(我都更新左, 請看) Hottoys Iron man 賣買的問題
本帖最後由 gl_edmond 於 19-5-2013 10:50 PM 編輯我今天約交收一隻 Hottoys 的 Iron man Mk 6, 有一個好唔開心的經歷.
約了5時45分在油麻地等, 但我怕會遲, 早一個鐘打去話我可能會遲 10分鐘. 買家話佢要去另外的地方交收, 最好唔好遲. 於是我再安排, 結果 5時 32分已到. 我 Call 佢話早到, 著咩衫, 叫佢到左打俾我. 結果等到 45分未到, 我打俾佢, 佢話黎緊叫我等等. 10分鐘過去又未到, 打去又話排緊提款機. 等到 6 時 15分佢打黎點知斷左線, 原來佢在旁同人交收緊, 我同佢講你明知我到左仲咩唔 call 我, 或者你知我著咩衫都可以叫我. 我等左 45分鐘 (當然有 15分鐘係我自己早到底死). 佢一句對唔住都無, 仲惡過我話咪 call 左囉. 跟住比隻野佢 check, 佢 hold 住隻野定左一陣係度好詭異咁, 跟住話要打開 check, 但係比左錢我先 (但當然我由此至終都無見過錢). 我話咁算啦, 我唔想開隻野, 開左到時唔要點算. 跟住佢話係咪隻野有問題, 我話唔係隻野有問題, 係你個人有問題. 跟住佢掉低隻野係閘外 (當時我未出閘), 跟住走左去. 我要叫旁邊個師兄幫手攞番隻野.
我想問吓各位師兄:
1) 交收一般會唔會守時, 遲半個鐘係咪其實好正常, 只係我唔化?
2) HOTTOYS 的貨係咪要打開 CHECK ? 賣家寫明全新無開封, 咁賣家點可以保証裡面的野? 賣家唯一合理的責任只係保証封條無開, 當然買家有懷疑可以唔交收, 這都合理.
3) 我唔明如果你先比左錢, 然後再 check, 如果有問題, 咁你會 expect 人會俾番錢你? (如果會咁好, 咁駛咩俾左錢先? 如果唔會, 咁俾左錢先又有咩用?) 其實俾左錢先 check 貨只係店舖對付混吉客先有用. 網上拍賣反而係睇個評分重要.
4) 大家有無同呢個 mart.baby18 或 iamgar88 或 thompson.moon23 的人交收過? 如果有, 佢係咪真係咁賤, 定係我同佢八字唔夾?
以上純個人疑問或意見, 各位師兄請多多包涵.
以下轉至另一位師兄:
今日事緣見倒有賣家討論呢個人,我見佢長期係yahoo bid好多好多野,同一款可以一晚BID幾隻,估計佢應該係幫人bid野或者代交收,一係攞去其他地方轉售!但原來隋左我,我見仲有好多其他受害人,所以決定公開佢,以免更多朋友中招!
交收技倆:佢通常慣性BID完會立即留電話,唔知以為佢好有責任,但事實唔係,有時打俾佢又話無BID過,一時又話有,通常交收佢多數都會遲到,仲要完全唔會唔好意思,到交收個時,佢會好似驗屍咁驗(全新),但其實貨品無問題,估計佢係想睇下有咩地方可以壓價,如果你見貨品係二手或者開左盒仲大獲,佢會續件拿出黎,用D好奇怪既眼神望,感覺上似捉錯處,大部分用家炒家我見都好少會咁樣,唯獨是係佢一個!
特徵:極普通男仔一個,望落似20-26歲左右,帶眼鏡,咩背囊,唔高,同埋望落幾似電車男,有時打去約交收會係女人聽,但出到去多數係男人,有時見佢拿著張紙去對,應該有好多交收,佢係YAHOO有極多帳號:
1. brownbrownsing(14負評)
2. davis00721 (11負評)
3. miller.golf4 (7個負評)
4. jonesgd555(7個負評)
5. whitechoi8 (衰到俾YAHOO停權)
6.mart.baby18 (新開,暫時2個)
7.iamgar88(新開,都係2個)
8.thompson.moon23(買家話話比人爆格冇錢,唔知各位信唔信) (6個負評)
多謝熱心人士報料,同埋俾佢既負評入面,會露出好多佢既不同帳戶名稱,仲有以下個D都係佢, 同埋TEL:5405xxxx,以後交收前要對下電話先
9. morris4244 (4個負評)
10. patrickma911(4個負評)
11. ibuyibuy444(6個負評)
12. drawing6655(7個負評)
13. benyu486 (9個負評)
14. alancheung328(8個負評)
15. harrisbus9 (7個負評)
16.nickwong112 (4個負評)
一個人唔係預左長期會俾人負評,邊有可能會有成10幾個帳號,仲要個個帳號都好多負評,各位朋友有時間,可以睇下佢D負評,唔單止係普通BID完唔買,仲有約好哂交收賣家出到去突然失蹤,不合理議價,無理驗屍,長期失蹤等等!炒家就見得多,但都未見過D人既負評可以CHEAP到咁樣,大家睇哂就會明白!
講出黎係想既各位朋友注意,免得被無理驗屍壓價,或者無故被負評,強烈建議各位賣家直接將佢加入黑名單,俾負評佢係無用,佢習慣bid完唔交收直接再俾番負評賣家!
本人以上所講既野全部有根有據,大家想睇佢d衰野只要係yahoo將佢d名加入好友或者黑名單,就可以知道佢d衰野,唔係我一個,好多賣家都係咁講,亦希望更多受害人詳細講下同佢既交收過程,或者睇下有冇其他佢既帳號寫漏左右!
最後唔知有冇放錯版,希望版主唔好刪除,多d呢dPOST,就會少d受害人!希望各位多D分享出去,更希望熱心人或受害人士提供相片,我相信好多人都相睇倒!
mart.baby18 或 iamgar88 或 thompson.moon23
3 個都係佢 ? 你唔好彩喇巴打, 下次小心 d mart.baby18 或 iamgar88 或 thompson.moon23
3 個都係佢 ? 你唔好彩喇巴打, 下次小心 d
berndy1111 發表於 17-5-2013 01:50 AM http://toysdaily.com/discuz/images/common/back.gif
我都係睇番其他受害的負評得知. 防不勝防... 我都係睇番其他受害的負評得知. 防不勝防...
gl_edmond 發表於 17-5-2013 01:58 AM http://www.toysdaily.com/discuz/images/common/back.gif
有冇佢 yahoo 條 link ?等我都可以小心 d 本帖最後由 chankb 於 17-5-2013 02:25 AM 編輯
ching, 第三者好難下評論, 因為唔知你yahoo auction評分如何, 有多少劣評等.如果你本身太多負劣, 對方小心也屬人之常情.
1) yahoo auction 真係乜人都有, 約左唔出現都試過, 係遲左, 但佢都叫有call你. 放工時間rush hour, 如果有話要遲下自己都可以接受,
2) 其實賣家如果唔能夠保証密封貨品質素(因為自己都未開封看過), 同冇得check貨, 最好事先寫明, 一來好多人都要求及接受付款後即場check貨, 二來因為香港有法例防止賣方出售與貨品描述不符的物品.至於check貨程序, 如貨品開封後發現有問題如何處理要事先雙方同意 (例如何為有問題).在未完成交收前, 你拒絕開盒要求也未尚不可, 因為交收過程要雙方同意.
3) 看上. 回復 4# gl_edmond
太多負評者都係要超級小心.我通常都有買家負分上限要求.賣得平左好過比人玩. damn shit experience 如果俾咗錢先，開盒check有何問題？一買一賣尤其係網上交易都應該謹慎，保障雙方利益。如果我係買家，冇十四日保養單我會要求即場驗貨，乜6閒閒地都四牛幾，斷估唔會有人唔駛睇大拿拿就俾四牛你，拎返屋企先慢慢欣賞，萬一貨不對辦，到時追已經太遲。
我Get到師兄你意思係如果買家堅持要驗貨，不論俾唔俾錢你都不能接受並拉倒交易。換轉我係買家我都火滾。不過個買家發老脾掉你件貨落地又的確唔啱。
個人觀點：網拍交易模式跟正常買賣唔多唔少都有唔同，賣家覺得自己在割愛，所以要買家萬般遷就；買家永遠都認為顧客永遠是對的。雙方企硬就永遠都搵唔到共識，所以我賣東西時會先想買家感受，買東西時也會站在買家角度想一想。如何順利促成一單交易，有陣時就係睇你肯唔肯行哩一小步 我想問下呢個人係咪帶眼鏡,咩背狼,唔高,同埋望落似電車男,佢好似成日bid完野都唔交收!
sw0063 發表於 17-5-2013 01:56 AM http://toysdaily.com/discuz/images/common/back.gif
中晒, 師兄. 原來係慣匪... ching, 第三者好難下評論, 因為唔知你yahoo auction評分如何, 有多少劣評等.如果你本身太多負劣, 對方小心 ...
chankb 發表於 17-5-2013 02:14 AM http://toysdaily.com/discuz/images/common/back.gif
師兄, 你誤會左啦, 一路都係我 call 佢, 佢唯一一個 call 係遲左半個鐘到左打果個電話.
我最頂住係我致電話要遲, 佢話唔得, 於是我早到, 但佢遲大到就仲惡過我. 回復 2# berndy1111
貼唔到 link. 你認住呢幾個 ID 啦. 我唔知Ching講果3個人係咪同一個, 不過我同過其中一個交收, 係個中年女人
事件中我係賣家, 佢係買家, 貨品係一件已開封玩具
一開始聯絡時佢已經無視我嘅說明, 要求我就哂佢時間地點, 當然無可能就唒佢, so I said No
到交收時佢一拎起件貨就開, 續件數, 數咗3次, 然後竟然話件貨點點點,
要壓我價, 好彩我"貨品說明"時已經講清楚, 我當然企硬, 話: 咁你要定唔要?
最後佢俾錢, 大家黑住面完成交收
係一次好差嘅經驗 Edmond 兄不要不开心，其實如果你在yahoo賣買時間長了就見到好多依種人！其實我都想要mark vi 好奈，你個價几多，啱價我要:71: 個人覺得, 如未開封品, 如買家付全數後即場開封檢查做法沒有問題, 如開封後發覺有損壞或缺件, (不是指輕微的脫油之類) 賣家亦即刻退款~面版主所說買方態度差是另一個問題, 就算覺貨物有問題亦不應發脾氣~