用新技術做頭雕?
本帖最後由 carousal 於 26-5-2013 03:24 PM 編輯現時HT 慣用韓藉頭雕師人手做頭雕, 需時不短且跟真人相似度不一, 本人一想, 有冇可能用3D scanner 先 scan咗明星個頭部, 再用3D 打印機把頭雕做出來, 起不是可以有9成以上跟真人相似?又可以用電腦任意修改這個digital 3D頭雕直到滿意.(最後效果當然要演員批准)
3D scanner 其實在荷李活電影中已很常用, 例如把演員個頭部scan 咗, 再用Digital animation 做出演員的"電子木偶", 用來做出一些演員不方便親身上陣的特效畫面.
相信可能HT已用這技術應用在把人手做頭雕複製成 prototype再大量生產.個人相信這個建議唯一問題是: 可以說服荷李活明星讓你3D scan 他的人頭 和保存他的 digital 頭雕嗎? 這個是人的問題, 不是技術問題. 歡迎討論.
3D printer 可以用來做什麼? 詳情可到 youtube睇. 本帖最後由 宮澤熹一 於 27-5-2013 05:32 PM 編輯
演員book期,仲有套戲合約時間問題。
比如電影係２年前開始拍，排左２年後上映,但電影公司同演員有agreement要保密，arround上映前３個月Ｄ造型先可以逐Ｄ逐Ｄ滲出,但演員同部戲個約係２年前拍完就完左（做宣傳另計）,所以以保密為由好難成事,除非一路連拍幾集期間就可以好Ｄ（例如matrix, 魔盗王）。因為一般Ａ級片拍完,後期要攪ＣＧ都要年幾。大家上youtube搵下ironman2果Ｄalternative ending之類就知,背景同cg全部係roughly套落去,就係因為未做後期。 呢個係技術同藝術既分別 , 科技係可以做到好真好似 , 但以人手雕刻而做到真人效果 , 我會用多d錢買呢種手藝多過無靈魂既科技產物 . 用3D scanner 先 scan咗明星個頭部, 再用3D 打印機把頭雕做出來, 起不是可以有9成以上跟真人相似?
Please have a look of DRAGON's MIB and ENTERBAY's MIB
DRAGON : 3D printer
ENTERBAY : 頭雕師人手 本帖最後由 etsc4344 於 31-5-2013 06:33 PM 編輯
其實3D printer有好多唔同級數，當然係反映喺價錢上
你上淘寶，平GE幾千銀就已經有交易，不過質素可想而知
(幾千銀只係機價，之後買料先貴，情況就好似printer買墨盒咁)
不過就算係貴價機，print出黎GE成品跟鑄塑的還是有點距離
第二，最關鍵的問題是3D print時間長
3D print的技術係將件野分開N咁多層疊起而成，N越大質素越好，但相對時間越長
(可以分到幾多層要睇你台機)
print一個約5x5吋左右的範圍講緊幾粒鐘(當然要睇番你print幾厚)
你可以想像幾粒鍾可以生產幾多個頭雕
鑄塑係造模時間長，但有左套模，啤件係可能幾分鐘ge事
效率上3D printer是不適合mass production的
(依家出貨已經慢，用3D printer咪要等幾年先收貨)
不過反過來說，如果量少，收益係cover唔到幾十萬起套模，就可以考慮3d printer
你可能會諗，時間長就買多幾台機law
咁真係要計番要買多幾多台機先可以追到鑄塑
第三，你3D print左個頭出黎
上色還是要人手的，同樣會出現質素上的差異
3D printing雖然有彩色的
但不可以做到噴油、絲印等等的層次效果
另外，我唔計技術上的問題
新電影你可以找演員來scan
但係出robocop、回到未來、未來戰士、star war........等等
你點樣scan？點樣3d print？
用rhino、z-brush做個真人3d檔？
我覺得用泥雕應該會快d
最後就是如樓上有師兄講
科技是取締不了手工藝的
人地瑞士手錶堅持用人手裝嵌，賣到鬼死咁貴
唔通準得過你鴨寮街買個隻？
不只是精準才有價值的
其實小弟講咁多，都只係扮下代表吹下水，各位請請呀:77:
貼多條link
http://www.youtube.com/watch?v=EUnf10DuWbE&feature=youtu.be 回復 5# etsc4344
有道理~例如日本個D手作眼鏡 又一定好過普通生產葛眼鏡 除了出貨量少~還有手作這個意義
另外 我林做量產就唔使3d打印葛 做個頭雕模 再倒模就可以 但實際是 原模現在葛技術 還是人手好 本帖最後由 chshting 於 3-6-2013 04:54 PM 編輯
喺依家3d printer仲未成熟去做大量生產時就討論或者會有啲唔公平，首先上面提到print好耐嘅問題應該假以時日就可以解決…
最大問題係日後演員會唔會畀人scan個樣做數碼數據啫，不過至於人手藝術同科技產物問題，坦白講，假以時日如果3d掃描真係做到同演員九成似，我真係寧願冇人手藝術工藝成份嘅掃描像真RDJ頭雕，都好過要大師個人風格走火入魔到唔知變咗乜水嘅IM mk 7頭雕。 呢個係技術同藝術既分別 , 科技係可以做到好真好似 , 但以人手雕刻而做到真人效果 , 我會用多d錢買呢種手藝 ...
dvddvdhk 發表於 31-5-2013 11:22 AM http://toysdaily.com/discuz/images/common/back.gif
電腦一樣有modeling and sculpting, 亦已經有人用緊. 如果要真, 的確係用3d scan還原度高比較.好似以咩都要追求真實既電影工業黎講, 盡量都會用3d scan, 但直接用3d scan唔代表出黎就一定得或者一定唔得. 仲要上色等等其他方面配合.而且3d scan完唔代表唔洗執, 舉個例, 曾經有位女歌星scan完出黎, 因為做cyberscan時候有水腫, scan完出黎你唔會認唔到佢係邊個, 但唔會覺得靚, 一樣要人手翻執. scan完出黎既model,有好多位都未必smooth, 唔係直接就用得.
人手同3d scan 可以亙補長短, 尤其如果個model size唔大, 例如面部既texture都想做得逼真細緻, 3d scan capture出黎既displacement亦可以去到好fine 好detail, 人手唔易複製做得到, 時間亦比較快.
好details. 電腦一樣有modeling and sculpting, 亦已經有人用緊. 如果要真, 的確係用3d scan還原度高比較.好似以 ...
mj23 發表於 3-6-2013 09:09 PM http://toysdaily.com/discuz/images/common/back.gif
師兄所講我完全明白 , 呢方面係個人取向 , 我喜歡個種靠工藝而做就到像真既手藝 , 正如現今技術可以做到個好完美既花樽 , 但亦都有好多人鍾意人手做既花樽既不規則美 , 正所謂咸魚青菜 , 各有所愛啦 . 絕對可以咁做, 不過如果個造型太多細少配件, 可能"成形"會有問題. 不過我覺得如果當係先做一個prototype, 再執靚佢先再開模做大貨會更方便. 不過大前提係部機唔平, 投資成本大, 而且部機放邊度, 就要個演員親自去果度被scan 一次. 我反而覺得如果好多電影公司有做開呢樣野, 我係HT我會prefer比錢買個3D file回來自己"print" 同fine tune. 咁做比較實際, 我又唔洗買一部機回來~ 蘋果日報
【本報訊】被形容為第三次工業革命的3D打印技術，成本因技術專利期完結而下降，日漸普及。有玩具商趁巨鴨周日告別，臨別「抽水」，推售3D打印迷你鴨。但這只屬小兒科，有業界最近已可為顧客打印另一個自己，費用只需約2,000元，有首飾店也為新人打印獨一無二婚戒。
記者：翁煜雄
本地引入3D打印技術已20年，先科機械負責人馮兆恒說，現較普及是因技術專利完結令成本大減，如可打印單色簡單物件的3D打印機只需1.8萬元，掃描器只需數千元，「淘寶仲平，質素當然差好多」。另一突破是俄羅斯半年前新推、售20萬元的便攜3D掃描器，可靈活掃描複雜物件，日本月前便應用於消費市場，推3D photo，替顧客做人像公仔，先科個多月前引入，每個只需2,000元，「有後生仔送畀女朋友」。
他解釋，是以掃描器掃描顧客全身，將數據輸入電腦送到3D打印機，就能打印出樣貌、衣服摺紋栩栩如生的公仔。
應用於日常生活
剛購入3D掃描器的策展人SK為藝人何韻詩、饒舌歌手馬米等訂製公仔，並擬籌辦有關3D打印展覽。他說3D打印可助設計師更易將概念製成實物：「唔使吓吓攞返內地造，好容易被翻版。」玩具反斗城昨也特製300隻3D打印膠鴨，顧客可要求打印自己名字，各售488元，市民柯太坦言只對技術有興趣：「咁貴，同一般玩具鴨一樣之嘛。」
特新科技公司總經理李竟松稱，待3D打印成本再下降，可應用更多日常生活，如燈罩爛了只需打印燈罩，「我同事個仔架車甩咗個轆，都係打印番咋」。 師兄所講我完全明白 , 呢方面係個人取向 , 我喜歡個種靠工藝而做就到像真既手藝 , 正如現今技術可以做到 ...
dvddvdhk 發表於 4-6-2013 09:31 PM http://www.toysdaily.com/discuz/images/common/back.gif
明白有人喜歡手工藝和機械產品的分別, 本人也很非常喜歡手工藝品, 但我地買噃來的12" figure 的頭雕其實也是用機器大量生產的, 只不過是個"初模"用人手做已矣.
而不論個prototype是用人手雕還是用3D printer 打做出來, 最後上色也一定要用人手, 也算是有手工藝成份的, 所以本人覺得分別其實不太大, 再者, 如上面有師兄所講, 後期再用3D digital scuplting 再執執佢, 3D scuplting 不能否認也有藝術成份的, 可以加入頭雕師的個人風格, 再唔係的話, 可用 3D printer 得出個初模後, 再請頭雕師用人手執靚佢也可以的, 人手和科技可互保長短混合使用, 至於成本(包括時間)是否最有效率, 就要留給有關公司思考了, 我不懂.
頁:
[1]