本帖最後由 k_dash 於 4-9-2022 08:05 AM 編輯
ToyKnife 發表於 4-9-2022 01:15 AM
理解好多師兄淨係想買鎚仔，今次POSE+真係棋差一着。可能佢諗住錘仔同埋飛機根本就係「配件」，一視同仁， ...
其實無論佢點出都唔會令所有人滿意，今次pose+個負面回嚮我都覺得主要係定價，如果定價親民啲相信好多師兄都會接受到，對於生產商嚟講當然係想好好控制成本同得到最大利潤，之前出太空小五義果陣lu兄都有講過如果賣得好會出配件parts, 結果呢？咁耐唔見有下聞，你都估到係咩事，出配件必然要面對的問題就係銷量一定少過主體（配件有無機會反帶動主體銷量呢？我會覺得效果唔大，今次pose+都無講過主體會再販，可能存貨仲係好高，或者廠方估計巿場需求唔大），所以定價上佢哋都有成本壓力，至於"硬食"呢個概念，你唔想要果啲嘢要搭住你想要果啲嘢一齊買果陣咪就叫"硬食"囉，呢個只不過係想要同唔想要的相對概念，我哋唔知幾時開始對"無得簡"特別大反應，既然廠商唔比我簡我就用買同唔買去實現我個"有得簡"呢個權利囉，我會咁去理解{:8_743:}
本帖最後由 bunnyyau 於 4-9-2022 11:18 AM 編輯
因為本體GGG定價三牛四魚，玩家既「合理期望」槌仔+飛機必然低於三牛
結果DX SET定價三牛六魚，比本體還貴，明顯違背了玩家既「合理期望」
POSE+當然有做「期望管理」，所以推出了較平宜的普通版
可惜玩家已先入為主，心理上不會買帳！
------
我覺得槌仔+飛機，照舊二牛九魚發售。
然後燈+DX PARTS搞「POSE+ 魂限定」，買家肯定會為「限定」兩字多付七魚
合理化煙幕
bunnyyau 發表於 4-9-2022 11:13 AM
因為本體GGG定價三牛四魚，玩家既「合理期望」槌仔+飛機必然低於三牛
結果DX SET定價三牛六魚，比本體還貴 ...
同意，妹仔大過主人婆。
本帖最後由 eddiem249 於 4-9-2022 12:39 PM 編輯
ToyKnife 發表於 4-9-2022 01:15 AM
理解好多師兄淨係想買鎚仔，今次POSE+真係棋差一着。可能佢諗住錘仔同埋飛機根本就係「配件」，一視同仁， ...
勇者個版權係日昇,日昇又係笨大子公司,只要你買勇者.笨大就賺錢,你唔買合金魂笨大應該冇乜所謂
有時我覺得合金魂出衰啲係笨大既暗黑兵法,等啲人去買其他貴野,反正佢可能版權费係同玩見廠逐隻收錢,出一隻分成一隻,笨大賺得重多
本帖最後由 ToyKnife 於 4-9-2022 02:58 PM 編輯
k_dash 發表於 4-9-2022 08:00 AM
其實無論佢點出都唔會令所有人滿意，今次pose+個負面回嚮我都覺得主要係定價，如果定價親民啲相信好多師兄 ...
我都同意今次個結果係要玩家「硬食」，不過我自己唔會，亦希望大家唔好太快跳到「POSE+無奸不成商」或者太多解讀在成本和消售手法等等結論啦。帶返頭盔先，我覺得k_dash兄你分析係好有邏輯。
不過如eddiem249兄提出版權問題，其實玩得玩具耐都知版權方係有好大決策權，包括造型嘅最終決定權，尺寸，可否變形，售價，銷售日期和銷售方式等等。究竟呢種銷售方式係日昇決定定係Pose+決定呢？我哋係唔知道。所謂暗黑兵法，有無機會係版權方保障自己形象（踩低別人形象）和產品嘅一道防線？
當然，多啲意見交流當然係好，我成日都話，肯定Lu大有睇玩具日報，佢一定知道大家嘅問題，不過可唔可以解畫又係另外一件事。如果係佢公司自己問題，相信銷售結果會俾一個答案佢。
Anyway，祝大家玩玩具玩到開心，啱買就買唔啱買就唔好買，記住係我哋玩玩具，唔係玩具玩我哋。
bunnyyau 發表於 4-9-2022 11:13 AM
因為本體GGG定價三牛四魚，玩家既「合理期望」槌仔+飛機必然低於三牛
結果DX SET定價三牛六魚，比本體還貴 ...
上面我有留言，搵過資料 ，其實Bandai超合金魂嘅goldymarg + star option parts，都係「妹仔大過主人婆」。「合理期望」早喺Bandai時期已推翻。不過公道啲講，佢哋係分開發售。
根本英俊 發表於 2-9-2022 09:34 AM
我自己覺得好討厭POST既手法, 上次銀行旋風又係, 出基地就要妳食埋隻機械人, 後尾俾全世界罵先就咁出基地!
...
非常認同, 個頭同獅子頭識著燈仲緊要
隻Goldymarg....果4粒screw想點?正面來架...
明白可能設計上係無辦法，咁整4粒遮醜膠得吾得呀?你啤出來我自已part入去都ok,人地arcadia細廠都做到啦...再吾係比貼紙...
本帖最後由 kennethli 於 5-9-2022 11:13 AM 編輯
ToyKnife 發表於 4-9-2022 01:15 AM
理解好多師兄淨係想買鎚仔，今次POSE+真係棋差一着。可能佢諗住錘仔同埋飛機根本就係「配件」，一視同仁， ...
我覺得個重點唔係係個價錢度, 係個選擇權同埋合理性, 首先, 槌仔, 飛機, 新配件, 我諗唔到有咩理由一定要夾埋一齊出, 就算佢一個槌仔都賣2000, 什至3000, 我都會俾, 因為呢個係我選擇既, 但係佢而家格硬夾埋架飛機入來, 個選擇自由度低左, 呢個真係好難唔令人投訴, 問題唔係抵唔抵, 而係我真係唔鍾意架飛機同埋個重點係, 我無位放, 本體又得一隻, 合左原本架飛機又係掉左係度. 當然, 我都可以選擇唔屈服, 唔買既, 呢個又係咪大家所想要既結果呢. 就連大家而家都放棄既超合金魂, 當年都有得俾你單買槌仔或者飛機呀.
再者, 講配件, 我個人相當討厭一個做法, 就係明明一D 應該有或者係嗰產品專用既配件, 以option set / 要買其他產品先可以有, 我知, 有師兄一定會話咁我咪同上面所講既野有矛盾, 就舉個例, 好似今次個槌仔座咁, 分明係得個槌仔可以用既, 單買都無意思, 槌仔無左佢又唔可以楝直, 但係佢就係唔跟係槌嗰SET, 要你OPTION 買, 又例如Gatling Driver, 你跟就跟前半枝, 後半就一定要買配件SET 先有, 咁即係明搶啦, 當然模型都跟足一枝啦. 其他發光配件同埋原創武器, 我就真係可以選擇唔買, 但呢二件配件, 你明屈既, 咁就唔好懶係俾你揀可以買唔買發光組啦
所以今次呢套我一定唔會訂, 就算之後冧價, 我都唔會買, 而家直頭係想放左隻本體佢免得眼冤
本帖最後由 Hawk 於 5-9-2022 11:40 AM 編輯
樓上講出重點，應該包既嘢佢夾硬分開賣，冇得單買鎚仔又冇得單買飛機，吃相真係好難睇
我覺我個重點響個價錢到，如果佢全部野加埋$1500我即俾。
我只問一句，個鎚同個背包值$28XX咩？
明碼實價. 買就買. 唔買就唔買
Hawk 發表於 5-9-2022 11:36 AM
樓上講出重點，應該包既嘢佢夾硬分開賣，冇得單買鎚仔又冇得單買飛機，吃相真係好難睇 ...
真係好炆, 枱座都呃, 講真, 佢槌仔同飛機咁樣夾硬一套, 我真係情願佢連埋本體一炮過6-7000 咁出套真dx 版， 條氣反而仲順d
P+ d行銷手法有一份好奇特既堅持，好似隻銀河烈風dx甘，我相信唔少師兄都想後追隻烈風，但係佢再販要連個基地一齊買，雖知道香港寸金尺土，硬食個基地已經唔係錢既問題，係煩在要揾個地方安置佢.... 話說我見盒dx放係奇趣一段時間都賣唔出，如果可單獨買本體會唔會一早已經唔見左呢？
Bandai 2020 魂商店
GX-69R GOLDYMARG $1,460
GX-68X STAR GAOGAIGAR OPTION SET 【The Ultimate King of Braves ver.】$1,590
總共 $3,050
POSE+ 鎚仔加飛翼 $2,880, 嚴格來說合理, 如果計埋通脹可以話係平添
發光配件+原創武器值唔值 $700 就見仁見智
POSE+捆綁式發售, 各師兄已經講咗好多
我個人當然唔歡迎這種手法, 早幾個月先至硬食咗隻 Bandai SMP Final Gaogaigar (迫我要多隻 Genesic Gaogaigar 本體)
可幸的是,POSE+冇有樣學樣 (如果佢敢,一定冇人買)
本來Stealth Gao II飛翼係雞肋, 我都唔想要, 不過POSE+ redesign 又可打開又有燈型咗好多, $3,580 DX Set 我可以接受
我而家抽緊PS5, 如果抽唔到我會訂 POSE+
其他已經有STAR GAOGAIGAR OPTION SET嘅師兄弟們, 我在淘寶訂了無線磁石開關燈,放在Stealth Gao II的引擎度, 效果非常好