「點解要有真普選？假普選點解會影響大家生活？值得一看！ 」。
https://www.facebook.com/video.php?v=10204964078204273
https://www.youtube.com/watch?v=nwLulu9zSB8
D100 電台與一位警察家屬聽衆, 對佔中的公道話
一名警察家屬，同時亦是一名前線抗爭者的心聲：
本帖最後由 shiufon 於 31-10-2014 02:36 PM 編輯
Tachikoma 發表於 30-10-2014 09:13 PM
「我用食動物嚟比喻「道德」同「正義」，係想話無論「真理」又好，「道德」同「正義」又好，都係 ...
哈，見到Tachikoma兄嘅回應真好，Code兄話絕筆，幾驚連你不屑回應，你知喇，講得正興奮，一個人唱獨腳戲好悶㗎嘛。
首先請你唔好誤會，我唔只一次講過我係支持學生嘅，至於係抱住點嘅心態去支持我諗唔重要，支持就係支持，唔需要搞得太複雜。
咁既然係支持，點解又講啲冷言冷語？我只係認為，呢一件並唔係大家所講嘅「大是大非」，而係「可圈可點」，包括黃絲、藍絲同警察都各有自己嘅「真理」「道德」同「正義」，所謂各有各立場，無必要將任何一方定性為「邪惡」而已。
至於用「解放奴隸」嚟形容今次嘅事，我覺得如上次所講，係「誇大其詞」。我唔係共產黨員，唔需要為中央護航，國內重有好多不公、貪污、藏穢係事實，但就香港而言，我唔覺得政府係「罪大惡極」，更加唔認為任何一個香港人係過住「奴隸」生活。
如果你覺得冇真普選就係「奴隸」，或者香港未能提供一個全民安居樂業，大部份財富傾倒向一邊就係「奴隸生活」嘅話，我諗全世界70億人，至少有九成係過住「奴隸生活」，要等上帝去解放。
「爭取普選」同「解放奴隸」喺理念上都係好嘅，你去街邊問十個人，我諗九個都答支持爭取普選，冇幾個人質疑學生嘅理念，反佔中者唔認同嘅，係佢地用嘅方法而己。
簡單咁講，如果當年解放奴隸嘅唔係美國總統林肯，而係一班冇權冇力嘅學生，用嘅方法係脅持部份黑人嘅性命同財產（奴隸應該冇財產啦），你認為會唔會成功？真係解放到，定累死更多人？
好心做壞事係經常有嘅事，憑住良心做嘅事唔一定方法正確，呢個係我呢幾日講嘅重點。有勇無謀，死衝爛衝，用唔經過思考同研究可行嘅方法去抗爭，個敵人喺北京你去覇旺角，幾個細路攞住支水槍去打老虎，我認為用「義和團」嚟形容更適合囉。
我可以幾肯定咁講，如果今次用嘅方法係更實際，更令人覺得能打動甚至改變中央，支持嘅一定多好多，講真香港邊個唔驚共產黨？我都驚呀，但對住一個咁嘅政權，唔係用呢啲根本無力嘅方法就可以得到勝利㗎嘛，我知你有理想有熱誠，但唔實際呢，拉架木筏出嚟話帶香港人橫渡太平洋，幾多人敢上船先？唔敢上就話我阻住你申張正義，好，我認我貪生怕死。
不過尋日聽學聯話上北京搵領導人對話，嗱，咁就有吉士喇，雖然我諗冇邊個學生嘅老豆老母會俾個仔去，邊個家庭想一別就二十年？
簽署中英聯合聲明時大陸重係一窮二白，鄧伯伯想留人，梗係俾晒好處你啦，五十年不變，冇問題，普選特首，冇問題。去過大陸開廠嘅都知，引你入局幾咁多優惠，免稅免水免電費，而家形勢逆轉，嘿嘿，拖你埋牆打都重得呀。
呢個就係我地嘅祖國，你唔好諗住強迫佢，更加唔好諗住感動佢。講啲乜嘢少咗港企國內就損失幾多GDP嚟大佢，下面班國民搵少幾多，有冇得食，上面班阿爺係唔會在乎架，佢地在乎嘅只係自己嘅權力有冇被動搖。你要搞革命？同你反枱都似。
果日睇電視訪問，有學生哥話我地有民意喺手，中央一定驚。我想話俾佢聽你地啲所謂談判嘅「籌碼」連雞毛都稱唔上，中國而家連美國都唔驚，驚你班毛都未出齊嘅小朋友？定係你認為聯合國會大仁大義幫你手強迫中央屈服？真係話你天真驚你嬲。
一陣激得阿爺嬲嬲地，收返五十年不變直接管治，乜Q面書google全部封晒你，出入要攞通行證，報紙新聞全部要經過和諧，稅率稅制全部跟國內，我地又奈得佢乜嘢何？到時就真係成個香港所有人一齊多謝你地。
唔好以為佢做唔出，以前啲人夠話東莞冇可能冇黃色事業，而家就一野殺晒你。今時今日中國強勢，係乜都做得出。你諗住落佢面，佢可以剝咗你層皮。
所以我話今次爭取真普選，即使以萬份一嘅機會爭取到，結果係好係壞完全係「靠估」，選出嚟嘅人係咪真係咁理想係靠估，而之後佢同中央合作得好唔好又係靠估，中央擺明唔妥佢，出啲鬼馬難為佢，咪即係難為香港人。香港始終係中國一部份，佢要玩殘你，話咁易。
呢個就係現實，你改變唔到佢，亦都避唔到佢，趕唔到佢走，一係就你走。
我知好多香港人好痛恨呢個政權，但事實我地的確係俾呢個政權統治緊，你一係妥協，一係離開，我諗唔到有其他出路。
》無中國香港未必掂既言論才是「靠估」
係嘅，的確係靠估，同大陸反面，以後佢唔賣啲好貴嘅東江水俾我地，所有貨物唔經香港碼頭，中港運輸全部截龍，所有香港人往返內地要攞簽証，輸出香港嘅食材要配給，香港人唔可以喺內地經營生意或設廠，已經設廠嘅港資全部加50%懲罰性額外稅，所有港商產品全部唔可以喺國內銷售。
你地不吃人間煙火，梗冇事架，好多人要死之嘛，為公義而犧牲，有價值啦。
咁中國都有損失？我都話咗，阿爺係唔會在乎㗎，呢頭引你俾幾十億投資酒店，果頭將成個市打成死城，佢做得出架。
警察濫用暴力，一場咁大型嘅活動，牽涉咁多人，當中有人控制唔住，甚至有害群之馬一啲都唔出奇，拉埋一邊打果七個都受到處罰，我又唔信真係所有示威者都咁和平，一啲武力都冇用過，衝突少不免，總之唔好將個別事件大量抹黑就得喇。
》唔信你咪問下D俾差人拉過既人係咪個個都俾人打過囉我可以好肯定咁話你知唔係!
OK，咁你去問下啲示威者，係咪個個都俾差人打過囉我可以好肯定咁話你知唔係!
但係喺部份傳媒口中，而家全部變晒勾結黑社會嘅魔警，你認為又公平咩？
「良好嘅教育、醫療、法治同基本嘅社會福利」我滿意，當然唔代表個個人都滿意，「滿意」係一種好主觀嘅感覺，無一個人可以代表其他人。唔滿意嘅人可以講出唔滿意嘅地方喎，唔俾書你個仔讀？公立醫院唔俾你睇街症，定係俾人打劫去報案警察唔啋你？
你是旦講得出一樣嘅，咪大家再討論果啲係咪屬於「貪得無厭既人」囉。
至於講買樓嘅，問政府之前，不如先返屋企問自己爸爸媽媽，點解佢地唔買俾你，而要政府幫你買？
不過我發覺同你和Code兄吹水真係好有意思，感覺好有得着，要衷心咁多謝你地。
本帖最後由 what 於 31-10-2014 11:13 AM 編輯
shiufon 發表於 31-10-2014 10:42 AM
哈，見到Tachikoma兄嘅回應真好，Code兄話絕筆，幾驚連你不屑回應，你知喇，講得正興奮，一個人唱 ...
句句精警字字珠璣, 感謝SHIUFON兄打出一大篇文, 我呢個月都好有感受但真係太忙只做CDROM, 我都想講呢個世界唔係靠熱血就得, 有好多外在環境係改變唔到, 李嘉誠唔得, 習近平唔得, 奧巴馬唔得, 人就要多讀書去分辨去接受不能改變的, 有勇氣改變我能力可達的, 亦有智慧去辨別這些不同處境。
what 發表於 31-10-2014 11:11 AM
句句精警字字珠璣, 感謝SHIUFON兄打出一大篇文, 我呢個月都好有感受但真係太忙只做CDROM, 我都想講呢個世 ...
事實永遠係唔啱聽嘅，我知實會有人話我單單打打，好冷血。
但我想話俾果啲熱血公民聽，明知方法唔可行重推啲學生出去俾人打，你地呢啲先係真正嘅冷血。
北京真係唔好去呀，稚子無辜，我唔想睇見任何一位學生俾人拉，去北京參觀故宮無所謂，去北京做故人就無謂喇。
shiufon 發表於 31-10-2014 12:07 PM
事實永遠係唔啱聽嘅，我知實會有人話我單單打打，好冷血。
但我想話俾果啲熱血公民 ...
“故宮vs故人”，講得好~~~~:x
gazza1211 發表於 31-10-2014 12:13 PM
“故宮vs故人”，講得好~~~~
仲有我見有人講: 叫人用多啲腦思考做楝樑, 唔好諗埋一邊做橫樑
http://www.baby-kingdom.com/data/attachment/forum/201410/31/125011v3ph10ln6n5zpoae.jpg
shiufon 發表於 31-10-2014 10:42 AM
哈，見到Tachikoma兄嘅回應真好，Code兄話絕筆，幾驚連你不屑回應，你知喇，講得正興奮，一個人唱 ...
「首先請你唔好誤會，......，支持就係支持，唔需要搞得太複雜」
複雜?唔複雜喎你有關政府既發言已証明你認為不用改變既立場唔係同時間又話自己支持爭取改變既學生就可以自欺係客觀理性既 對於無心者呢D其實係叫矛盾而有意者呢就叫虛偽
「至於用「解放奴隸」嚟形容今次嘅事，我覺得如上次所講，係「誇大其詞」。......我諗全世界70億人，至少有九成係過住「奴隸生活」，要等上帝去解放。」
<「誇大其詞」?係囉 用番「食唔食得乜」黎比喻咪好囉 用「解放奴隸」嚟比喻就唔好啦點解唔好呀?我只係用番你用以否定運動既說法而已:
「解放奴隸講到尾只係一個政治活動，同「真理」「道德」「正義」完全係拉唔上關係，我認同解放奴隸有佢地自己一套嘅「真理」「道德」「正義」，但唔認同覺得繼續實行奴隸制冇所謂嘅人係背棄咗佢地嘅「真理」「道德」「正義」，甚至係「良心」。
過去歷史同現今社會都冇人證實過「解放奴隸」等同「公正公義」，但而家啲人就成日將「真理」「道德」「正義」掛喺口邊，去美化佢地嘅政治活動。北軍憑住良心同信念站出嚟，我好認同，但「反對解放奴隸者」憑住對保衛在「奴隸制」底下之家人生計而反對，南軍盡忠職守，憑住維持「奴隸制」之社會安定而格殺勿論，我覺得都係「真理」「道德」「正義」嘅一種。」
點解用食物套在你既(「真理」「道德」「正義」論)再用於否定運動就ok?
用「解放奴隸」套在你既(「真理」「道德」「正義」論)就變得「誇大其詞」?
我都講左「當然現在的情況不能完全對應當時」咁係咪要去到同當時「奴隸制」一樣至可以去抗爭?但係到時恐怕又會有人搬出你套(「真理」「道德」「正義」論)出黎反對了
點為之「罪大惡極」? 按你既(「真理」「道德」「正義」論)「奴隸制」都唔係「罪大惡極」啦咁請你話我知幾時先至可以出黎抗爭啦唔該!
「爭取普選」同「解放奴隸」喺理念上都係好嘅，你去街邊問十個人，我諗九個都答支持爭取普選，冇幾個人質疑學生嘅理念，反佔中者唔認同嘅，係佢地用嘅方法而己。
<何止呀各級政府官員大地產商建制派 甚至共產黨呀等等都話支持香港有普選架只係「單單」反對做法而已:45:
「簡單咁講，如果當年解放奴隸嘅唔係美國總統林肯，......唔敢上就話我阻住你申張正義，好，我認我貪生怕死。」
<如果當年既野任你講既啫林肯打就實得?你肯定無人又試過用各種說法「像你們現在反對既立場一樣」叫佢唔好打?如果佢聽左又會點?無人質疑過甘地馬丁路德金呀等等?
本帖最後由 shiufon 於 31-10-2014 07:06 PM 編輯
Tachikoma 發表於 31-10-2014 05:01 PM
「首先請你唔好誤會，......，支持就係支持，唔需要搞得太複雜」
複雜?唔複雜喎你有關政府既發 ...
》你有關政府既發言已証明你認為不用改變既立場
係，喺我個人而言，我係幾滿意而家特區政府嘅管治，享受而家嘅生活，唔認為有乜嘢需要大改變。當然呢個只係我個人立場，唔代表其他人都滿意，可能係我要求低，大家要爭取、要抗爭我冇意見。你可以話我「自己好就ok」了，但你冇理由迫一個鍾意食菠蘿包、而又食緊菠蘿包嘅人，去同你一齊爭取你認為更好食嘅西多士。
呢個係我立場，好鮮明，唔會動搖，除非聽日政策突然大改，改到同而家唔同晒，如果唔係我唔認為有需要改變自己嘅立場。
shiufon 發表於 31-10-2014 12:07 PM
事實永遠係唔啱聽嘅，我知實會有人話我單單打打，好冷血。
但我想話俾果啲熱血公民 ...
「事實永遠係唔啱聽嘅，我知實會有人話我單單打打，好冷血。
但我想話俾果啲熱血公民聽，明知方法唔可行重推啲學生出去俾人打，你地呢啲先係真正嘅冷血。北京真係唔好去呀，稚子無辜，我唔想睇見任何一位學生俾人拉，去北京參觀故宮無所謂，去北京做故人就無謂喇。」
「不過尋日聽學聯話上北京搵領導人對話，嗱，咁就有吉士喇，雖然我諗冇邊個學生嘅老豆老母會俾個仔去，邊個家庭想一別就二十年？」
<「事實永遠係唔啱聽嘅」?我見你D發言都啱呢度吾少人聽喎 照咁睇你講嗰D咪唔係事實?:38:
熱血公民推啲學生出去俾人打?你有無問過D學生係唔係俾人推架雙學D行動係熱血公民推住做架?無中生有得你呀人地一早就講緊D學生做左好多叫D大人出黎承擔番個責任喎
又故宮又故人咁你呢D咪中哂下列描述囉!
:「第二類人，自己不肯犧牲卻在旁取笑犧牲的人，甚至扮作看透世事，說學生不成熟、被人利用，取笑別人是馬前卒。這類人非常令人討厭，中國能脫離日本侵略，也全靠「馬前卒」為人民犧牲。自己沒有理想，只着眼利益，卻在旁指指點點，在沒有證據支持的情況下說三道四，說別人是被人操縱，這種人的道德最差。」不過我又唔同意係最差既 最乜最物有時真係好難講既
shiufon 發表於 31-10-2014 06:21 PM
》你有關政府既發言已証明你認為不用改變既立場
係，喺我個人而言，我係幾滿意而家特區政府&# ...
乜又由(「支持」理念「反對」做法)變左做「無意見」拿?嘩無意見都寫倒咁多野咁有意見咪可以出書?勁!:$
邊個迫你呀反對你就叫迫你?咁你咪又係喺度迫緊人唔好抗爭?
除非聽日政策大改?唔好等香港變埋直轄市正式落實一國一制至算啦
西多士喎而家個政府就真係囉緊D錢去俾D已經好飽既人去食西多等D真係好餓既人去食麵包碎啦!
Tachikoma 發表於 31-10-2014 08:15 PM
「事實永遠係唔啱聽嘅，我知實會有人話我單單打打，好冷血。
但我想話俾果啲熱血 ...
sorry，令師兄誤會，熱血公民嘅意思係指好熱血果啲公民，而唔係黃洋達先生帶領果個組織，抱歉詞不達意。
自己不肯犧牲卻在旁取笑犧牲的人，頂多係涼薄，明知道有危險重搖旗吶喊，等啲自以為真係有機會嘅細路走去犧牲，就係冷血！
而家講緊去北京，你估去北角？求其一條煽動罪都拉你坐十年，我唔係話死梗，但有危險都唔應該呀嘛？人地都有阿媽生，你好想見啲書都未讀完、連人生係點都未感受過嘅靚仔俾人拉咩？
周永康呢個靚仔講嘢都有紋有路，大把前途呀，你話佢地搭通到路，以合法方式去會面當然冇問題，如果係就咁衝上去就千奇咪制，萬一遇著阿爺心情唔好，殺一嚟儆百咁點算？呢啲咁危險嘅事，就算八成冇事都唔應該博呀嘛？連長毛都要原機走呀喂。
習總都開到口冇可能，唔通見到幾個學生就會自打嘴巴咩？咪傻啦。
我唔敢話佢地被人操縱，但肯定係被人煽動，明知山有虎，偏推啲細路向虎山行，道德點差，都差唔過呢種人。
本帖最後由 shiufon 於 31-10-2014 09:34 PM 編輯
Tachikoma 發表於 31-10-2014 08:46 PM
乜又由(「支持」理念「反對」做法)變左做「無意見」拿?嘩無意見都寫倒咁多野咁有意見咪可以出書?勁 ...
（「支持」理念「反對」做法）係指今次佔中，「無意見」係指大家以其他方式嘅爭取同抗爭，慘嘞，呢排啲表達能力乜咁鬼差？
》邊個迫你呀反對你就叫迫你?咁你咪又係喺度迫緊人唔好抗爭?
哈哈，咪緊張，我話冇理由迫唧，唔係話有人迫∼
本帖最後由 shiufon 於 31-10-2014 10:48 PM 編輯
Tachikoma 發表於 31-10-2014 05:01 PM
「首先請你唔好誤會，......，支持就係支持，唔需要搞得太複雜」
複雜?唔複雜喎你有關政府既發 ...
哈哈，本來我諗住已經講過幾次，所以諗住省略，不過既然師兄提起，我亦不妨再講多次。
我支持學生，係支持佢地嘅爭取心裡信念嘅果種「勇氣」同「忠於自己良心」，唔認同嘅係「方法」同莫視其他受影響人仕嘅感受。呢兩件事一啲都唔矛盾，亦唔虛偽。認同一個理念，唔等於認同一個行為。一套電影有個好好嘅概念，唔等於就係一套好好嘅電影。
你話請我去日本玩，我梗話好，但原來係撐橡皮艇去，唔通我又話好？
佔領本身係一個唔守法嘅行為，當示威者為爭取佢地認為應該擁有嘅人權，而用嘅方法係凌駕於其他受影響人仕本身享有緊嘅人權時候，一切所謂嘅公義，喺呢件事上已經蕩然無全，更遑論抗爭係建基於和平。
暴力，唔一定要一拳打喺人身上，網上欺凌唔需要見到對方，一樣可以殺死一個人。侵佔一個唔識嘅人進行佢嘅正常生活，甚至謀生方式，本身已經係一種暴力，縱使美其名係為所有人，亦改變唔到其實係將己見強加於其他人身上嘅事實。
咁當然世界上無一場革命係喺所有市民嘅同意下進行，成王敗寇，成功咗係革命英雄，失敗咗就係亂黨賊寇，係拯救大家定係害死大家，就只有結束、甚至係好多年後先知道嘞。
＜＜咁請你話我知幾時先至可以出黎抗爭啦唔該!
都話咗，從來冇人質疑同阻止任何人出嚟抗爭，而家係講緊方法同可行性，前文我已經寫咗，唔再重覆嘞。
＜＜何止呀各級政府官員大地產商建制派 甚至共產黨呀等等都話支持香港有普選架只係「單單」反對做法而已
呢啲就算喇，打份工，有預設立場冇得講，好難講真話嘅。
shiufon 發表於 31-10-2014 10:33 PM
哈哈，本來我諗住已經講過幾次，所以諗住省略，不過既然師兄提起，我亦不妨再講多次。
我支持學生，係支 ...
哎，寫錯咗，應該係：
你話請我去日本玩，我梗話好，但原來係撐橡皮艇去，隻橡皮艇重要係搶番嚟嘅，唔通我又話好？
本帖最後由 冬暖夏涼小恐龍 於 31-10-2014 11:26 PM 編輯
假的士會!!又係黑社會
這個又應該支持嗎?
【底已起】反佔領陣營發動小巴與的士團體申請禁制令，試圖阻止佔領者繼續堵路。《蘋果》追查兩個申請旺角禁制令的的士團體，發現的士司機從業員總會是民建聯地區樁腳，「的總」掌舵人黃一峰是福州來港新移民，與中聯辦關係密切。
【A1頭條】申旺禁制令的士團體起底
http://bit.ly/1zP0ehQ
https://fbcdn-sphotos-g-a.akamaihd.net/hphotos-ak-xfa1/t31.0-8/10518312_10152921599627448_9090258785226720311_o.jpg