早被潮流掩沒既BBI, 係當時黎講係一個劃時代既人偶廠, BBI本身除左做1/6人偶, 仲會做其他比例既軍事模型, 可能佢地經驗豐富, 所以當時黎計, BBI先算係最強既軍事人偶廠商, 而且BBI既積極表現令佢係軍事人偶界有一定地位, 當時平均一兩個月已經會推出一款新既, 除左現代軍事, 亦會推出二戰系列, 而更出奇係, 佢會出市場極少見既壞旦系列, 果個系列雖然出得兩隻, 但係出品令人印象深刻, 其中一隻更可以食雪茄, 連雪茄D煙都做埋出黎, 仔細度之高令人驚訝, 而又因為佢有出其他比例軍事模型, 所以BBI亦係少有會推出1/6軍事載具既公司黎, 好似佢既F15戰機座, 更係當時各人偶迷贊歎之作, 去到2013年既今日再去睇返果隻F15, 一D都唔輸蝕, 仔細度高, 可玩性大, 最記得係連座位果扣同安全帶都好精細咁做番出黎, 但以當時黎計都係一個天價數字……………若以今日2013黎比, 當然係超值… 你地家下閑閑地半隻IRONMAN都唔止…..
http://www.bbicollectible.com/photo/product/big1/024300-1.jpg
去到SWAT之後, BBI似乎退出左1/6軍事人偶市場; 唔知係咪隨住其他軍事廠既彈起, BBI係早幾個月再度推出新品-------SEAL Team Six - DEVGRU Red Team, 不過好可惜….雖然呢個消息的確引黎一陣哄動, 但題材同質素已經唔再合乎2013既指標, 推出之後無係任何人偶論壇見過, 明顯比新廠SS, DAM等比下去了, 希望BBI加把勁, 或再出1/6載具黎震撼市場
1. BBI係第一間推出雙頭雕既廠, 係當時係一個大膽既嘗試, 因為兩個頭雕係唔同表情
2. 除左雙頭雕, 佢地仲會推出連獵犬既人偶, 亦係市場少見
3. BBI亦積極推出不同國家既士兵, 呢點十分可敬, 英,美,法,忍者,NYPD, 好似狙擊手吉林裝, 佢地係早年已經推出過, 題材十分廣泛
4. BBI其中一個賣點, 係佢既武器, 以當時黎講, 佢既武器算係數一數二, 除左比例準確, BBI亦少有地會利用金屬用係人偶既武器內, 係當時係絕無僅有既廠商會咁做, 不過好可惜, 金屬槍太重人偶好難拎住, 加上好易甩色, BBI後期亦無再用金屬黎做槍. 而槍既配件更見仔細, 好似槍既瞄準鏡往往係賣點, 好記得BBI出過一個狙擊手, 枝M14係有兩個狙擊鏡係同一枝槍度, 往後十年你都唔會再見到, BBI出過既瞄準鏡都非常有質素, 而且偏鋒, 佢出過既其他廠未必會出現. DML, 香港人偶廠中既先駒者, 同BBI好相似, 本身DML係出其他比例既軍事模型, 加上係香港有零售店, 所以係香港有一定知名度; 相信大部份既老餅人偶迷, 都會對DML有一定了解, 當時佢係荷李活廣場頂樓既零售店, 亦係一個陳列室, 新到既軍事人偶都會係果度陳列, 間唔中去睇下都係一件樂事…
DML出品同樣多樣化, 外國軍隊, 本地警察都一應俱全; 其中推出香港警察不同部隊更係令DML聲名大噪, EU, PTU, 拆彈隊, ASU, SDU連G4都出埋, 係當時欠缺本地題材既人偶市場, DML好易就爭到一席位(好似SDU係DML成名作, 詳情請睇番上面回憶錄)
DML出品係當時十分吸引, 配件多, 仔細, 但係去到中後期, 你會發覺好多配件都係番用, 加上題材用盡, 有感DML無意再在1/6人偶市場中再爭雄, 慢慢DML只集中推出二戰系列, 在DML手中, 二戰似乎係一個出之不盡的題材……
DML近年亦會參與華語電影角色既人偶產品, 近年有逆戰, 舊有少林寺/全職殺手/瘦身男女/中華英雄等, 但當然, 質素似乎沒跟進到時代的步伐…..DML亦只能成為老餅人偶迷心中的回憶了…….
1. 香港1/6人偶先鋒
2. DML題材不限係軍事上, 連太空人都會出.
3. SDU系列轉變當時軍事人偶生態, 慢慢擺脫人偶單係玩具既範疇
4. 本地首次電影角色人偶化, 亦是人偶史中重要一環 旺角旗艦店有兩層, 係難支持D.
依家火車橋左右各1間.
D野好貴, 買唔落, 我用左15年才升呢到銀牌. 金牌無望了. BBI隻SEAL TAME SIX 似乎係HK同BBICN係得小弟出過POST....
http://toysdaily.com/discuz/thread-192646-1-1.html
注意拍攝中途小弟跌散左支槍，所以有幾張相個瞄準器是裝反了的...:no: 你岩, 我果隻的確係RAY黎(盾牌手) 樓主我搵到你果隻SDU飛虎系列嘅Ray,盾牌果隻,我買咗之後影相Post上黎比你睇,係100%全新未開封
...
積克船長 發表於 22-4-2013 12:53 AM http://toysdaily.com/discuz/images/common/back.gif
這5款我都有，不過已拆晒盒了，另當年破門手有額外附送一款工具，好懷念！
頁:
1
[2]