我的人偶之路-----老餅人偶迷回憶錄
本帖最後由 jura 於 6-4-2013 11:22 AM 編輯我會係呢度分享我既人偶之路,呢個係好老餅既人寫既人偶回憶錄, 由一隻ACTION MAN到自己創作人偶, 我亦會補充少少人偶公司既資料入去, 可能你地會有興趣, 又可能會悶親大家, 未必岩各位, 謝謝觀看.
嗯….應該怎麼說起呢?
想到了, 應該由我第一隻人偶說起……
回到1993年, 那時候的屈臣氏唔止係單單既葯房, 亦有玩具部架, 相信只有老餅玩先會有印象, 當時媽媽經常帶我去行屈臣氏, 果陣已經’屈’左唔少’戰利品’ 好似大富翁, 龍神丸等……
有一日如常去屈臣氏時, 看見一件令我眼前一亮的玩具, 橙色包裝盒, 寫著ACTION MAN字眼, 這個…就是我第一個看中的12”人偶(下圖). 當時既我完全唔知咩係12” 人偶, 只知道細個見過GI JOE, 呢隻應該係類似既野, 但係包裝吸引好多. 就係咁, 我就帶左我第一隻人偶番屋企….
http://4.bp.blogspot.com/-RmDqvB4Oh1w/UAGdLLaMlCI/AAAAAAAAB4o/HIFZtO6PLkw/s320/action-man-cop.jpg
天啊….實感十足既T恤, 牛仔褲, 一件只有前半部既藍色避彈衣, 仲有黑超墨鏡一副, 對於從未接觸12”人偶既我黎講, 係一件好震撼既事, 除左衣物, 仲有配件上既滿足, 一個可以裝在人偶及自己手上既彈弓飛彈, 証件等. 當時我對呢隻人偶愛不惜手, 日玩夜玩, 有一日我唔小心屈到佢隻手, 非常心痛, 但事後發現, 原來呢隻人偶既手, 係包膠黎!!! 竟然內藏關節…….係
事後我經常留意呢隻人偶既來歷, 係多年後我先知ACTION MAN中文名叫雷霆英雄, 係當時明珠台播放半小時既卡通片主角黎…..
當我擁有ACTION MAN後, 我就成日想要有第二隻人偶, 原來人偶係咁Q貴架, 當時人偶既技術唔得成熟, 連DML既軍事人偶都未出現, 只有GI JOE同21世紀, 而當時呢兩間公司既出品係市場亦十分少見; 加上果陣實在太細個, 要老豆帶我出廣華街先會叫有得睇下人偶, 所以要得到第二隻人偶根本係遙遙無期….
但係我對人偶既慾望無因為咁而減低…….係一次偶然既機會下, 我發現左原來人偶都可以係我負擔既範圍…..
拉下去到繼續睇 多謝分享 。。。G.I.JOE 同 21 我以前都有玩 ... 本帖最後由 monchii 於 6-4-2013 01:51 AM 編輯
期待大大未完的回憶錄................ 本帖最後由 jura 於 6-4-2013 11:15 AM 編輯
一次同爸爸出街, 去到北角一個商場, 呢個商場好陰深, 好恐怖(當時有套電影叫生化壽司, 正正係呢個商場拍攝), 去到商場中既一間鋪頭, 見到好多玩具, 係一塊水松版上, 居然放左一枝又一枝既人偶武器!!!!!! MP5, AK, M16, 天啊, 呢D都係我夢寐以求既武器, 如果呢D武器放係ACTION MAN手上, 係一件多麼威武既事啊…..再望真D, 哇, 原來連衫都有架喎, 價錢唔洗幾百, 只係幾十, 我都負擔到喎, 呢個大發現真係一件賞心悅目既事啊…..當然, 各位都知道, 呢D就係我地而家叫既散件啦… 玩散件我負擔得起, 而其中既樂趣就係我可以DIY組合人偶, 呢種滿足感好大, 我諗各位有玩散件既都會明我講咩,
由於ACTION MAN本身唔係真實向既人偶, 係我發現散件後, 我開始研究埋槍件, 軍事既資料等, 好等自己玩人偶時滿足感更大, 我既人偶之路又向前行左一步……
去到2000年左右, 當時暑假會有漫畫節(仲未叫動漫電玩節), 當時DML(威龍)都會係現場攞放一個攤位, 而係果一年, 令我最興奮既一刻, 點解?
因為DML會係攤位度做特價, 大部份軍事人偶會以特價$350出售, 足足等左一年, 緊係唔想再等, 即時去買番一隻, 咁多隻軍事人偶, 要邊隻好呢? GSG9 ? SWAT? 到最後, 我都係選擇左香港既SDU破門手人偶(連盾), 唔講唔知, 當年
呢款五隻既SDU係市場係十分震撼, 有幾點補充:
1. 香港首次推出SDU 1/6人偶
2. 當時既軍事人偶都無小隊化, SDU係唯一一個系列儲齊等於成個小隊
3. 香港導演陳嘉上, 用左兩年時間收集SDU資料, 用品, 用黎拍攝電影<飛虎雄心>, 之後同DML合作, 將資料俾DML參考, 所以呢個飛虎系列係史無前例既精準
當年睇到資料已經好想買, 但係果陣呢隻人偶正價要五百幾, 仲要成個TEAM, 根本無可能買到, 去到漫畫節特價喎, 真係開心, 果陣仲幻想一年買一隻, 五年可以儲齊一套SDU添
http://unitedtoygallery.com/img/p/18-57-thickbox.jpg
買左返去, 真係開心到飛天, MP5 SD(連係上面既水印都做到), 白朗寧, 防毒面具, 盾, 呢D配件既精細度係前所未見, 比例精準, 同21世紀既散件比真係差天共地………….而係呢個時候開始, 我對軍事人偶既要求就此提高, 果陣見返買返黎既散件, 真係想掉左去咁滯.
男人, 都係貪新忘舊既, 有左呢隻SDU, ACTION MAN好快就俾我掉埋一邊, 到最後仲俾我表弟用箱頭筆畫花左, 不過我最後都無掉到, 仲係我床下底
時間又推進左幾年, DML係當時的確係香港之光, 佢已經完全將21世紀收皮, DML亦成為軍事人偶既代名詞, 但係, 係呢個時候, 出現左一個強勁既對手, 一下子將DML比下去, 亦帶俾我更多震撼, 下回分解 nice post, keep going, brother~~ 回復 4# jura
我林系HT對吧，對於引我入12寸之路的，是EB精武門，我也一直保存，雖然也不比上現在出品了 本帖最後由 jura 於 7-4-2013 02:31 PM 編輯
上回講到我見到另一個軍事系列, 精神為之一振, 究竟係咩呢?
係當時既兆萬中心, HT都係岩岩出現, 連LOGO都未係現家呢個, 當時跟風出左一SET SWAT既人偶服, 唔跟素體, 老實講, 好唔掂, 以當時技術黎講, 只係好過21世紀水平少少, 配件比例差, 衣料麻麻, 我係當時亦覺呢個版子難以同DML對抗(當然….事實正好相反…..HT今日成為了人偶界最神既公司)
行過少少去到超人; E? 做乜一個二個拎住盒紅色既人偶出黎? 究竟係乜黎架?
一入去看過究竟, 原來, 呢SET又紅又藍既, 係日本廠MEDICOM推出既特種部隊系列, 先黎既係SAS同GSG9,GIGN, 一紅一藍. 我見到眼都突埋, 衣料靚左左好多, 件SAS既戰術背心仔細度比DML有過之而無不及, 仲要有繩位黎綁住, 令到人偶修身好多, 槍件精細度同DML差不多, 但係MEDICOM枝槍明顯大少少. 我估唔到原來日本廠都有興趣係軍事人偶事情, 望望價錢…
http://i1.hk/u/attachments/day_090409/20090409_13a93315baec4009bddfoQa2lRP6BJes.jpg
#$%^&*#$%^&*#$%^&, 乜咁貴架, 我200%負擔唔起…..再去返TOY HUNTER度望, 一樣咁貴, 但係我仍然愛不惜手…..拎起手上睇左好耐, 當年既我只有十三,四歲, 覺得有點奇怪, 可能係咁, 有個男員工走過黎同我介紹, 佢話呢隻係日本既MEDICOM系列, 好快賣哂, 對上既款會次次清; 我心諗鬼唔知咩, 我直頭想一炮過拎哂番去(N年後回想此事, 心諗呢個可能係侯活黎, 但唔肯定)
因價錢問題, 我事後都此系列只能望門輕嘆…N年後再係網上睇番價錢, 仍然有上無落….係果陣我就知道, 原來, 12” FIGURE唔係咁易玩得起….日本野原來有一個咁硬既價值係度.
如是者, 我懷著失落既心情, 繼續係旺角行街….記得細個老豆帶過我去一條街, 係好多氣槍賣既….記得係隔近, 於是去靠記憶去行下…..
當然, 大家都會知道, 呢條就係廣華街啦….
去到果度, 有我最愛既氣槍, 數之不盡, 果陣未有國狗, 所以大部份槍都係台灣同日本貨, 貴到飛天, 但係我都好鐘意去睇下, 行左個圈, 居然俾我發覺又有一間賣12”人偶既鋪頭, 呢間鋪頭醫院對面, 印象最大既係, 佢係鋪既上面, #左架1/6小鳥直昇機, 機上仲要有機師同一個狙擊手, 天啊!!!!! 乜人偶可以咁玩架咩? 玩到咁寸, 玩到咁盡…..
我當時見到緊係開心到痴線, 成間鋪好似樂園咁….勁多散件, 有最齊既BBI軍事人偶……而係呢度, 我亦發現左有MEDICOM SAS既散件, 係一枝MP5黎…果一刻唔夠錢, 要過多幾個星期先可以番去買….細個成日都覺得呢個老細好惡,成日都唔笑….但係大個又覺得佢幾有格, 同熟客先會有講有笑, 可能我同佢唔熟啦, 哈哈…..
老餅既玩家, 去到呢度, 你地對呢家店有印象嗎? 如無記錯, 呢間應該早期T-2, 之後先搬去廣華街內街
下回待續----先達奇遇記 家下住九龍灣,由旺角番屋企, 都會係先達隔離搭小巴, 咁係走之前, 當然會去先達廣場度朝聖一下, 係當年既先達, 係一個充滿翻版既國度, 你地經歷過$100先有一隻翻版VCD的年代嗎? 你地印象可能係一百蚊X隻, SRY, 係我個年代, 老翻VCD係會做到好似正版咁架, 會印好封面, 做好CD盒再加埋膠封先賣俾你,價錢唔會平得過幾十到一百(因當時VCD岩岩出現, 一隻閑閑地一,二百先有交易)
一間又一間老翻VCD店, 有少量賣正版的, 但不多, 而當時因手提電話未咁普及, 賣電話既鋪頭只係佔好少數…..
行到二樓, 會有一間賣12”人偶既鋪頭, 同其他既差唔多, 你會係度搵到好多散件, 我敢講, 呢間會係香港其中一間賣最多散件既人偶店之一, 但係店內不大, 俾掛住度既散件班親塊面係好閑事…..我係呢度都買過唔少散件, 好奇怪, 係呢間鋪頭坐陣既, 係一個中年四眼阿叔黎, 係幾年後, 先達慢慢俾電話店佔據, 呢間人偶店亦唔見左; 當然佢無執到, 而係搬左, 現在係現時點1樓, 間鋪好光猛, 一對夫婦在店內坐陣, 門外有鐵血戰士S海報, 仍以賣軍事散件為主, 各位有印象嗎?
去到先達三樓, 會有較多既玩具店, 以前都幾多元化, 除左漫畫店, 亦會有美玩店, 呢D好少見架, 到今日都買少見少…..先達果間美玩店應該執左了….好可惜.呢…… 當然係呢層又會有另一間有名既人偶店, 店內好窄, 轉身都好難…但係都算係佢既特色黎, 店既玻璃會擺放近百個軍事人偶, 好贊啊, 咁多間人偶店, 只有呢間係會放咁多人偶出黎…..有日本既, 有DML既….呢間店經過多年, 係先達度轉過幾次鋪, 但係咁多年, 都係佢最後係先達既日子最精彩, 密密麻麻既軍事人偶, 放哂係出面慢慢睇, 其實都係一個特色黎, 記得有次個老細仲好平咁賣左套DML沙黃三色迷彩既軍服俾我, 都係$30, 可能見我係個中學生死肥仔, 黎咁多次都無幫襯, 哈哈……家下搬到到皆旺了
下回待續-----人偶大戰開始(軍事篇) 師兄睇你post帶比我無限回憶，非常期待你續集{:1_208:} 師兄睇你post帶比我無限回憶，非常期待你續集{:1_208:} 回復jura
我有兩隻
Dragon 威龍 1:6 12吋 Action Figures
皇家香港警察 冬季輕裝 警員 PC.10001 少 ...
積克船長 發表於 13-4-2013 04:31 PM http://toysdaily.com/discuz/images/common/back.gif
少杰係跟重慶森林既梁朝偉, 已經算係中後期既警察系列,
但你呢個飛虎, 係跟後期王晶既飛虎雄獅, 而唔係當年既飛虎雄心(1994),
雖然一樣係叫STONE, 但故事完全唔同.你呢個SET應該係送埋VCD架, 係咪? support........ :71:
頁:
[1]
2