熱狗OO 發表於 20-3-2021 12:41 PM
作為一個當代動畫迷的青春告別式(甚至中年告別式),
雖不是EVA的超死忠, 但香港有IMAX或4D版我都會盡地 ...
我應該只會睇普通版！！
序和破都好睇，尤其是破...
但 Q 我真係睇唔明，亦唔覺好睇得去邊...
今次喱套，持觀望態度算喇...
Lau 發表於 20-3-2021 07:57 PM
我應該只會睇普通版！！
序和破都好睇，尤其是破...
EVA從來都睇唔明得晒
但我覺得Q好好睇 :x
戰鬥場面永遠都有驚喜係EVA看點之一
多年後講經典一定係舊作,
新版陽光了許多是欠了特式, 但絕對又唔可以話令人失望
作為許多黑化主角的今日, 或今日現實社會多混沌之下(香港不用說, 日本本身也被311,肺炎,奧運半滑鐵爐及被中共於釣魚島等事壓得一吐污氣)
陽光化的EVA我又覺得合適或事實上的必須
如果舊版EVA其中意義係探討當年的死小孩或中二病的一眾"廢青"與現實的疏離的話
那麼當年的廢青都長大甚至成中老年了, 有樓有車結婚生仔不計其數,
都被社會磨得平滑, 或早已發展出適合現實的一套,
真治由舊版的毒廢變番傳統機械人動畫中的"阿寶式"形象我覺得反而令傳統的EVA粉絲得到暖感
看日本的反應似乎都係好睇的, 仲好多粉絲二刷三刷
14名聲優出席感謝訪問
https://www.famitsu.com/news/202103/28216730.html
追加預告
3tyYvoIlroM
https://youtu.be/3tyYvoIlroM
從Amazon看了, 整體及結局我是滿意的
但少少不滿係戰鬥場面係跌WATT了, 震撼感及出奇感都不及前三作
最大的遺憾係不能在戲院睇.....
熱狗OO 發表於 16-8-2021 02:44 AM
從Amazon看了, 整體及結局我是滿意的
但少少不滿係戰鬥場面係跌WATT了, 震撼感及出奇感都不及前三作
乜香港無得上畫咩？？
因咩事無得香港上畫呀？？
結局都係睇唔明, 因為畫面曾出現過兩個已唔存在既人, 大量角色去向亦冇交代
不過今次真係有不捨感覺因為起碼唔再係 TV 版同舊劇場版嗰一堆亂圖爛對白咁睇死人, 而且咁多波折先出到完結感覺真係冇下次了
希望戲院會上, 阿馬遜D中文字幕唔掂
Lau 發表於 16-8-2021 09:25 AM
乜香港無得上畫咩？？
因咩事無得香港上畫呀？？
我非常驚訝你如此問喎, 師兄你是移民了去英國吧?
應該我咁問番你: 除了日本外, 有那個國家的電影院是有得上EVA? 若有我都好想知
還是你是時間的旅行者, 因而忘記了現在是武肺肆虐中?
stonekeung01 發表於 16-8-2021 01:05 PM
希望戲院會上, 阿馬遜D中文字幕唔掂
絕對同意繁體字幕好差勁, 一些YOUTUBE KOL亦有提出
連"初號機"都譯唔出, prime video是太鄙視粵語組群吧
本帖最後由 熱狗OO 於 16-8-2021 03:58 PM 編輯
keroro-1972 發表於 16-8-2021 09:35 AM
結局都係睇唔明, 因為畫面曾出現過兩個已唔存在既人, 大量角色去向亦冇交代
不過今次真係有不捨感覺因為起 ...
有下次, 剛剛庵野氏說會拍一集講Q及END之間的空白14年, 不過我預期係空頭支票多...
(又要拍超人及檬面超人了, 莫非又要等十年? 期間或有配音員仙遊?)
睇EVA, 有數位KOL有提過: 你根本唔洗明晒有關聖經的術語, 呢D懶神秘高深的明就有趣唔明晒其實不影響甚麼
去除所有聖經術語造成的煙幕, 本作品其實只係一套普通的日式王道動畫, 一個不複雜的故事, 但係做得好好睇, 就此而已
整個故事其實只係一個重點: 成長
主角的成長, 各個角式的成長, 成長包括係面對過去及接受過去的覺悟
至於咩異世界又多重次元又裡宇宙又輪回甚麼的, 講真各位睇左幾廿年日本動畫/荷李活電影/玩過下十款八款RPG, 呢D劇情都被用過N次架喇, EVA又玩一ROUND姐, 大概意會到就得架喇, 講痴線度EVA就遠不及去年羅蘭導演拍果套燒腦作品"天能"了, 自己覺得如何便是如何便OK了, 死要講邊個角式在那個場景是事實的存在還只是輪回, 我估庵野秀明根本都無諗過要寫得確實
熱狗OO 發表於 16-8-2021 03:50 PM
有下次, 剛剛庵野氏說會拍一集講Q及END之間的空白14年, 不過我預期係空頭支票多...
(又要拍超人及檬面超 ...
可以完全唔須要用腦睇電影我多數都唔鍾意睇
我覺得今次前半係日常後半係奇幻多, 宗教味反而冇咁重
今次講清楚主角老豆點解要改寫劇本我覺得係圓滿咗, 因為 TV 版時我己經覺得佢根本就係咁幼稚, 呢個先似係佢初心
可能我好怕故事會變得太殘酷好似舊劇場版咁, 結果雖然都有唔開心位但就唔係嗰種絕望感, 整體嚟講都算滿意
熱狗OO 發表於 16-8-2021 03:37 PM
我非常驚訝你如此問喎, 師兄你是移民了去英國吧?
應該我咁問番你: 除了日本外, 有那個國家的電影院是有 ...
我都好驚訝你竟然用疫情黎答我...
我想問你幾耐無睇戲呢？？
你唔見到好多外國片，甚至大片都過黎香港上畫咩？？
唔通疫情只有日本至有，外國無？？
就算係日本，早排套<<她和他的戀愛花期>> 一樣係日本片，咁點解佢又黎到香港？？
如果係話係個別公司的決定暫時唔黎香港上畫，咁就另作別論...
但我唔覺得有公司會有錢唔賺囉...