘅車咀設計, 亦係九巴咁多款 Alexander 車身 Olympian 之中,
佢最喜愛嘅一款, Super Bus 仲話, 呢款巴士佢以前經紅隧過海就坐過唔少,
記得有一次由大埔坐 73X 再喺城隧轉 46X, 亦坐中呢款巴士,
不過佢話佢個人都係鍾情有風機嘅一批 Olympian,
"唔知佢幾時會出有風機兼大九巴 Logo 嘅 3BL 呢~?"
隆重歡迎! 九巴 Leyland Olympian 12m 三門巴士, 3BL126, 見參!!
證書編號 0116, 全球限量 900 架, 出得咁少, 難怪又爭崩頭,
如果呢架車行 116 就真係絕配, 可惜熱狗巴士配細九巴 Logo 嘅時代,
紅隧線已經一早全線空調化, 唔再有熱狗巴士行走咯...
正式落地! 櫻ミク又來了~
行 46X 嘅 3BL, 在下亦至少搭過一次
同 11m 版 Leyland Olympian 相會
就咁對比, 發現 46X 呢架做得比 81 號嘅神似,
81 號嘅明顯已經被比下去, 雖然今次 46X 呢架原來係由呢兩架十年前嘅舊模改模,
車頭亦非常之怪, 但係十年之後, 真係可以用脫胎換骨嚟形容呢架車,
更難得嘅, 係車身的確有加長左 -- 初出嘅 Leyland Olympian 12m 真車實際只有 11.7m,
後期嘅產品先至正式有 12m 長, 呢點亦可以由車身嘅第四隻車窗,
或者兩隻落車門之間嘅車窗表現出來
http://www.orientalmodelbuses.co.uk/Leyland/Olympian/38801.htm
http://www.orientalmodelbuses.co.uk/Leyland/Olympian/38802.htm
九巴嘅 12m 三軸三門巴士, 九巴最高峰時期一共擁有 188 架 Dennis Dragon 12m (未計首三架雙門版樣辦車)
同 163 架 Leyland Olympian 合共 351 架, 但係自 1986 年九巴開始轉訂 11m 版三軸巴士之後,
佢地就一直保持呢個數目不變
雖然今日 12m 三軸巴士隨處可見, 但係個人總係覺得,
不論係 Dennis Dragon 12m 定係 Leyland Olympian 12m 也好,
佢地總會比到在下一種 "氣勢", 係現今嘅 12m 三軸巴士都比唔到嘅,
單係佢地嘅高載量, 已經唔係今時今日講求坐得舒適嘅 12m 空調大巴所能相比
真車相片
Thanks for reading~ |
|
發表於 23-6-2013 14:46:28
