中巴 106 瘋狂の旅! (長文, 多圖注意)
https://i.imgur.com/38uFim0.jpg(麻帆良市時報記者高坂 穂乃果報導)
中巴喺 1993 年引入 10 架非空調版 Leyland Olympian 11m 巴士,
佢地原本係空調巴士底盤, 但係就用上非空調巴士規格,
並且編號為 LM1 - 10。由於引擎無需再驅動空調系統,
所以馬力超強。雖然彼岸嘅九巴喺同期引入為數 50 架,
編號 S3BL421 -470 人稱 "老虎頭" 嘅同款 "變種巴士",
佢地亦用上同規格嘅機械同車身配搭,
同樣配用 Cummins L10 引擎同 ZF4 HP500 四前速自動波箱,
但係呢十部巴士落喺車神雲集嘅中巴,
佢地嘅強勁起步同加速能力同喺橫街窄巷左穿又插嘅靈活本領,
都比九巴嘅 "老虎頭" 發揮得更加淋漓盡致,
"瘋狂巴士" 嘅綽號從此不逕而走。
佢地主要行走 101、680、23 及 8 號,
亦會喺其他一啲路線客串行走。適逢中巴成立 60 週年,
中巴更特別喺其中行走 101 嘅 LM1 及 LM5 髹上中巴 60 週年廣告,
而行走 680 嘅 LM 於觀塘繞道飛馳嘅感覺亦令人印象深刻。
全數 LM 於1998 年中巴專營權結束時連同其他中巴車隊出售予新巴,
並於 2000 年喺香港進行一系列改裝, 改為單門嘅全闊分級式前門規格,
再運返英國 First Bus 繼續服役, 呢十兄弟喺英國亦不分不離,
先後喺 First Bus 旗下嘅 PMT、曼徹斯特、
格拉斯哥同 Great Yarmouth 一齊服役,。
但係其中 5 部於 2009 年率先退役, 最後一架服役嘅前中巴 LM,
亦喺 2011 年功成身退,
其中前中巴 LM10 (英國車牌 K481 EUX, 車隊編號 30097)
喺 2011 年 7 月退役後有幸被私人保留,
並且被悉心地鬆上中巴時代嘅 "藍戰士" 車身塗裝,
但係就無復中巴時代嘅雙門規格,
喺一啲巴士大集會活動, 都有機會見到佢出席。
今日, 麻帆良市正式歡迎中巴 Leyland Olympian 11m 非空調巴士登場!!
九巴嘅同款巴士, 身為九龍人嘅市長 Super Bus 當年亦做過座上客,
更試過坐呢款車行 60X 喺屯公飛出九龍果種爽爆嘅滋味!
仲話 "佢地喺九巴得到 "老虎頭" 嘅綽號絕非浪得虛名!"
而中巴嘅同款巴士, Super Bus 話雖然未坐過佢地行 106,
但係試過坐行 101 返九龍, 除左感受到呢批車嘅 "爽",
亦領教過佢地人車合一嘅 "喪"! 眾所周知,
中巴車手雲集, 幾乎個個都車神上身,
只要佢地一上座, 呢批巴士即時變身做 "烈火戰車",
喺橫街窄巷左穿又插逢車過車絕冇難度,
就連在下都領教過呢批巴士嘅威力,
難怪佢地得到 "瘋狂巴士" 嘅綽號啦!
Super Bus 仲話, 雖然中巴 LM 佢都已經有幾架,
但係身為紅磡人嘅佢, 以前假日得閒或者一時興起,
就會坐車入中巴嘅柴灣車廠影巴士,
由黃大仙開出, 途經紅磡行紅隧過海入柴灣嘅 106,
自然亦成為佢入柴灣嘅必坐路線,
又難怪佢會對呢架中巴 106 LM 咁愛不釋手啦~
隆重歡迎!! 中巴 Leyland Olympian 11m 非空調巴士, LM8 @ 106, 見參!!
https://i.imgur.com/Pjeenzr.jpg
https://i.imgur.com/neqga1d.jpg
https://i.imgur.com/N9QKurR.jpg
證書編號 0260, 全球限量推出 500 架
https://i.imgur.com/7gRWBS0.jpg
正式落地!!
https://i.imgur.com/rYfAvTb.jpg
https://i.imgur.com/2i3WVwZ.jpg
https://i.imgur.com/mRKmpOG.jpg
https://i.imgur.com/FbC5mPh.jpg
https://i.imgur.com/cUPFykU.jpg
https://i.imgur.com/vp7Gp9E.jpg
https://i.imgur.com/JkwpRMr.jpg
https://i.imgur.com/4il3vas.jpg
https://i.imgur.com/kx8x9TR.jpg
三架中巴 LM 並列,
左起 601 係 Buses 喺 2001 年嘅出品,
112 係 Buses 2017 年嘅新模具,
而今日嘅主角 106 就係 Model 1 2017 年新模,
大家有乜分別, 又邊架似樣啲?
來一個對比先~~
https://i.imgur.com/z8L5jPK.jpg
https://i.imgur.com/ybuJQx5.jpg
https://i.imgur.com/vZ1zPxM.jpg
https://i.imgur.com/c4dNr1A.jpg
https://i.imgur.com/Ya5Qwl1.jpg
https://i.imgur.com/TdFHttZ.jpg
當老虎頭遇上瘋狂巴士
https://i.imgur.com/DtlprxY.jpg
https://i.imgur.com/uaozZrk.jpg
中九新 106
https://i.imgur.com/G9TXqP3.jpg
https://i.imgur.com/udrSvrX.jpg
真車相, 姊妹車 LM3 攝於 1993 年 12 月尾柴灣總站
https://i.imgur.com/E4p3nS8.jpg
https://i.imgur.com/u1AK1Na.jpg
And:
喺英國被保留嘅前中巴 LM10
http://www.orientalmodelbuses.co.uk/Xtra/UK-LM10.htm
Thanks for reading~ 其實呢度真係有人有興趣呢ｄ.......??? hongwohse 發表於 7-3-2018 01:04 AM
其實呢度真係有人有興趣呢ｄ.......???
點解冇? 我會睇晒囉... nobita16 發表於 7-3-2018 10:58 AM
點解冇? 我會睇晒囉...
不知道, 感覺非常冷門 hongwohse 發表於 8-3-2018 12:37 PM
不知道, 感覺非常冷門
咁我都要承認, 玩巴士呢樣真係非常偏門... Thanks for sharing THANKS SHARE,唔錯
頁:
[1]