本帖最後由 小堅 於 1-6-2015 03:47 PM 編輯
hkh1993 發表於 1-6-2015 03:40 PM
我現在買反尼又唔開盒
我都唔知自己當佢係藝術品定係玩具
我覺得自己變左為買而買
其實都係，唔係話想買返黎炒...
只係屋企真係冇咁多位dispaly...
但係為左齊人都係買左先...
因為計拉打黎講，好多都係魂限...
過左唔買真係未必買得返...
好在我淨係儲龍騎同埋RX呢D...
叫做好少少，我隻獸帝開完盒合左一次體影左相就入返原盒到冇再拎出黎...
我見朋友真係儲齊晒，但九成都未開過盒...
最後都係成SET咁放返出去...
我都有玩開模型，買個時真係好鍾意，但又冇時間砌...
買下買下愈買愈多，愈多就愈唔想砌...
呢D其實都係病態黎...
我都幾唔鍾意訂玩具，限定除外啦，
早三四年，都仲可以等隻野出左，睇下玩評，ok就出去買，價錢唔會升太快
而家，除非隻野評價差，唔係都唔好諗住原價買到，
咩鬼玩具都要訂，通販都要搶訂
好似神獅子咁，我想訂架，訂都唔比你訂，食硬炒價啦！
真係似比人玩緊多
hkh1993 發表於 1-6-2015 03:40 PM
我現在買反尼又唔開盒
我都唔知自己當佢係藝術品定係玩具
我覺得自己變左為買而買
咁明顯係唔再鍾意玩玩具啦 :blame:
我雖然唔會再好似十歲以下那時咁玩玩具, 拎住件玩具飛來飛去
但.... 就算到現在, 我買咗玩具, 都會好興奮, 一買咗就想第一時間搭車返屋企拆來玩一次, 不過, 因為而家的玩具下下接近過千, 所以我都唔係好捨得玩, 通常玩完一次就會放入 display 櫃, 但頭一個禮拜仲會一有時間就望下, 拎出來摸下變下型
你呢種買完連盒都唔開的, 不如慳返唔好買, 一年可以慳唔少錢
我都同師兄一樣見到人話唔開盒都會無名火起xD
當年我玩ironman, 現在ironman玩我 {:1_206:}
我九成掉盒再放出嚟玩，仲會粗扭。如果舊左有ver 2出就送舊嗰D俾人。
玩具要粗玩先得反正人死左都帶唔到落棺材啦係咪!
Open and play.
玩具…………
細個…………7幾年，就係無處不在
少少 1 個屋邨 3 間(書局)
已經唔知有幾多(真正 大和子民，親手製造嘅玩具)
電腦還是(綠色點陣)嘅70年代…………
一個(吉利市 玩具部)過萬呎，已經多嘢過 街旺~
可能再過不久將來，( 玩具 )兩個字
將會從 字典消失 :oh:
本帖最後由 lewisli 於 1-6-2015 10:48 PM 編輯
I give up , simply cannot post what I have written....
本帖最後由 lewisli 於 1-6-2015 10:51 PM 編輯
心態唔同。
以前玩玩具，唔理平貴唔理QC，電視播就扭話要買，然後一係和其他小朋友鬥撞, 一係自己幻想情景超人打怪獸。玩嫌咗求其擺入箱唔見咗就算。除非好鐘意，否則爛咗唔緊要，一來唔知價，二來電視播第二套卡通，之前的都擺埋一邊。
現在玩玩具，知價錢會計較，講QC驚易爛白化，再唔會自己幻想劇情超人打怪獸，更加唔會同其他人用玩具鬥撞，多數只會變形、擺pose影相，然後更要揾位擺搵位收藏，或是放在面積有限的display櫃。要求多咗，珍惜多咗，而且玩具整體價錢真係貴咗（有些更貴咗好多）。
好難再好似細嗰咁玩玩具玩得毫無顧慮。
本帖最後由 司馬易 於 2-6-2015 03:51 AM 編輯
今日先喺~街旺聽到有人提到……
有個玩具同好~ 走咗……羽化飛昇 :die:
留低一大堆珍愛嘅玩具
儲咗10幾20年都唔只……
抱憾終生~大部分未開封……就……:o
好彩佢有個朋友有情有義:! 又知道價
幫佢家人 放上網拍
如果唔係分分鐘 ~ 幾K比人收晒D珍藏……
所以……有得玩時，盡情玩啦:DD
正如揸住10層樓，一粒塵都帶唔走 :oh:
細個玩玩具係會攞住來幻想下卡通情節, 變形出招, 一日變10幾次, 配件換來換去等
大個玩玩具係擺POST,影相, 入櫃, 變形1,2次, 評測下等
我有D聖衣神話裝左一次後就入櫃, 聖衣形態都未裝過
絕對係! 阿媽話我細個個陣一個玩具可以尼埋自己玩兩, 三個鐘, 現在放左工己經累死, 如果仲要攞住來幻想下卡通情節, 一定腦殘.另外, 現在d玩具咁貴, 真係唔可以好似以前咁玩. 之前高追隻ironman VII, 外形真係好靚, 不過一攞上手輕飄飄, 加上咁個價錢, 真係唔可以放心玩. 唉.............
認真，如果玩具令你咁多煩惱，不如唔好玩。
建立下其他嗜好啦。
唔同年代玩唔同嘢：玩玩具、玩手機、玩相機、玩運動、玩影音、玩車、玩女、玩細路、玩旅遊、玩股票、玩樓、玩飛機遊艇。。。。。。玩咩都好，最緊要開心，俾咗錢最緊要落手玩番夠本。
One more thing people should realize.A lot of the "toys" we discuss here are for age 15+.They are certainly different kind of toys from those you played when you were in primary school, since you were under 10 when you were in primary school!
玩玩具既人真係保留到童真一面∼不竟我依家比人話咁大個人重玩玩具！不過內心世界既野只有玩玩具既人先知