正式告別12吋及其他玩具了及對TD之感覺
本帖最後由 Douglas.M.Saint 於 27-1-2013 03:19 PM 編輯有感而家買玩具唔止要訂,仲要鬥快訂,個個驚買唔倒...........訂唔切!個個執輸心態!!!
覺得現在太多玩具出得太密太濫同變成炒賣貨品。加上自己年紀漸長想唔玩玩具及留D
錢及時間陪下家人或自己計劃吓將來!!而決定唔再買玩具了............
上黎TD呢度差不多5,6年,由初初氣氛良好討論隻玩具點玩,影相,擺POSE,影相既ching有影得靚,有影得唔靚,但都有個心放喺個帖,現在熟悉的舊師兄弟相繼離開或愈來愈少出帖!!!!
而現在的TD只淪為部分人的吹水地,那些人只會破壞沒有建設!(只會不斷言語攻擊他人及部分玩具品牌或聯群口誅筆伐),尤其12吋區更甚!!
請部分自以為清高或不屑炒家的人們,你們在12吋甚麼討厭炒家,討厭南亞人,討厭Hottoys,討厭Enterbay,討厭呢樣嗰樣,實質一邊鬧一邊買...........你地就算在TD裏發言打擊炒家,一邊又在雅虎高價出貨圖利(係你地連名都唔改下)
算了,或許現時整個HK社會個個也是這樣病態
,樣樣金錢掛帥!人情味愈來愈少....... 終於有人明白我點解從來不去酒樓食晏, 請都唔去. 瀟灑走一會咪算囉! 好明白師兄嘅感受，星期六TD 12"區全部被吹水/炒賣/約戰帖攻克了(同樣的帖仲唔止一個)。
小弟星期六傍晚出左個分享帖，結果好自然沉底了，有時都有少少無癮架。
暫時小弟都仲仍然鐘意玩12"同影相，唔知幾時會覺師兄咁心灰意冷呢....... 末上TD之前，總是覺得孤單一人，很少或者不感跟同事或友人分享，始終外間難明過中樂趣，老虎就更不用說了！:31:
上左TD年多，覺得有分享的渠道，亦睇住Dfigure一日比一曰精細像真及C兄門出D靚圖及分享改造，不知不覺間已成為生活的一部份。C兄樓主其實說得對，上來TD其實應多點對figure的愛及分享，少說一點其他野例如對炒家的睇法等會對TD健康一點。 好同意樓主睇法，點解買玩具要訂？以前細路個陣買模型，玩具邊有話要訂貨，依家一訂仲要等起碼半年至九個月，等到出貨都無心機…，仲要依家有小小叫座力嘅角式唔係dx都已經要1380起碼，都唔知下隻公布嘅dx14個價會係點…
另一樣亦見到好多大愛呢個名詞，如果真係愛得咁緊要又點解唔會去動手改動吓隻figure令到佢更加靚更加傳神？ 回復 7# woowoobb
師兄,我都想幫隻DX11面部做消光,但冇技術真係咁敢搏 本帖最後由 woowoobb 於 27-1-2013 09:10 AM 編輯
回復woowoobb
師兄,我都想幫隻DX11面部做消光,但冇技術真係咁敢搏
haha_muse 發表於 27-1-2013 09:04 AM http://toysdaily.com/discuz/images/common/back.gif
11易搞到不得了，拆對眼出嚟想點噴都得，又易裝番，重點係一日唔郁手試就一日都唔會識 尋日排隊買MJ，係條臭後巷阿嬸掠地拖叫落嚟我地小心，心裡面不期然又浮起「點解我要咁折墜?玩玩具啫!」對上幾次係HT排隊又試過咁諗，其實睇下自己幾時頂唔順，可能會好似師兄咁放棄
其實出影相post 除非好似幾位大師同catcat 兄咁，如果唔係有時D人冷言冷語兩句甚至即刻沉底，都幾無癮，有D師兄改下野又俾人小唔似，又有好多扮專家撩交嗌
不過依然有D師兄好有心，又肯幫人 totally agree la...maybe no more post from me lu 回復 10# Dr.AL
係呀, 我企正係人地開檔嘅路口, 俾D街市佬問候, 又抽唔中...踉住去HT攞貨唔訂, 都要排, 仲見到身邊好多"搵食"嘅"專業買家"....都真係好掛住以前細個入"Peter Pan" 買玩具嘅日子... 又唔使話告別，啱價嘅咪玩，真的不用太上心，另有時又唔需要太在意其他人嘅言行，因有太多不負責任唧現代人，所以連說話都不需負責任，舉個例﹕就好似話錢唔係太重要但又要有生活質素，咁你話有無意思（並無影射任何人，請勿對號入坐）
現先不論玩家、炒家，又或是一啲態度有問題的人，起碼呢個討論區都重有好多有心同肯幫手嘅師兄喺度，又唔使太灰...:65: 看完bane兄和感想, catcat兄, woowoobb兄, Dr.AL兄的留言後, 真係有身同感受的感覺
你們所講的, 正正說講中了我的心聲
依家買figure, 差不多隻隻都話要訂的, 連普普通通一隻兵人figure或是卡通公仔(不是指電影角色)的figure都話要訂, 真的是限量生產? 街舖聯手收錢賺左你先?
雖然依家的兵人figure製作很精美, 但真的值8魚或以上? 我有朋友做塑膠玩具的(不是12"), 當他們知我用8魚幾買一隻figure, 他們眼都突埋, 因為他們說不論布料車工或模具技術, 依家已發展得很成熟, 除非是限量生產, 否則成本不會太高, 但我的朋友始終不是做12", 他們都不能確實成本係幾多.....大家都知figure 99%都是Made in China, 我不想針對某些品牌來說, 其實不同的品牌都可能係同一間公司代工, 十年前的兵人約3魚買到, 依家升2-3倍, 大家自己諗諗啦!!
最近大量出現的新acc.是炒家? 廠家? 街舖老闆? 大家自己諗諗啦!!
雖然我影相技術冇各位大大咁好, 但我都好想影下經我改做加工(不像現貨官圖的)的figure同大家分享, 但係我又怕人地誤會我同街舖宣傳, 點解我會咁諗? 應該話咩原因導致我會咁諗呢? 大家自己諗諗啦!!
最後, 當我最近看電視, 見到d人好可憐住劏房, 一日三餐都有問題, 我真係同Dr.AL兄一樣, 心裡面不期然又浮起「點解我要咁折墜?玩玩具啫!」, 一盒figure夠人地食足一個月
我諗我都講得太多, 亦唔知自己想講咩了 排隊雖苦，但間中新認識到同好都幾開心:35: