本帖最後由 Tachikoma 於 3-11-2014 04:53 AM 編輯
shiufon 發表於 1-11-2014 03:18 PM
＞＞
「其實討論咗幾日，我開始有啲懷疑自己係咪能夠適當以文字表達自己意思，已經咁清楚表明立場，唔明點解Tachikoma兄會兜兜轉轉去斟酌返同一件事？佔中一事上，我已經講過好多次，我係支持嘅，支持學生嘅信念，同願意企出嚟嘅勇氣，」
<真係咁清楚既你就唔駛喺呢個回應裏copy我引用你發表既句子當中删去幾個字將「「學生憑住良心同信念站出嚟，我好認同,」改成「學生憑住良心同信念，我好認同,」la明明係自己說得一時一樣就怪人「兜兜轉轉去斟酌」:38:
shiufon 發表於 1-11-2014 03:18 PM
＞＞
「但佢地行為上明顯係錯嘅，如果唔係周永康阿戴生佢地都唔會話事後會去自首，首先呢一點，我相信係無爭論餘地。咁一件連做緊嘅人都承認係錯嘅事，警察去制止，甚至其他市民去制止，都係好合理。」
<佢地去自首係因為佢地覺得自已要承擔法律責任並唔係代表佢地覺得自己係錯亦沒有承認進行這場運動係錯更不代表這場運動係錯請別混為一談!故此你說的「好合理」並不成立
本帖最後由 Tachikoma 於 3-11-2014 02:47 AM 編輯
shiufon 發表於 1-11-2014 03:18 PM
＞＞
「但正因為呢一件事喺理念上係好嘅，所以即使好多人受到影響，都唔去計較，而採用包容嘅心去任由學生佔領街道，我個人嘅理解係咁樣。 就「包容」兩個字，上次師兄同我爭論咗一輪，但在我而言，犯法就係犯法，無論你理念有幾崇高，無論你為大家帶嚟幾好嘅未來，都係唔可以改變嘅事實。大家（即係冇反佔中果啲）容許佢地咁做，我覺得用包容嚟形容係好合理。咁反佔中果班覺得自己嘅人權被侵害，行出嚟反對，我覺得都係有佢地嘅道理，所以我先不斷重覆又重覆地講，呢一次運動係可圈可點，無話邊一個係絕對嘅衰人。」
<接上題既然你的「做錯論」不成立這裏所說的所謂「包容」就變得主觀而不一定合理了再者受影響人仕(或所謂大家)不都必然是否定運動者也有支持運動者參與運動者對運動感恩者等等而且請攪清楚大家受影響既源頭不是佔領行動而是極權者「就是一些人一直(包容)緊既那些」在官逼民反
至於反佔中那班究竟係出於政治原因定真係因為覺得自己嘅人權被侵害而出黎反對各有說法但肯定不都是「覺得自己嘅人權被侵害」者再者講人權的話人地又可以話他們係把自己「受影響」的權利看為凌駕於幾百萬人的權利「即本次運動爭取的」 他們無視絕大多數人既權利被侵害得更嚴重更長久 而只顧自己一時的相對輕微得多的權利而出黎反對既啫如果要講被「包容」既話我覺得佢地須要D囉
shiufon 發表於 1-11-2014 03:18 PM
＞＞
「但而家產生嘅問題係，部份朋友將今次嘅事劃清界線，變成敵我分明，唔係企我呢邊，你就係敵人，連中立嘅空間都唔俾人，唔發言果啲係喺度助紂為虐，做離地派。要贏就一定要贏全部，唔可以受到質疑，」
<邊個唔俾你質疑?咁點解你同我可以講咁耐既?你唔係話我掛有人話你「助紂為虐，做離地派」你唔啱聽既咪反駁囉有人唔俾你反咩?至於敵唔敵人既野我覺得睇下咩野題目啦都無話一定唔可以或唔應該敵我分明既
shiufon 發表於 1-11-2014 03:18 PM
＞＞
「連解釋都唔會聽，你解釋完，佢又會從你解釋嘅說話中質疑另一樣嘢。」
<例子:
shiufon:「你話受制裁同警察濫用暴力對待是兩回事，但要令犯法者受制裁，唔用武力你可以拉到佢？捉賊係咪只可以令佢上庭受制裁，但捉人過程中唔可以打佢？」
tachikoma:「請自行查閱有關警方使用武力原則的有關文件並尋找本次運動既相關影片 相片及証言等好使你知道「最低程度武力」與「濫用暴力」之分別另外拉人又真係唔一定要武力過喎唔信你咪問下D俾差人拉過既人係咪個個都俾人打過囉我可以好肯定咁話你知唔係!」
shiufon:「OK，咁你去問下啲示威者，係咪個個都俾差人打過囉我可以好肯定咁話你知唔係!
但係喺部份傳媒口中，而家全部變晒勾結黑社會嘅魔警，你認為又公平咩？」
shiufon 發表於 1-11-2014 03:18 PM
＞＞
「就好似我今次話支持，其實係一樣好簡單嘅事，但就被質疑好多嘢，抱住乜嘢心態，口話支持，點解又講啲單打說話，又話認同警察用暴力等等。我只想講，支持一件事，唔係盲目讚同當中所有人做嘅任何嘢。理解大家立場，明白事情可行性，諗諗對家點解會咁做，聽多啲唔同聲音係好緊要。而唔係無視實際狀況，總之擋我者就係唔啱，我係為人民爭取民主自由，唔同意、懷疑、甚至有其他想法嘅都係敵人。」
<照你而家咁講好似你先至係唔俾人質疑得嗰個喎人地就係想理解多D你立場至問落去啫唔想聽多D聲音都唔會繼續同你講落去la你究竟想點架?究竟質得唔質得呀定係你質就得人質就唔得呀你而家攪到我好亂呀真係{:1_376:}
shiufon 發表於 1-11-2014 03:18 PM
＞＞
「請唔好誤會，Tachikoma兄我唔係想挑釁你，直到而家，縱使大家言語上係有針鋒相對，但我都認為同你嘅討論係友善嘅，係有意思嘅，如果唔係我唔會花咁多時間去打字，shiufon只係一個帳號，重係註冊冇幾耐嘅新帳號，我唔需要為咗保住呢個帳號嘅面子，一定要講贏某位朋友而大發謬論，登出，再註冊另一個名係輕而易舉嘅事。」
<哦唔好意思我唔係好友善架咋尤其是見倒你那番話中共可以點對付港人既恐嚇言論之後因為「驚」我仲可以理解但係對於站在極權者既角度去恐嚇抗爭及其支持者既人我都真係唔知該用咩態度同佢溝通了但一定唔會係「友善」囉
shiufon 發表於 1-11-2014 03:18 PM
＞＞
「討論有火花係好正常，有時為咗證實自己論點，講啲過火位嘅話一啲唔出奇，大家唔服我講失敗者果段話我可以理解，因為連自己都覺得過火咗。但對呢一個話題，其實我係有啲唔明白，一個咁簡單嘅表態，點解會變成一個咁複雜嘅質疑？一個支持，係咪真係要義無反顧地支持到底，先算係支持？」
<得啦唔質你喇仲意點支就點支啦不過容我補充一點你支唔支持既不單止係別人而係你自己權利唔係只屬於現在的抗爭者的爭倒大家都有爭唔倒大家都無
有可能成功就係因為多左你一個一齊爭而失敗亦有可能係因為你無出黎一齊爭當然你有自由覺得唔须要爭但係爭唔爭倒既後果都係大家一同承擔的或多 或少
本帖最後由 Tachikoma 於 3-11-2014 04:49 AM 編輯
shiufon 發表於 1-11-2014 03:18 PM
＞＞
「今次運動，大環境話俾我地知，成功機會係非常非常渺茫，我地暫時睇唔到有任何理據支持人大係會改變主意，甚至用「其實已經失敗咗」嚟形容也不為過。但無論如何，「雨傘運動」嘅信念已經植入大部份香港人嘅心係無可否定嘅事實，亦會間接同直接影響今後香港喺民主發展上嘅路。」
<相信會失敗既人越多失敗既機會越大
相反 相信會成功既人越多成功既機會就越大
今次唔成功還會有下次嗎?上面過左廿幾年了 有出現過「下次」嗎?如果一國兩制底下都爭唔倒一國一制時爭倒既機會豈非更渺茫?
機會唔係成日有的不知要加上幾多巧合因素才會有今次呢個機會希望有心者好好珍惜吧
Tachikoma 發表於 3-11-2014 12:54 AM
「其實討論咗幾日，我開始有啲懷疑自己係咪能夠適當以文字表達自己意思，已經咁清楚表明 ...
呀，抱歉令師兄誤會，我唔係有心刪去「站出嚟」三個字的，可能你用紅字關係，我copy後貼上回應，喺編輯時如果唔轉用純文字格式就會出一堆亂碼，所以要先轉純文字，再逐個刪去多出嚟嘅亂碼，呢三個字應該係夾咗喺中間，一時刪埋去，唔係有心的。