網上登記要讚，但抽籤派貨就咪玩啦
呢次隻 Heartbreaker (Mark XVII)我好鐘意，由合金變番做膠...算！
變相加價.............算！
但好想HT可以了解消費者嘅感受同係運作上有番D正常水平！
雖然HT嘅强項係"話之你吖", 但每個消費者都有權合理表達意見！
網上登記係好事，有進步！讚！
但 "非VIP顧客取貨次序將按隨機抽籤的形式進行" 呢樣野就真係玩分化、玩歧視、玩班街客！增加派貨時嘅混亂！
-既然網上登記已抽咗一次、又分咗落訂時間嘅先後，好有運咁先上到HT門市做落訂，
咁做乜又要攪隨機派貨？
- "網上登記" 我地都有付出的，好似隻WM mark2 咁，我晚上上網登記完第日中午收到HT 嘅email 叫我一定要即日幾點-幾點上鋪頭落訂，
嘩！好彩有check mail 又好彩有時間就好似老婆要生仔咁跑去落訂，否則真係揾fd幫手都黎唔切！公司叫我做野都無咁聽話啦！
如果你公司個老細咁玩你你會點諗？(仲要係老細出粮俾你wor ！！！)
- 如果你係網上登記又俾安排咗首日去落訂，但遲你兩個月先去鋪頭訂貨嘅客 (例如隻 mark 35) ，竟然有機會早過你三個月先取貨，你嘅感覺會點？但又有乜需要咁安排先？
-最重要個點，張單遲，我咪預咗遲攞貨，但都有預算！ 貓女張單我係19幾號，預咗三、四個月後先有機會取貨，所以我唔會嘈！
但而家HT 嘅起貨功力越黎越成 "迷"，就算VIP 單都可能等到想死！咁隨機抽籤單即係點？6-12個月起貨、再加隨機抽籤、再睇彩數咪即係...等啦！答你唔到！
引用班"高人"成日講果句："玩玩具啫！" 咪係！我想買隻公仔自己玩啫...唔洗咁玩我呀？
再引用班"高人"成日講果句："又要買又要嘈"
咪係！所以，"隨機抽籤派貨" 嘅我都唔去訂喇！寧願到時加$買現貨，炒得太貴咪...唔玩囉！
但重點中嘅重點:
「顧客取貨次序將按隨機抽籤的形式進行」呢樣野(因涉及抽籤形式，『經營或管理經抽籤或碰機會而分發或分配獎品的競賽或其他計劃』) 間公司係要將個結果出公告架(報章or網頁都得)！
即係就算有一萬張單，都要列明每張單嘅取貨日子(要真係派到貨，無得delay架)，係派貨前公報！
嘩！佢地做唔做到架？但...我相信...我估...我有信心~~~
佢地嘅高層都應該知道要咁做...掛！！！？？？ 師兄，唔好咁hing住，
首先，佢實行呢個抽攞貨嘅訂單。第一隻都未派，都未知佢會點搞。
同埋，我覺得抽日子派貨對佢哋嘅運作都好大影响下。
人哋問派到幾時，咁啲員工要點答吖？
所以，我就覺得佢哋抽籤落訂，其實某程度上做咗分流啦！
所以，佢好大機會都係順住派。
以上純粹個人竄測{:1_215:} 網上登記唔知算唔算係抽籤,我登記親一定有,斷估佢地只係為左公開預訂時分流,我覺得咁做非常抵讚,起碼唔駛排餐死{:1_208:}
你認為佢個EMAIL只限定一日好過份?雖然我都覺得有DD苛刻,但係假如你MISS左個日,其實之後公開預訂時可以再去架,宜家咁既安排令公開預訂人流都唔算多,反正派貨都係隨機,其實幾時訂係冇分別架喎:45:
至於抽籤派貨呢....一隻都未派過,真係唔知佢點安排,反而係擔心到時聽唔到電話/BID返黎既單點樣去查詢攞得貨未:67: 上網登記,抽中左之後去訂,也可以說正常,但派貨再隨機派,就真係不知所謂了:* 多謝師兄意見，
其實我無 hing 架:he:
又引用D 高人所講: 玩得HT, 預咗啦！
但眼見佢地雖然生意做大，但運作同管理上又跟唔上
希望佢理解客户感受，合理地運作好D啫！
HT 好、玩家好，大家都好:71: 本帖最後由 lainam516 於 17-7-2013 06:40 PM 編輯
樓上QIY師兄有道理,
我覺得到時派貨佢地都會順住派,
間舖唔係大, 到時d客狂打電話或者上門問d員工
"我訂單編號係xxxxxxxx, 到我拎貨未?"
又或者
"我係xxxxxx, 電話係xxxxxx, 我拎得貨未?"
如果到時一大半客都咁樣問佢地, d員工實做到踢晒腳都似-3-
好多野都係書面上得個"寫"字,
好似有師兄post過張圖疑似係某雜誌既排版印刷啦,
上面有內容話會出"die-cast"既mark XVII同埋另外兩隻既MMS版,
到頭來而家呢隻都係MMS, 世事冇絕對, 佢地有最終保留權, 我諗佢地唔係害自己員工掛@@ 本帖最後由 hk小文 於 17-7-2013 06:46 PM 編輯
阿大佬，隨機派貨係好多用家認為最好的派貨方法，要求 hottoys 咁做的， hottoys 未咁做之前
，俾人罵到狗都不如呀！又話玩客又話做勢，什麼陰險計謀都說得出來，hottoys 都是怕了班專家才改，並不是 hottoys 一意孤行架。 其實我都係"錫"住HT先題出黎，
因為隨機抽籤真係會玩番HT自己，D 客又迷惘
大家都無好處 or 麻煩大於好處
如果最後又變番順派
咁...做乜仲攪抽籤派貨呀？所以咪提議佢:咪玩啦！ 都係個句，咩政策都有好有唔好，冇可能完美。
之前一直覺得有問題包括：
1. 訂貨人龍太離譜，又影響其他商戶(亦俾人話借機做新聞)
2. 炒單炒貨問題太嚴重，大量職業炒家攞晒頭幾日單，貨未出就將頭幾日單炒貴D，貨出左就可優先炒貨(一般用家真係唔會夠佢地班排隊黨玩)
3. 派貨慢，我諗佢地一日都唔知收到幾多個電話問佢地手上張單幾時攞得，接電話都係營運成本
結果抽籤派貨就睇落可以解決到以上問題，大家唔洗迫埋頭幾日去排長龍；炒家又失晒預算唔敢預得咁猖狂；最後個個都唔知自己幾時攞得，一定唔會有人話佢慢啦
其實我覺得抽籤派冇問題，但係如果佢可以講明一件貨成個派貨程序由邊日開始至到最後邊日，呢段時間內有訂過的都一定會收到電話攞貨，咁大家咪有個預算LOR。
新政策，試下先啦，唔試行又點知好定唔好呢？ 阿大大佬呀！
你睇清楚個"重點中嘅重點"先啦！
唔係我想點定你想點，係"法例"呀！
我突登唔想講咁明，因為越講得清楚就越俾人鬧 (慣啦！)
心水清嘅師兄自然明白乜法例
都係嗰句 :我都係想HT好啫！ 之前按日子派係有預算，預算遲丫MA(只要你不是首日單)
因為首日多為排隊黨排晒，訓街打尖樣樣齊，就係為左拎多幾張首日單
再放晒上Y拍推高個價，完全因為"先買先派"
到派貨佢一日唔拎，之後D師兄就打晒蛇餅乾等(我都仲等緊隻MK7)
隨機派貨就是要eliminate首日單ge著數
當然仍然會有排隊黨，但打尖排頭位再沒有意義
會唔會玩番ht自己，要睇佢點安排 之前按日子派係有預算，預算遲丫MA(只要你不是首日單)
因為首日多為排隊黨排晒，訓街打尖樣樣齊，就係為左 ...
etsc4344 發表於 17-7-2013 07:15 PM http://toysdaily.com/discuz/images/common/back.gif
同意（當然仍然會有排隊黨，但打尖排頭位再沒有意義） 本帖最後由 hkwadee 於 17-7-2013 07:41 PM 編輯
每個政策都有利有弊，我自己是VIP，我覺得這政策好處是訂貨秩序良好，弊處暫時唔知，要派貨先知，如果驚先訂後取，咪遲D先訂囉，遲訂遲取你就預左，萬一遲訂早取你咪有賺囉！ 口術黎既嗜, 廢事你地又估又嘈,真係抽籤派佢地可能仲亂. 抽籤派貨 vs 同南亞排幾粒鐘
我寧願揀抽籤派貨 !!!!