九巴向官民壓力屈服的犧牲品--密龍の前傳 (長文, 多圖注意)
本帖最後由 SuperBus 於 29-9-2012 02:20 PM 編輯http://i6.photobucket.com/albums/y206/super-bus/my%20avatar/K-OnTsumugi.png
(麻帆良市時報記者 / 桜高輕音部記者琴吹 紬報導)
為左提升巴士服務質素, 九巴喺 1980 年代末開始引進空調單層巴士,
並且向雅高巴士租賃當時該公司最新引入嘅日野豪華巴士, 開始拓展空調巴士路線服務,
隨住九巴喺 1988 年接收由英國 Leyland 車廠提供o既空調版 Olympian 11m 雙層巴士
(九巴車隊編號 AL1) 作試驗並且取得成功, 於是九巴由 1991 年開始,
主力購入空調雙層巴士, 為旗下部份路線加入空調巴士服務, 以進一步提昇服務質素,
並且為旗下車隊空調化展開序幕, 但係當時空調巴士尚未好似今日咁廣為大眾所接受,
而且使用空調巴士服務, 意味住代價就係要付出較高嘅車資, 而且以當時嘅社會環境,
因為空調巴士同非空調巴士車資差距問題, 市民亦擔心加入空調巴士服務等如變相加價,
加上當時受到空調巴士數目限制, 喺市民同壓力團體加上政府嘅壓力之下,
九巴亦只有順應民意, 喺引入空調巴士之餘, 亦引入一定數量嘅非空調巴士, 等市民有得選擇。
九巴喺 1986 到 1994 年間共購入 371 架 Dennis Dragon 11m 非空調巴士,
(其中一架底盤喺運到香港時損毀, 結果只有 370 部巴士出街)
當中喺 1994 年投入服務, 為數 50 部嘅 Dennis Dragon 11m (車隊編號 S3N271 - 320),
就成為呢個背景之下嘅犧牲品之一, 佢地原本係空調巴士底盤,
而且車尾亦係 "空調尾", 只係冇左空調系統同其他相關組件,
所以車尾亦被 "密封" 起來, 以便日後有機會裝回空調系統,
因而得到 "密龍" (或者 "密籠") 嘅稱號,
呢 50 架 "變種" 巨龍之中, 有 25 架配有 Cummins LT10 引擎同 ZF4 HP500 四前速自動波箱,
另外 25 架就配用 Gardner LG1200 引擎同 Voith D863 三前速自動波箱,
由於佢地無須再驅動空調系統, 馬力亦相對地比較強勁,
呢批巴士初時以灰白內籠同座椅配搭, 但係好快就被換上非空調巴士嘅啡色座椅,
同其他前輩一樣, 呢批巴士幾乎喺港九新界都見到佢地嘅蹤影,
踏入二十一世紀, 呢批 "變種" 巨龍嘅車齡亦漸漸增長,
加上九巴落實 2012 年車隊全線空調化, 呢批巴士亦喺 2011 年開始大規模退役,
隨著最後一架 "密龍" 同最後熱狗巴士喺 2012 年 5月8 日最後一日服務,
亦標誌住非空調巴士喺九巴服務嘅時代喺第二日, 2012 年 5月 9 日正式成為歷史,
遺憾地, 呢批巴士由新落地投入服務到退役,
都一直以非空調巴士嘅裝束示人, 無緣以空調巴士嘅姿態為市民服務。
今日, 麻帆良市正式歡迎兩部九巴 Dennis Dragon 11m"密龍" 成為本市新成員!
呢批 "密龍" 使用左當時喺熱狗巴士上首次使用嘅黑色鋁窗框加全茶色車窗配搭,
加上呢批巴士初時以灰白內籠同座椅嘅配搭, 如果唔係因為佢地嘅熱狗車身色,
真係會令人以為佢地係冷車, 不過一入到車廂就真相畢露啦,
(但係車廂入面嘅頂棚仲有冷氣槽呢下先至攪野! 不過都已經變左做裝飾品咯)
但係被密封嘅車尾, 亦令人聯想到佢地有空調巴士嘅影子,
市長 Super Bus 話呢款 "密龍" 佢搭得並唔多, 最有印象係一次坐佢行 69X,
由九龍車站入天水圍, 佢話當時嘅感覺, 雖然係冇冷氣,
但係行屯公都一樣咁爽, 或者係因為佢唔洗再拖冷氣,
引擎有得可以盡情發揮啦, Super Bus 仲話, 呢批車話哂原本都係冷氣車,
結果因為民眾壓力而成為犧牲品, 誠為憾事,
始終喺當時空調巴士仲未好似今時今日咁受落,
直到新城兩巴先後全冷, 喺今時今日空調巴士已經為大眾所接受嘅時候,
呢批熱狗巴士喺大眾心目中無疑亦顯得過時, 舒適度亦唔及空調巴士,
隨住九巴喺今年 5 月 9 日全車隊空調化,
佢地亦見證九巴嘅熱狗年代正式結束, Super Bus 講到呢度亦深表感概:
"始終時代嘅巨輪係不斷地轉, 就好似以前大哥大手提電話係上流人仕專利,
依家就普及到連讀緊小學初中嘅都可以見佢地一路行一路篤 iphone, Android,
我呢D依家仲用緊摺機嘅, 出街比佢地見到都覺得我 Out 啦~!"
而今日到埗嘅呢兩架 "密龍", 正正係佢地新車初出道時嘅最佳寫照,
行走 69X 嘅 "密龍" 更係市長 Super Bus 嘅一個回憶,
皆因當時佢就係坐呢部 S3N294 由九龍車站坐足全程入天水圍嘅,
灰色嘅車廂格局令佢到依家依然印象猶新,
另一架行走東隧線 619 嘅 S3N309, 車頭泵把嘅一對霧燈亦令呢架 "密龍" 顯得更加特別。
隆重歡迎! 九巴 Dennis Dragon 11m"密龍", 見參!!
http://i6.photobucket.com/albums/y206/super-bus/My%20collection-5/IMG_9552.jpg
http://i6.photobucket.com/albums/y206/super-bus/My%20collection-5/IMG_9553.jpg
69X 九龍車站, 證書編號 0060, 限量 400 架
http://i6.photobucket.com/albums/y206/super-bus/My%20collection-5/IMG_9555.jpg
619 順利, 證書編號 0071, 限量 400 架
http://i6.photobucket.com/albums/y206/super-bus/My%20collection-5/IMG_9556.jpg
正式落地!
http://i6.photobucket.com/albums/y206/super-bus/My%20collection-5/IMG_9557.jpg
http://i6.photobucket.com/albums/y206/super-bus/My%20collection-5/IMG_9558.jpg
S3N294 @ 69X 往九龍車站
http://i6.photobucket.com/albums/y206/super-bus/My%20collection-5/IMG_9560.jpg
http://i6.photobucket.com/albums/y206/super-bus/My%20collection-5/IMG_9561.jpg
http://i6.photobucket.com/albums/y206/super-bus/My%20collection-5/IMG_9562.jpg
http://i6.photobucket.com/albums/y206/super-bus/My%20collection-5/IMG_9563.jpg
http://i6.photobucket.com/albums/y206/super-bus/My%20collection-5/IMG_9564.jpg
http://i6.photobucket.com/albums/y206/super-bus/My%20collection-5/IMG_9565.jpg
http://i6.photobucket.com/albums/y206/super-bus/My%20collection-5/IMG_9566.jpg
http://i6.photobucket.com/albums/y206/super-bus/My%20collection-5/IMG_9567.jpg
S3N309 @ 619 往順利
http://i6.photobucket.com/albums/y206/super-bus/My%20collection-5/IMG_9568.jpg
http://i6.photobucket.com/albums/y206/super-bus/My%20collection-5/IMG_9569.jpg
配置左霧燈嘅 S3N309 令呢架密龍更添一點特色
http://i6.photobucket.com/albums/y206/super-bus/My%20collection-5/IMG_9570.jpg
http://i6.photobucket.com/albums/y206/super-bus/My%20collection-5/IMG_9571.jpg
http://i6.photobucket.com/albums/y206/super-bus/My%20collection-5/IMG_9572.jpg
http://i6.photobucket.com/albums/y206/super-bus/My%20collection-5/IMG_9573.jpg
http://i6.photobucket.com/albums/y206/super-bus/My%20collection-5/IMG_9574.jpg
http://i6.photobucket.com/albums/y206/super-bus/My%20collection-5/IMG_9575.jpg
三龍出海
http://i6.photobucket.com/albums/y206/super-bus/My%20collection-5/IMG_9576.jpg
http://i6.photobucket.com/albums/y206/super-bus/My%20collection-5/IMG_9577.jpg
真車相, S3N294 @ 69X 往九龍車站
http://i6.photobucket.com/albums/y206/super-bus/My%20collection-5/IMG_9579.jpg
九巴密龍, 講到底, 都係黑軨加灰白內籠有型又有 Feel 好多~
*因為初音食左D有問題嘅葱攪到依家上吐下瀉頭暈身慶, 所以今次小劇場唯有暫停一次
Thanks for reading~ 樓主呀~~請問遲D唔知會唔會出巨龍 11 米開龍呢?? 想要早期型既合金版本!!
chiu 發表於 29-9-2012 21:56 http://toysdaily.com/discuz/images/common/back.gif
鐵車已經出過一次啦, 不過個人覺得出得好樣衰,
如果唔介意玩膠車嘅話出年年頭應該會出, 可以等等...
http://www.orientalmodelbuses.co.uk/Dennis/Dragon/10210.htm
http://www.orientalmodelbuses.co.uk/Dennis/Dragon/10211.htm 回復SuperBus
樓主呀~~我講既係車身款式同巨龍 12 米熱狗，與及統治者 Dominator 兩軸版本同 ...
chiu 發表於 30-9-2012 00:36 http://toysdaily.com/discuz/images/common/back.gif
呢款嗎?
http://www.orientalmodelbuses.co.uk/resin/B0040.htm
呢款車唔叫開龍, 開龍係指最尾果批 11m 非空調龍 係呀~~係呀~~樓主知唔知喱款巨龍 11 米熱狗合金車幾時會出呀?? 唔該晒!!
chiu 發表於 30-9-2012 13:12 http://toysdaily.com/discuz/images/common/back.gif
暫時未有任何消息, 先前有間出膠車嘅話會出呢款鐵車版吉龍但係到依家都係只聞樓梯響... :35:熱狗心!!!!!!!!!!!!!!!!!!!!!!!! 回復SuperBus
原來喱款車叫 "吉龍" 呀!!
chiu 發表於 1-10-2012 17:21 http://toysdaily.com/discuz/images/common/back.gif
冇錯, 因為呢批車係用吉拿 Gardner 引擎而得名,
不過當中有幾部係裝左 Cummins 引擎喺果陣做試驗,
上面 Link 果兩部膠車, 真車就係用 Cummins 引擎 其實喱款巨龍車係咪絶大部份都係用吉拿引擎呀?
chiu 發表於 1-10-2012 22:37 http://toysdaily.com/discuz/images/common/back.gif
係標準上都係用吉拿引擎, 康明斯引擎都係喺大概 1988 年,
九巴第一部試難驗成功嘅雙層空調巴士 Leyland Olympian 11m AL1 果陣至開始興起
頁:
[1]