SHF【龍珠Z】菲利第二型態
菲利咁多個型態當中，我最喜歡係100%，其次就係今作嘅第二型態。整體唔錯，雖然高度比例唔係話跟足原著，但仍然感到壓迫感。關節鬆緊度適中，對越南製造有保留嘅人仕可以放心。
實物比想像中輕，如再重返些小的話手感會更良好，不過輕有輕嘅好處，關節負荷冇咁大，尤其係下身，變相令關節比較實淨。
今作前臂設計有啲特別，護甲可以旋轉，可以提高多一點趣味，亦對擺pose有幫助。
好耐無響TD見有師兄post 龍珠shf 開箱文，支持一下。 windowxp 發表於 22-4-2023 01:44 PM
好耐無響TD見有師兄post 龍珠shf 開箱文，支持一下。
多謝你。
你講嘅問題其實好早已經出現，大部份人只活躍於對件玩具未出前嘅評頭品足，或發表對現貨會否插水嘅高見，但對玩具分享興趣唔大，所以愈來愈少人分享係好正常。
不過喱個唔係討論區本身嘅問題，係大圍風氣下嘅受害者。 感謝師兄分享!
其實而家唔係無人share，而係情願放喺自己個channel，變相討論區就少咗好多分享post 謝分享,
呢隻好型, 夠高, 跟原設比例. 可惜第三形態個高度無端端走左去跟超個新設定
頁:
[1]