咁5月Mp10即係有冇貨到? 我都係蒸粉訂左。仲要訂埋隻mp14....唉，真係凍過水...
BoAkawaii 發表於 15-1-2015 12:11 AM
HB一牛加一魚，不過我都幫襯佢訂咗，買老變一定搵佢，孤仔串過馬撚，寧願比多一魚蘇哥都費事受氣~~~
...
我反而覺得HB果條友串過馬撚喎
胡勒奇 發表於 17-4-2015 11:06 PM
我反而覺得HB果條友串過馬撚喎
唔係啩？我見到嘅係even一個新客人問問題，佢都好耐心咁問，態度都好客氣，呢度都有好多人幫襯HB，如果如你所說，佢態度串，就冇咁多人願意比貴少少都幫襯佢，我覺得佢服務好，因為同佢訂咗嘅玩具，佢一定有貨交到比你，唔會好似有d舖又delay又臨時加價，另外買完玩具都可以暫時放喺佢果度，唔洗拎住一大盒嘢周圍行，等行完街先返去攞都ok，唔知點解你話佢串，呢度都唔見有人投訴佢態度，反而由HB行樓梯落一層果間孤仔條鬍鬚四眼佬就串過馬撚。
BoAkawaii
老實講，我都見過HB 態度有差的時候，孤仔3樓有好的時候。但我就覺得HB樓上鋪賣同一樣野，價錢貴過人的話，就應該有更加好的是service，才合乎預期。
BoAkawaii 發表於 18-4-2015 12:23 PM
唔係啩？我見到
fTmxM 發表於 18-4-2015 12:41 PM
老實講，我都見過HB 態度有差的時候，孤仔3樓有好的時候。但我就覺得HB樓上鋪賣同一樣野，價錢貴過人的話， ...
Ching，其實態度好與差，有時候都係睇情況。我出油麻地一定會去HB，但冇見過佢串d客，正如我話見到有新客問佢問題，佢都好耐心咁答，因為我見過有人想訂MP-18B，但未幫襯過，就問佢係咪一定要member先可以訂，洗唔洗買滿幾錢嘢先入會，SO老闆話唔洗買嘢，只要比20蚊就可以做member可以即刻訂MP-18B，我覺得佢好有耐心答wor。
至於服務，我覺得佢服務都比好多舖頭都好吖，我自己嘅經歷，買咗美版MP-10但欠左胸倒後鏡，佢換過第二盒比我，仲可以慢慢揀盒QC好的。又買過MP-14，但兩邊都係左邊倒後鏡，佢肯換過第二盒比我，但因為當時佢都係得返一盒，換咗比我佢就冇貨，所以我話如果可以換display果隻我都ok，咁就唔洗冇咗一盒貨，佢仲話display果隻佢變過一次問我介唔介意，後尾仲比我帶返屋企，話可以拎返去自己砌隻靚嘅，然後有問題果隻下次過來先比返佢都得，5百幾嘅玩具，佢首先已經信咗我唔會走佬，我覺得呢d服務係best啦，所以我真係唔知點解會有人話佢服務差。
通常幫襯佢，因為佢d野齊，價錢唔係最平，當支持小店，有問題實肯換，so far 未去換過，
有無禮貌，可能咁講，佢一定唔係好似金舖d人咁笑笑口口講歡迎光臨架喇，可能佢表情無乜，但你問佢野一定答返你，唔會散你，我自己覺得ok，
之前mp 23炒到飛起，訂左二隻以為凍過水，點知原來有貨派，我好遲先去拿:43:
BoAkawaii 發表於 19-4-2015 01:16 PM
Ching，其實態度好與差，有時候都係睇情況。我出油麻地一定會去HB，但冇見過佢串d客，正如我話見到有新客 ...
你冇見過唔代表冇，我的確見過佢寸D客，我有時問佢訂貨問題，佢亦態度好串，
自己都做過SALES, 明白做SALES 難處,
自己有BIAS, 我講野成日都比人話串, 但係講道理, HB老世唔係幫佢, 佢答人野係無表情, 但唔會帶你遊花園, 直接成交法
BoAkawaii 發表於 19-4-2015 01:16 PM
Ching，其實態度好與差，有時候都係睇情況。我出油麻地一定會去HB，但冇見過佢串d客，正如我話見到有新客 ...
我算是 hb 生客，平均一兩個月才去行一次，一年頂隆消費兩三次⋯價格不一定便宜但睇得舒服買得安心，老闆亦有問必答。:78:
HB老細算係咁,我呢啲生客唔熟冇乜表情,佢同熟客都好多水吹,我買野又唔使話要同老細打交道,你賣我買,不過遇到有問題佢都會盡量幫手解決,淨係mp23已經係好例子,出面個個6百幾至8百幾,我訂貨既就原價,仲要有現貨4魚攞出嚟賣,問心你係老細都未必會咁做.
HB 我都係生客, 佢無乜表情係真O既, 但問佢問題都會客氣咁答你. 貨又可以慢慢簡, 有壞又肯換, 係買得幾舒服.
精粉果D..... 直頭黑面喎.....
BoAkawaii 發表於 18-4-2015 12:23 PM
唔係啩？我見到嘅係even一個新客人問問題，佢都好耐心咁問，態度都好客氣，呢度都有好多人幫 ...
我都同意樓上 C兄講,我試過問MR SO(唯一一次),態度真係麻麻,可能人非聖人,會有皮氣,可以佢個日心情唔靚卦,當我黑仔. (我個次係問佢MP10 美版問題)