KO 及三方文哥
早兩日響主版出個post講文哥，意猶未盡，
o黎呢度講下第三方同KO。
話說我最早收o既KO 文係呢隻，黑色合金，（當時係由老友幫我o係大陸買，物輕情重，多謝晒）
大小和正廠一樣都係V Class 。記得只係三十蚊，已經驚為天人。
然後有朋友送我呢隻威將放大MP10，體積竟然大過 MP01，
結構良好、加長小腿改善比例。不過早前有版友講得好，如果入威將，建議都係入原色先。
紫色本來係EVA特別版，最靚係上面d 標誌。呢方面，威將版總係爭少少。
然後係平頭文，將V class 平頭放大、加合金。我冇仔細比較，唔肯定有冇再加細節。
不過用一句高達迷術語，情報量已經好足夠好有睇頭。
然後是放大電影文，有腹肌果隻真係靚到冇得頂。
話說有老友向我推薦3A那隻不可變文哥，我有考慮，
先不說3A千奇百怪的質素問題，我只係望下望下呢隻腹肌文，
對「靚電影文」的需要已經達頭，好滿足。
然後係呢隻.......我搵唔到孩記有呢隻產品，應該係三方原創？有冇版友知？
我已經丟盒，連邊間廠都唔記得。呢隻文變形方式都ok特別，問題係人形缺少大腿橫轉關節，擺pose有問題。
第四第五集文哥已經升級為騎士文，
外型本來不錯，可惜電影太差，大家官感不好，也少了情意結。
玩具方面，官方騎士文可以話冇隻好，都係要第三方補完。
呢隻文哥人形都麻麻，但已經比官方好太多。缺點係膠料質素麻麻，裙甲易甩，而手指感覺亦差。
變形方式亦特別，頭胸部份複雜得來不會鎖碎，我第一次玩，竟然有變魔術感覺。
有緣見到，不妨買o黎經驗下。
同是平頭文，同是Ko官方V class，
玩具圍城版文哥外型身型扁平，比例不夠電影4、5好看，
不過勝在變形方式流暢合理，玩上手感覺好好。變成車頭後，
那厚重的感覺更是所有文哥之冠。
呢隻野適合粗玩，唔係要o黎擺、我長期放o係客廳，
得閒扭下，大大隻，真係有細個果陣玩超合金o既感覺。
最後係TE卡通文，只有基本關節，活動能力不多，大概就係早期合金魂咁上下。
外型方面，身上那紅色膠料歪打正著，好有G1卡通感，顏色反而比唔湯唔水MP44更討好，
至於外型、變形，我評價係完勝 MP44。
相比以前，我買玩具已經少了很多。
也再沒有真正老變迷的熱情去細心比較。
以上評價只供參考，期待各位師兄賜教。
"然後係呢隻.......我搵唔到孩記有呢隻產品，應該係三方原創？有冇版友知？"
KO of Studio Series 05 Voyager Class Movie 2 Optimus Prime "同是平頭文，同是Ko官方V class，
玩具圍城版文哥外型身型扁平，比例不夠電影4、5好看，
不過勝在變形方式流暢合理，玩上手感覺好好。變成車頭後，
那厚重的感覺更是所有文哥之冠。"
這不是圍城版文哥, 這個是 Studio Series 38 大黃蜂電影版文哥
thank you Ching, very nice report 你所講應該係大黃蜂電影嗰隻平頭文，而唔係圍城系列嗰隻
之前孩記都喺MPM出大黃蜂電影隻大黃蜂，以為佢會喺MPM出埋呢隻平頭文，可惜都冇，所以可能真係要入國產呢隻
頁:
[1]