回復 14# uno12121
希望長時間........
覺得大約10日前截訂
回復 15# uno12121
第一樣係聽做過港漫兵器的朋友講
做玩具成本唔係做1000隻會平過2000隻，相反量越大，每隻成本越低。即2000隻的每隻成本比1000隻更低。
不過有趣的是每隻成本低左，價錢仍然不變，即每隻利潤更大。
既然在大量生產前，已經肯定了數量，自然可以更易控制成本。甚至可以話，當真係預賣1000隻，多了5000隻的話，並唔會因為咁而要蝕，而係賺更多。
第二，質量控制，唔等如量多就會質低，反之量少，質低的例子更明顯，就好似HT近日的哥哥，正是量少質低的好例子。
量多，工人更多時間重覆同一工序，只會更熟練，更好！
第三，公布總產量，可以話係資訊流通。咁係對所有買家有利。
話資訊流通對消費者不好，真係第一次聽。
回復 17# 百龍天舞
我只可以講，你聽左你朋友講，但你冇考慮係咩產品同時間，
係人都知order越多成本越少，咁係咪要出到供過於求先叫有著數?
你用出兵器既成本與時間同合金figure比?你覺得一年好長啫，君不見ht近來隻隻都趕到屎滾尿瀨，佢個量出到人人都可以入兩三隻，但兩三年後先出到貨你訂唔訂?
哥哥既例子好明顯係時間唔夠，如果唔係佢都唔會分兩批出，當然會有熟能生巧呢回事，但會係速度為主，如果你話量少就會質劣既，咁應該d hot item頭批肉酸，最後一批勁靚勒。
最後你話資訊流通對玩家唔好係第一次聽，無錯，因為係你講啫。我係話方便左d炒家，自己爬返上文，依家你地炒蝦拆蟹都係因為有排隊黨啫，講真有個鐘仔報數最後幾多十隻，大把人又話未得閒訂，你係炒家的話你估你會唔會即刻掃曬佢!?
回復 18# uno12121
第一，冇人要供過於求，延長供應期，一樣係完左後，做訂單給客，冇分別。
第二，後期貨較前期貨改善的例子的確存在，如mark6戰損胸甲事件。
第三，大家清楚仲有幾多貨，係對所有買家好，因為對所有想買的人，都可以有預算。你可以不斷話炒家多左情報，但一般玩家一樣可以得到同樣的情報。而家好多普通買家要迫住排係因為情報不足，擔心唔訂就截，冇得預算。
第一同三同你討論落去都唔會有結果，只可以講，你估候活唔想賺得幾多得幾多. 第二.個胸甲好明顯係個模開錯，枝棍仔唔係靠工人<熟能生巧>去用手拗架…
老實講Hottoys只係間生產玩具的公司,無必要款款產品都公佈生產左幾多隻掛?!
本帖最後由 hk小文 於 10-4-2013 11:05 PM 編輯
成日要人地間公司做呢樣做0個樣，但係咪個個星期都有 ironman, Batman, joker......呢類 hot item 先？洗完舊錢然後發現無人用嘅又點呢？做生意吖大佬! 玩吖？公報幾時截訂，夠數就截架啦，但邊個知幾時夠數呢？生產幾多隻我有理由相信唔係 hottoy 可以決定，而家 D 人玩玩具真係玩到大 X 晒咁架噃，洗唔洗 hottoys 開埋盤數俾你地睇吖？
本帖最後由 good886 於 11-4-2013 12:07 PM 編輯
除非係上市公司, 否則, 一般公司唔會公布訂單數量, 消售數字等, 呢d都係商業機密.
除非少數的限量品, 如800隻戰損, 否則, 公司在商業戰略上, 不會公布自己每次做幾多生意, 比對手知道底牌
大家如果從玩家角度, 的確可以想出極多的方法去方便買家. 正如無限量收訂, 直至派貨前一日才截, 就已經好方便買家了. 但在商言商, 這太方便的方式, 只會令自家品牌價值下降, 不利發展.
市場部考慮的, 是怎能讓產品熱賣, 制造連鎖效益, 如果不能做到這點, 就是失敗. 同樣, 炒家炒死件貨品, 同樣出問題, 管理好每一款出貨量, 是成功品牌的關鍵, 如果勞力士地通拿不停的出貨或復刻到今日, 咁您就唔會再買, 或留意佢下一隻產品.
所以, ht考慮的是如何平衡, 對付炒家之餘, 玩家又能買到, 市場上又能造成話題般熱賣........ 基本上各方面都是對立的, ht應該沒有什麼方案可行.
班大帝最想 HT 無限出偵，出到件件貨都有跳樓價，然後就懶有先見咁同人講好彩自已無訂！隻隻跳樓價呢 d 生意你做勒！
我好希望嗰位師兄可以入到ht董事局，為我地玩家提供呢d福利。
讚成HT應該預告截訂日期！！！
HT, 我輸了, Iron Patriot訂唔到, 要食炒單!
easter假最後一日(1/4)去訂, 但sales話早一晚cut左, 真灰!
放假, d人有時間行街買玩具, 而你就cut 訂, HT marketing真識玩人!!!
而且cut 左就好心公佈啦, 又唔講, 要人白行, 浪費時間!!!
到Mark 42開訂, 就有晒特別安排!!
明知Ironman 3 呢ｄ咁大既project, 就應該預先制定預訂安排啦
如果Patriot 有相同安排, 我一定訂到
日日都有人DAYOFF...咁幾時先係CUT訂個日呢~~???PATRIOT開左10日,你無放過1日~?
唔通你遲到搭唔到班飛機，咁又係間航空公司問題？
請問邊間航空公司冇講明班機既日期?!😂
回復 26# fcs206
師兄∼人人都搶住訂，你自己訂唔到都要插?
之前th響FB公佈某日會因事早收工，一樣有d大爺話：「我幫襯你之前仲要下下上網睇你FB呀!?」。總之點做都有d大哥鬼叫。
以後若果你唔想白行，就醒目少少打去問下，話曬d hot ltem唔係得你想訂。