睇港視的都變態
廣告人語 - 畢明睇港視的都變態2014年11月21日
本來我今日不想再寫HKTV，但實在不能不寫，它的民氣太勁。
香港電視開台當晚，在面書得到的社交網給力支持免費廣告是多得驚人的，洗版事小，那些post的內容，史無前例。
1.你有冇見過，一個電視台，一個新媒體，播放技術不夠流暢或甚至是故障甩轆，網民的post不是媽聲四起，怒轟熄機，而是表示很可惜，求方法，冇人鬧！更有看不到港視者即時把另外可行觀看途徑發表分享，詳加解釋，希望人人有得睇，對HKTV簡直包容愛護有加。
2.有心人特別自發列出有在HKTV落廣告的廣告商：麥當勞、加德士、永亨稅亨通、康鈣C、大眾財務、Canon等等，又post上網免費替其宣傳，指為良心廣告商，要多多幫襯。
3.最後這個現象最變態，我強烈建議王wiki可用來作下一浪廣告campaign的核心概念，就是：睇香港電視的人都變了態。真人真事，有人聲稱從未咁鍾意見到電視廣告，逐個坐響度睇晒《選戰》的廣告，並高呼愈多廣告愈開心，多多都支持，你話，係咪變態？
坦白講,真係好少媒體播廣告都有人支持,youtube都比人少,真是得佢係有人撐
頁:
[1]