|
|
|
(麻帆良市時報記者 / 桜高輕音部記者平沢 唯報導)
Alexander Dennis 推出o既 Enviro 500 巴士,
相信無論大家係巴士迷定係普羅大眾都一定唔會陌生,
呢款被九巴命名為「超"直"巴士」o既車款,
o係香港廣受各專利巴士公司採用,
令呢款巴士o係香港o既數目達數百部之多, 真係可以話 "週街都係",
單係九巴同龍運已佔大多數, 成為 Enviro 500 o係香港o既最大用家,
踏入 2010 年, 龍運再有新 E500 加入,
配用 Euro 4 標準引擎, 其中有多部車身前方兩側更上有 2010 字樣,
以表示佢地係今年投入服務o既新車
今日, 麻帆良市亦接收呢架 2010 o既龍運 E500,
呢款令 Super Bus 情有獨鍾o既巴士, 除左係佢接收o既第二架龍運 E500 之外,
亦係麻帆良市第十三架 E500 巴士, 不過雖然 Super Bus 對 E500 咁鍾愛,
但係佢亦表示, 始終太多同款車, "就算你係幾咁鍾意一樣野都好,
比你見一次入一次, 到某一個程度你都會覺得厭",
佢又指出, 最近亦收到消息, 九巴將會推出另一架 E500 行 968,
"又出多架, 真係出極都唔厭, 上次架 ATEU1 我已經夠皮啦,
今次轉一轉路線又出多架, 一D驚喜都冇, 出下龜鐵中電拉花都好吖!"
表明佢唔會再入呢架 E500, 咁唔知呢架龍運 2010 E500,
又會唔會成為麻帆良市最後一架引入o既 E500 呢?
姑且勿論呢個問題, 今日本人就o黎到車廠,
帶大家一睹呢架龍運 2010 E500 o既風釆啦~!
附有水貼一張, 不過我都係唔會用
證書編號 0166, 全球限量 1600 架,
166...一碌碌......再入 E500 就真係唔慌唔比初音啄開一碌碌咯... [sosad]
正式落地! 小唯歡迎你!!
車頭o既路線牌硬係比人覺得好似有夜光效果...
留意上層車頭被巴士迷戲稱 "底褲" o既 Roadshow 同報站o既收納設計
右邊車尾太平門, 新巴士將會使用全玻璃設計,
o係緊急時使用車內附設o既救生鎚或者硬物打碎玻璃逃生,
取代以往傳統o既開關式太平門
睇到呢度, 以為裝漏左 Roadshow 電視, 揾番真車相對照, 原來真車都一樣係咁~
兩架記龍運 E500 相遇
龍運車隊
E500 大集合!!
小劇場~ XDD
新登場!! 田井中 律
小律今日要去輕音部同小唯佢地練習,
路過車廠見到呢架全新o既 E500 巴士, 頓時駐足審視一番...
(田井中 律) 咦~~~呢架巴士睇落幾正咁啵,
橙色拉花又夠 Sharp, 唔知幾時有得坐呢~~
就o係小律o係度睇睇下之際, 初音就o係佢後面出現...
(初音) 喂! 睇夠未呀死丫頭, 呢度係車廠重地唔好阻住本大小姐做野!!
(田井中 律) 嚇死人咩!! 突然間o係人地後面咁大聲喝人!
車~~唔睇咪唔睇囉, 妳做野好巴閉咩!!
初言行埋去架巴士度...
(初音) 又 E500?!! 呢個 Super Bus 真係冇有識死!!
我已經講過見一架拆一架, 今次我一定要拆散呢架巴士之後再揾佢啄開佢廿八件!!!
正當初音準備出手之際, 小律挺身而出意圖阻止初音
(田井中 律)有冇攪錯呀? 新車妳要拆左佢!?
o岩o岩至落地你咁做太過份啦~
(初音) 關妳乜事? 妳唔知頭唔知路最好就出少句聲!!
(田井中律) 嘿! 妳以為妳自己係乜水呀?! 想大我呀?! 我嚇大o架!!
妳夠薑咪郁我囉, 我未驚過耶~~咩呀? 拎住兩支大葱就當武器呀?!
我兩支鼓棍都硬過妳果兩棵葱多多聲呀~~~
初音勃然大怒, 一手推低小律!!
(初音) 我 XYZ 妳呢個白蘭地威士忌$T^&YURUYI!!!
妳係要挑釁我?! OK, You ask for it!! 咁我就成全妳啦!!
(田井中律) (掙扎) 嗚依呀~妳想點呀?!! 快D放手~~~
(某處傳出呼天搶地o既少女慘叫聲) 依呀呀呀~~~~~~~~~~~~~~!!!!!!
(女聲) 妳...妳搶左我支鼓棍想點呀?! 快D停手呀!!
嗚嘩...(已被消音)
(初音) 睇妳仲敢唔敢再挑釁我吖嗱!!
(田井中律)嗚嗚嗚~~~我唔服~~~~~~可惡~~~~~~我邊度邊度好痛~~~~~~!!!
小唯正去輕音部逃中, 見到小律比初音 Q 低...
(小唯) Oh my god!! 妳對小律做過D乜o黎呀...??
(初音) 唔關妳事, 我只係想同佢鬆下骨唧, 妳係咪都想試下~?!
(小唯) 唔...唔係呀, 我乜都唔知, 我走先......
言訖, 小唯即刻逃去無蹤...
無聊一玩, 不喜勿插, Thanks for reading~ ^^ |
|
發表於 20-10-2010 16:31:00