【為「入樽」可以有幾盡？ 】張繼聰對老婆Kay發火：天后都冇面俾
本帖最後由 hk小文 於 13-12-2016 04:10 PM 編輯http://hkm.appledaily.com/detail ... 82&category=instant
男人的浪漫，又點止一碟豆腐火腩飯，相信屋企總有一套《Slam Dunk》(男兒當入樽)既珍藏，櫻木花道、流川楓、大猩猩赤木隊長、宮城良田、三井壽……90年代既情懷，返晒黎！
做咗人老竇同老公既張繼聰，啱啱就係facebook留言話：「為咗迎接新成員既來臨，最近忙於準備房間。搵返依套對我成長有奠定性影響既《Slam Dunk》珍藏出黎，好感動。誰知有人同我爭拗咗好耐，振振有詞話係佢買既....嗰一刻，我覺得佢好陌生好似一個強盜，我當年使幾多零用錢買呀大佬！？...我阿媽話要讓下老婆....我話ok，反正我既即係佢既...點知佢話送俾人反正我唔睇........Come on ! 佢唔明白，到我哋依種年紀，入樽已經唔係用嚟睇，係用黎供奉....男人既青春同熱血係唔可以俾人，Never !! o依次真係天后都冇面俾！我兜口兜面細細聲同佢講，套書我Keep硬！威呢！？」張繼聰口中既「強盜」就係佢老婆謝安琪(Kay)，之後天后Kay仲喺個po下面留言話：「呢套入樽係我架！當年我細本同大本版各一套，擺喺床邊陪我好多年，咪見到入樽就以為係自己既，好冇呀！」為咗呢套「入樽」，真係天王都冇面俾，不過相嗌唔好口，家陣阿Kay又陀住B，做老公既，咪當讓下老婆!
真係好有共鳴!
頁:
[1]