超合金SAZBI開箱
本帖最後由 clpcmt 於 28-4-2024 07:40 PM 編輯忍痛食炒都想買嚟睇吓，因為去咗福岡現場睇實物真係幾靚，雖然嗰兩隻大蟹鉗真係有啲難接受，但好彩呢隻有得砌返原本嗰隻Sazabi，所以唔影響購買嘅衝動，最多當嗰兩隻蟹鉗係贈品。
先講整體質素，以超合金系列嚟講算係上乘，同橫濱高達質素有得比，但論細緻度、可動性及可玩性，絕對唔及Metal Build系列，尤其是啱啱玩完隻Kampfer，絕對係冇得比。不過呢隻大大隻，仲要俾Kampfer高半個頭，睇落去（如果用原價嘅話）絕對值回票價，炒價就唔值。
原裝Sazabi得六粒浮游炮，光速步槍，光速劍、光束戰斧同埋盾，都係嗰啲玩法，冇乜特別，反而兩隻蟹鉗可以有唔同組裝方式，除咗當浮游炮放佢出嚟，亦都可以有組件將佢哋組裝埋一齊孖裝展示，另外可以擺喺背脊嗰度當肩炮，又可以插喺兩隻手度，成對鐵拐，呢個我覺得最型。如果加埋特效檢，就超級長，所以啲特效件玩完試完就擺返落盒。
我建議大家唔好去福岡旅行住，去嘅都唔好去Side-F，否則中毒嘅唔好怪我
忍到嘅可以等半年到一年應該會上pb，到時放假變返合理啲，就絕對值得買來玩，當然你唔介意俾多少少錢嘅，早買早享受都好嘅，或者睇我呢條片，睇咗當買咗，絕對歡迎，記得俾個like支持吓啦！
RlYgVDrPINg?si=C8F7Sn7mKeOUHHTu {:8_661:} c兄好捨得 好貴嘅龍蝦{:8_711:} 原價幾円？見鋪差不多4000找D⋯⋯ $4000唔值，不過有愛可衝 {:8_659:} 謝師兄分享, 睇咗當買咗. 收咁貴, 浮游炮竟然唔可以打開 睇幾條片都覺得呢隻野只值二千樓下, 色一般, 又膠, 玩性又低, 純以明星效應谷高餉價格premium
作為擺設的話, 佢眼燈係超失敗, 單眼機係要造到漆黑中一點紅光嘛, 你睇一開燈成塊綠色, 變左吉姆咁, 霸氣盡失, 都痴Q線, 喂, 唔識整放比大陸仔整喇, 遮光件都唔識用? 上市公司喎? 呸!
頁:
[1]